Abhaëfësö 2:5 - Imuuma Eehya

⁵ Ntwaarë kya abhaku ko okoghera ukwa obhosarya ubhwëtö, akatohaana öbhöhöru obhohya kya bhono yaahaana Yëësu Kiristo. Amaabhë agha Waryobha, ngo ghaaghërrë akabhatöörya.

Abhaëfësö 2:5 Referans Kwoze

Abharuumi 3:24

Kasi bhoono Waryobha kö örööbhö urwaye, aikërëëyi okobhara abhantö igha m-ba heene ku-mwene, bhatamohakirë kyokyonswe keera. Bhatunguribhwa ukurwa mö-bhëbhë ibhyabho okohetera ku-Kiristo Yëësu

Abhaëfësö 2:8

N-ko okoghera iya örööbhö urwa amaabhë aghaaye, nkyo kyaaghërrë Akabhatöörya ku umukumo ghono moonagho ku-Yëësu Kiristo. Tiyabhatöörya ko okoghera igha mwaamokorra ëkëntö kyokyonswe keera, ti-igho hë, kasi iyö ni-tuho eno Waryobha yaabhahaana.

Abharuumi 5:10

Kuyö n-ko okoghamba igha, ko bhoora Waryobha yaatwighwerrania nawe, ko okohetera uruku urwa Omoona uwaaye, hano waanyöörrë tokeena ëbhëbhë, bhoono twabha abhasaani abhaaye. Ko bhoora m-maheene igha, yaatwighwerrania okohetera uruku urwa Yëësu Kiristo, ku bhuyö ntoraatööribhwi ukurwa mu-bhushibhu ubhwa okorerra ukwa Waryobha, okohetera öbhöhöru ubhwa Yëësu Kiristo.

Abharuumi 5:8

Kasi Waryobha yaatwörökya igha natohanshirë bhököngʼu, ko okoreeta Yëësu Kiristo akwe ko okoghera iya bhëëtö, hano twaarenga abhaköri abha ëbhëbhë.

Amangʼana agha Abhatomwa 15:11

Bhëëtö nkukumya törë igha, nkötööribhwa törë ko okohetera örööbhö urwa Omonene Yëësu umwene igho. Abheene bhonswe örööbhö ruyöruyö ndwo robhatöörri.”

Abhaëfësö 2:1

Bhëënyu n-kya abhaku mwaarë, ko bhoora motaighweranga Waryobha, mokaghëndërrya okokora ëbhëbhë.

Abharuumi 8:2

Ko okoghootana na Kiristo Yëësu, nnyöörrë obhotoro ubhwa Umwika Ömöhörëëru ono akotohaana öbhöhöru ubhwa amakora ghonswe igho. Öbhöhöru bhuyö, bhongʼaayë öbhötöönööni, okore ntakabhaahwa na obhotoro ubhwa ëbhëbhë na uruku.

Tiito 2:11

Wëëghinga abhantö amangʼana ghayö, ko bhoora, örööbhö urwa Waryobha rono rököhönia abhantö bhonswe igho, harabhu igho rörë.

Abhaëfësö 5:14

nkyo kekoghera eraghambwa igha, “Bhooka uwe ono oraayë, uryoke urwe mo-bhaku na obhorabhu ubhwa Yëësu Kiristo mboraakömërëkëri.”

Abharuumi 4:16

Kiyö nkyo kekoghera riraghano irya Waryobha reraitengʼera örööbhö urwaye, na ukumukumya ibhyene igho. Ko okoghera iya engʼana iyö, ghonswe igho ghaara Waryobha yaaraghaini abhantö abha Ibhurahimu bhonswe igho, n-ga bhoheene. Ensonga iyaamo ni-igha, tekobha igha nko-bhaghööti abha amaraghërryö abheene igho hë, kasi nko-bhonswe igho bhano bhakukumya Waryobha kya bhono Ibhurahimu yaamukumiri. Ibhurahimu we taata uwëëtö bhonswe igho bhano tukukumya Waryobha.

Tiito 3:5

Ti-igha öbhöntö ubhwa heene ubhwëtö, mbo bhwaaghërrë akatokorra ghayö, kasi n-ko okoghera iya ikyabhera ikyaye, nkyo kyaaghërrë akatokorra igho. Atosaabhuurrë obhoghogho ubhwëtö, kuyö nko ukwebhorwa bhohya. Ghwiki atohaayë öbhöhöru bhohya okohetera ku-Mwika Ömöhörëëru.

Abharuumi 5:6

Mbe, hano twaarenga abhataaniinu, Yëësu Kiristo yaaishirë, enkaagha ekahika, akakwa ko okoghera iya ëbhëbhë ibhyëtö.

Abharuumi 16:20

Bhoono Waryobha ono akotohaana omorembe, m-böngö araatashere hansë Oghosambwa. Naraaghotashere mo-bhora ubhwa amaghörö aghëëtö. Örööbhö urwa Omonene uwëëtö Yëësu Kiristo robhe hamwë na bhëënyu. [Amina.]

Yohana 6:63

Umwika uwa Waryobha we akohaana abhantö öbhöhöru. Esemoko iya ömöntö, teena obhotoro bhwobhwonswe bhoora hë. Amangʼana ghano mbatëëbhëri, na-agha Umwika uwa Waryobha, kora ngaana öbhöhöru ubhwa amakora ghonswe igho.

Yohana 5:21

Kya bhono Taata akuryökya abhaku, na okobhahaana öbhöhöru, ni-ighoigho Omoona wonswe akohaana öbhöhöru ömöntö wowonswe ono akutuna igha ahaane.

Okohonyora 22:21

Örööbhö urwa Omonene Yëësu, robhe hamwë na bhëënyu bhonswe igho. Amina.

Ruuka 15:24

Ko bhoora mura uwaane ono, yaarenga kya ono akuurë, kasi bhoono m-möhöru. Yaarenga asirrë, kasi bhoono atöökirë.’ Ho bhayö bhonswe igho, bhakarya inyangi iyö, bhashömëëywë.

Abhakorosaai 2:13

Bhëënyu n-kya abhaku mwaarë ko okoghera iya ëbhëbhë ibhyënyu, kora temwarenga moraasaarwa esaaro iya ëbhëbhë ibhëënyu. Kasi Waryobha yaabhahaana öbhöhöru hamwë na Kiristo, hano yaatwabhëëyë ëbhëbhë ibhyëtö bhyonswe igho.