Abhaëfësö 2:10 - Imuuma Eehya

¹⁰ Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Abhaëfësö 2:10 Referans Kwoze

Abhafiripi 2:13

Mbe, mokorenga igho, ko bhoora Waryobha we akoghera morahansha okokora ghano akutuna mokore, kora nkobhahaana arë obhotoro ubhwa okoghakora.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhaëbhuraania 13:21

Waryobha abhakore mohekerane ko amangʼana amaiya ghonswe igho, okore mokorenga bhono akutuna. Hayö ho araakore mö-bhëëtö keno kikumushomera ko okohetera ku-Yëësu Kiristo, aghëndërri okobha na ubhuhika ubhwa amakora ghonswe igho. Amina.

2 Abhakörintö 5:17

Hano ömöntö yaabha na öbhömwë na Yëësu Kiristo, nkobha arë ömöntö omohya, amangʼana agha kare ghaaheta, bhoono na-mangʼana amahya ghaaho.

2 Abhakörintö 9:8

Hayö ho Waryobha araabhangʼoore bhököngʼu, okokera bhono mukutuna, okore nkaagha syonswe igho, mobhe na kera ëkëntö keno mukutuna. Ni-igho araabhakorre, okore möghëndërri okokora amangʼana amaiya amaaru agha ökötöörrya abhantö.

Abhaëfësö 4:24

Ghwiki igha, mobhe na eteemo eehya iya ituubho iya Waryobha ko bhoheene ubhwa heene na öbhöhörëëru.

Abhafiripi 1:6

Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.

2 Timoteo 3:17

Amaandeko ghayö, nkösëëmya gharë ömöntö uwa Waryobha okore atore okokora amangʼana amaiya ghyonswe igho.

Abhaëfësö 4:1

Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.

2 Timoteo 2:21

Mbe, hano ömöntö yaisaabhuura atighe obhoghogho bhuyö bhonswe igho, nkobha arë kya ëkëntö keno kyahorwa, ikya okokorra emeremo ëmëhagharë. Naraangʼarre ko-Monene uwaaye. Noraanyoore aisëëmëri okokora emeremo imiiya ghyonswe igho.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëfësö 1:4

Keno Waryobha yaakörrë, nu-kutwahora tobhe abhantö abhaaye ko okohetera kö-bhömwë ubhwëtö na Yëësu Kiristo. Yaakörrë igho, kora ataraabhomba ëbhëntö bhyonswe igho ibhya ko-kebhara kono. Waryobha yaatwahora okore tobhe abhahörëëru abhaaye bhano totaana risoro ryoryonswe reera. Ko okoghera iya righonshe iryaye,

1 Timoteo 6:18

Ghwiki obhatëëbhi igha, bhakore amangʼana amaiya. Bhabhe abhaamë, abha okokora amangʼana amaiya. Bhabhe abhahaani, bhasangenga na abhantö abhandë ëbhëntö ibhya ubhwamë ubhwabho.

Tiito 3:14

Abhakumya bharikyëtö bhonswe, bheeghe okokora amangʼana amaiya, okore bhatöörri abhahabhë. Hano bharaakorenga igho, mbaraabhe abhantö abha ubhwera tebhahete bhosa igho hë.

Abhaëbhuraania 10:24

Twangarrane na okokangʼasërrania ku righonshe na ko amangʼana amaiya.

Tiito 3:8

Amangʼana ghayö nkötëëbhëri, na-agha obhoheene. Nkutuna ndë igha oghakangʼasërri ko-bhantö, okore bhano bhonswe igho bhakukumya Waryobha, bhaghanaghi, na bhaiköngʼërri okokora amangʼana amaiya. Amangʼana ghayö m-maiya, kora ngaana ubhwera ko-bhantö bhonswe igho.

Abhakorosaai 3:10

bhoono mwaghöötirë-ko eteemo eehya. Waryobha umwene yaabhömbirë eteemo eehya iyö, kora nköghëndërrya arë kobhakora mutuubhane nawe bhököngʼu, okore momomanye bhuuya.

Tiito 2:7

Uwe Tiito, ko amangʼana ghonswe igho, obhe ëkërëngyö ikya abhantö ökörëngya okokora amangʼana amaiya. Obhe ömöntö uwa obhoheene na ono onaghirë kö-mëëghyö aghaaho.

1 Abhakörintö 3:9

Nkoghamba ndë igho ko bhoora bhëëtö m-baköri abha emeremo abha Waryobha törë, na ömöghöndö ughwa Waryobha, m-bëënyu, kora m-bëënyu inyumba iyaaye.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

Tiito 3:1

Uhiitökinga abhakumya igha, bhasookenga na ukwighwera abhatangati na abha ubhwera. Bhabhe na eteemo iya okokora amangʼana amaiya.

1 Yohana 2:6

Hano ömöntö yaghamba igha aana öbhömwë na Waryobha, ni-igha abhe kya bhono Yëësu yaarë.

Mataayo 5:16

Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Yohana 3:21

Kasi abhantö bhano bhakokora amangʼana agha heene, bho nkuusha bharë ko-bhorabhu, okore amangʼana aghaabho agha heene, ghamanyekane harabhu igho igha, Waryobha we akobhahaana obhotoro ubhwa okoghakora.

