Abhaëfësö 2:3 - Imuuma Eehya

³ Bhëëtö bhonswe igho Abhayahudi na bhëënyu Abhakyaro, tetwaighweranga Waryobha hë. Hano waanyöörrë totaraakumya Yëësu Kiristo, ntwaarë kya bhayö bhatakwighwera Waryobha. Twaakoranga amangʼana ghano ëmëbhërë ighyëtö na sehakëri isyëtö bhyaatunanga tokore. Ntwaarë kya bhono abhantö abhandë bharëngë ko-kebhara kono. Ntwaaibhööywë na esemoko iya obhoghogho. Twaarërërrëëywë na Waryobha, kora nakaatushibhiri.

Abhaëfësö 2:3 Referans Kwoze

Tiito 3:3

Kora bhëëtö bhonswe kare hayö, hano waanyöörrë totaraakumya Yëësu, m-bakangi twaarë, abhatëëyu, kora ntwaangʼainirwë, tokabha abhaghorwa abha oronamba, na amangʼana amaaru agha ko-kebhara kono, ghano ghaaturutanga. Tokabha abhantö abhaghogho na abha orongʼeera. Tokabha abhantö abha okoreghana na abhantö abhandë.

1 Peetero 1:14

Ko bhoora igha, bhoono m-baana abha Waryobha mörë, ni-igha mosooke Waryobha. Motakaikërrya ghwiki okobha na oronamba oroghogho rono mwaarenga naro kare, hano mwaarenga motaraamanya Amangʼana Amaiya agha Yëësu Kiristo.

Abhaëfësö 4:22

Abhëëghya abhëënyu bhaabhëëghya igha, mutighe seteemo isyënyu isya kare seera, seno syaabhasikyanga, isya ubhunyanku ubhwa oronamba rono rwaabhangʼënërryanga.

Abharuumi 13:14

Kasi bhoono igho kö-bhömënyi ubhwënyu bhwonswe igho, motangatwenga na Omonene Yëësu Kiristo, motakaikërrya kora hake, okobha na esemoko iya öbhököri ubhwa ëbhëbhë, handë oronamba urwënyu oroghogho.

Abharuumi 6:12

Mbe, motakaahaana ëbhëbhë umweya ughwa okobhaaha ëmëbhërë ighyënyu gheno ghikukwa. Hano moraahaane ëbhëbhë obhobhaahi bhuyö, moraarutwe okokora amangʼana amaghogho ghano ëmëbhërë ghikutuna mokore.

1 Yohana 2:16

Ngambirë igho ko bhoora igha, obhoghogho ubhwa ko-kebhara kono, tibhukurwa ku-Waryobha hë, nko-kebhara kono bhukurwa. Obhoghogho bhuyö, n-kya oronamba urwa ömöbhërë, ukwighomba okobha na kyokyonswe igho keno okomaaha, na ikiheemere ikya ubhwamë.

Abhaëfësö 2:2

Enkaagha iyö, mwaakoranga amangʼana agha ko-kebhara kono. Kora mwaasorananga omotangati omoghogho uyö, Omonene uwa singuru isya ighörö isya amasambwa. Uyö we bhoono igho akokora emeremo mo-bhantö bhano bhatakwighwera Waryobha.

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

1 Abhakörintö 4:7

Bhoono uwe n-nawë yaakokora obhe uwa heene okokera abhandë? N-kë onakyo keno otaahaanwa na Waryobha? Nyoore waahaanwa, n-kwakë ukwibhaaka kya ono otaahaanwa?

Abharuumi 7:18

Nemanyirë igha, teneena ëkëntö ikiiya kyokyonswe ko-semoko iyaane hë. Ko bhoora igha, hano natuna igha nkore amangʼana amaiya, nkobhorwa ndë obhotoro ubhwa okoghakora.

Maariko 4:19

Kasi inyanko iya ko-kebhara kono, iya ubhutuni ubhwa okobha na ëbhëntö, bheena ukwighomba amangʼana aghandë, mbyo bhikutimba engʼana, ekerwa ukwama.

Abharuumi 11:30

Bhëënyu kare temwaighweranga Waryobha hë, kasi bhoono Waryobha akabha na amaabhë kö-bhëënyu, ko bhoora Abhaisiraëri bhaangirë ukumwighwera.

Abharuumi 9:22

Ku-Waryobha ni-igho ërë. Waryobha yaatunanga ööröki abhantö okorerra ukwaye na obhotoro ubhwaye, kasi yaaghömërrëëyi bhököngʼu bhaara bhaaingʼarëëyi ukusikibhwa.