2 Abhatësarönikë 2:17

abharöörësi mo-senkoro, kora abhatogheke, okore moghambenga na okokora amangʼana amaiya.

Abharuumi 8:29

Waryobha yaamanyirë abhantö abhaaye kora ataraabhomba ekebhara. Bhayö mbo yaashaaghööyë bhabhe kya bhono Omoona uwaaye Yëësu Kiristo arë. Yaakörrë igho, okore Omoona uwaaye Yëësu Kiristo uyö, abhe omotangi ko-bhakumya abhaaru abha Waryobha.

Amangʼana agha Abhatomwa 9:31

Mbe, ekanisa ekabha na omorembe ahasë honswe igho, Yudea, mo-mokowa ughwa Ghariraaya na Samaaria. Abhakumya bhakaghëndërrya okonagha, na okosooka Omonene Yëësu. Ko okoseghwa na Umwika Ömöhörëëru, abhantö bhakaaruha mo-kanisa.

2 Abhakörintö 5:5

Waryobha we yaatösëëmya ko okoghera iya amangʼana ghayöghayö, kora we yaatohaana Umwika uwaaye, okore abhe ekebhete ikya ukwörökya igha, keno yaaraghania, nkerebha.

1 Timoteo 5:25

Ni-igho igha, amangʼana amaiya ghonswe nkomaahwa gharë harabhu igho. Na ghaara ghaibhisirë, ngaretomboka ghabhe harabhu igho.

1 Timoteo 2:10

Kasi bhabhe na eteemo inshiiya eno erengʼaini na iya abhakari bhano bhakwighwera Waryobha.

1 Timoteo 5:10

Abhe uwa eteemo inshiiya, abhe igha, nö-möntö ono yöörökërryanga abhaana abhaaye eteemo inshiiya, yaasërëënianga abhaghëni, yaatighinkananga ukwisaabhya abhantö abha Waryobha amaghörö aghaabho. Umusinö uyö, abhe ono yaatöörryanga bhano bhaanyankibhwanga, ghwiki abhe ono yaakora amangʼana amaiya.

1 Yohana 1:7

Kasi hano oraanyoore mo-bhorabhu tömënyirë, kya bhono Waryobha amënyirë-mo, hayö ntoraabhe na öbhömwë bhëëtö abheene ko bheene. Kora hayö ho ukunyoora amaanyinga agha Omoona uwaaye Yëësu Kiristo gharatosaabhuura ëbhëbhë ibhyëtö bhyonswe igho.

Amangʼana agha Abhatomwa 9:36

Yaare-ho omokari uwöndë mu-mughi ghono ghwaabherekerwanga igha Yafa, omokari uyö, m-mwegha uwa Omonene Yëësu yaarë. Yaabherekerwanga igha Tabhita, (mu-Kiyunaani ni-igha Dorikaasi, ensonga iyaaryo ni-igha ënsöku). Yaakorranga abhantö ubhwa heene na yaatöörryanga abhatöbhu.

Abhagharatia 6:15

Okosaarwa handë ukwanga okosaarwa, ghonswe igho teghaana ubhwera bhwobhwonswe bhoora hë. Ëkëntö ekenene, no-kobhombwa bhohya na Waryobha.

Abharuumi 8:1

Mbe, bhoono ni-igha, Waryobha taashibhi abhantö bhano bhaana öbhömwë na Kiristo Yëësu.

Abhaëfësö 2:2

Enkaagha iyö, mwaakoranga amangʼana agha ko-kebhara kono. Kora mwaasorananga omotangati omoghogho uyö, Omonene uwa singuru isya ighörö isya amasambwa. Uyö we bhoono igho akokora emeremo mo-bhantö bhano bhatakwighwera Waryobha.

Abhaëfësö 1:1

Nö-öni Pauro omotomwa uwa Kiristo Yëësu ku righonshe irya Waryobha. Ritashandighi reno, m-bëënyu nkwandekera abhantö abha Waryobha bhano mököghëndërrya ukukumya Kiristo Yëësu Ëfësö hayö, ko okobha na öbhömwë nawe.

Abhaëfësö 2:6

Waryobha akaturyökya ukurwa mo-bhaku hamwë na Kiristo Yëësu, akatwikarya totonge hamwë na Kiristo ko-hasë hano hatakomaahwa. Yaakörrë igho ko okotohaana öbhömwë na Kiristo Yëësu.

Abhaëfësö 2:13

Kasi bhoono ko okobha na öbhömwë na Kiristo Yëësu, bhëënyu bhano mwaarë hare na Waryobha kare hayö, bhoono Waryobha abharëëtirë haangʼë nawe, okohetera ukweteka ukwa amaanyinga agha Kiristo Yëësu hano yaakuurë.

Abhaëfësö 2:15

Ghwiki akaruusya-ho amaraghërryö, imighiro ighya Waryobha na seteemo syonswe igho isya amaraghërryö agha Mosa. Akakora bhohya amakomo abhërë ghayö agha abhantö, Abhayahudi na Abhakyaro, bhakabha ëkëntö këmwë, ku bhuyö akabhareetera omorembe.