Yohana 1:13

Abhaana abha Waryobha bhayö, te-bhano bheebhorwa kinyamöbhërë, handë ko okohansha ukwa ömöntö, handë bhono ömöntö akutuna, kasi no-kohansha ukwa Waryobha umwene.

2 Peetero 2:18

Nkoghamba bharë amangʼana agha ikiheemere, ghano ghataana ubhwera. Oronamba urwabho oroghogho urwa kinyamöbhërë, ndo rokoghera bharakemba abhantö bhano bhaakumya bhöngö hano, bhano bhaatigha okokora ghano abhasarya bhakokora.

2 Peetero 2:14

Amaiso aghaabho, n-ga kesooraare. Oronamba urwabho oroghogho urwa okokora ëbhëbhë, teroona umuhiko hë. Nköngʼënërrya bharë bhanyamukumo mötëntëëru. Senkoro isyabho, bhaasenarya ukwighomba ëbhëntö. Abhantö bhayö bhaihiimwa!

1 Timoteo 6:9

Kasi bhano bhakwighomba ukwameha, nkushaashibhwa bharë, bhaghöötibhwa ko-metegho na oronamba urwabho, urwa ekekangi. Oronamba ruyö, nkobhasarya rörë, kora robhasikya.

Abhagharatia 3:22

Kasi bhoono ti-igho ërë hë. Amaandeko Amahörëëru gharaghamba igha, abhantö bhonswe igho, mmö-bhötöngi ubhwa ëbhëbhë bharë. Ku bhuyö Waryobha yaaraghaini okobhahaana keno yaaraghaini okohaana bhonswe igho bhano bhakukumya Yëësu Kiristo.

Abharuumi 1:24

Ku bhuyö Waryobha yaabhatigha bhasooranenga oronamba urwabho, kora bhakorranenga amangʼana agha sënsöni kö-mëbhërë ighyabho.

1 Yohana 2:8

Nokaanyoora ngambirë igha, umughiro ghuyö nkobhandekera n-gwa kare, kasi ghwiki m-mohya. Obhoheene ubhwa obhohya ubhwa umughiro ghuyö, bhwaamaahekana kö-bhömënyi ubhwa Yëësu Kiristo. Öbhömënyi bhono bhëënyu moonabho, bhonswe nkwörökya bhörë igha, m-maheene umughiro ghuyö m-mohya. Ngambirë igho, ko bhoora igha, ikisuntë ikya obhoghogho na ukwanga okomanya, nkwihëënia bhërë, na obhorabhu ubhwa heene bhomarrë okorabherra.

Amangʼana agha Abhatomwa 14:16

Kare hayö, Waryobha yaatighirë Abhakyaro bhonswe igho bhakore bhono bhaatunanga.

Abharuumi 2:14

Abhakyaro, bhayö tebhamanyirë imighiro ighya Waryobha hë. Kasi hano amaitegherro aghaabho gharaaghere bhakore kya bhono imighiro ghyaaraghërya, hayö nkwörökya ërë igha, amaitegherro aghaabho ngamanyirë okokora amangʼana ghano ghakorengʼaana bhono imighiro ghiyö ghikutuna.

Abharuumi 5:9

Mbe, nyoore twabharwa igha na-abha heene törë ko okohetera amaanyinga agha Yëësu Kiristo, m-boheene igha, kora narëtötöörya totakaasoha mu-bhushibhu ubhwa okorerra ukwa Waryobha.

Abharuumi 5:10

Kuyö n-ko okoghamba igha, ko bhoora Waryobha yaatwighwerrania nawe, ko okohetera uruku urwa Omoona uwaaye, hano waanyöörrë tokeena ëbhëbhë, bhoono twabha abhasaani abhaaye. Ko bhoora m-maheene igha, yaatwighwerrania okohetera uruku urwa Yëësu Kiristo, ku bhuyö ntoraatööribhwi ukurwa mu-bhushibhu ubhwa okorerra ukwa Waryobha, okohetera öbhöhöru ubhwa Yëësu Kiristo.

Abhakorosaai 1:21

Kare hayö, hano bhëënyu motaarenga moraakumya Waryobha, hare mwaarë nawe, kora mokabha abhabhisa abhaaye, ko okoghera iya amaitegherro na seteemo isyënyu sengogho.

1 Abhatësarönikë 4:13

Bhëënyu abhakumya bharikyëtö, keno tukutuna ni-igha momanye amangʼana agha Abhakiristo bhano bhaakwa, okore motakaabhaabhayera kya abhantö abhandë bhano bhataana ubhweseghe ubhwa ukuryoka.

1 Abhatësarönikë 5:6

Bhoono totakaaraara sentero kya abhandë, tobhe maiso, na ukwirebherra.