Abhaëfësö 1:8 - Imuuma Eehya

⁸ Örööbhö n-dwaru bhököngʼu atohaayë, kora aghërrë tobhe na obhongʼaini bhwonswe igho, na okomanya bhuuya amangʼana.

Abhaëfësö 1:8 Referans Kwoze

Okohonyora 5:12

Nkabhaitegherra bhararëëtya bhököngʼu igha, “Omoona Ringʼöndi ono yaashinshwa, aingʼarëëyi okohaanwa obhotoro, ubhwamë na obhongʼaini. Singuru, okosookwa, ubhuhika na sinkuma ni-bhyaye!”

Abhakorosaai 2:3

Ku-Yëësu nko emongo iya imbumbure yonswe igho iya obhongʼaini na obhomanyi ërëngë.

Abhaëfësö 3:10

Yaakörrë igho, okore okohetera mo-kanisa ko bhoono igho, obhongʼaini ubhwa Waryobha ubhwa seteemo nsharu, bhomanywe na abhatöngi na abha ubhwera bhano bhakotonga ahasë hano hatakomaahwa.

Abharuumi 5:15

Kasi riragha irya ëkëbhë keno Adamu yaakörrë, ne-ngʼana enke bhököngʼu hano wagherengʼania na örööbhö urwa Waryobha rono Yëësu Kiristo yaatoreetera. Örööbhö urwa Waryobha ruyö, teroona ekerengere hë. Maaha mbe igha, Adamu yaareetera abhantö uruku, ko okoghera iya ëkëbhë ikyaye. Kasi Yëësu Kiristo, we yaareetera abhantö örööbhö urwa ukwabherwa ëbhëbhë ibhyabho, bhanyoore öbhöhöru.

Yuuda 1:25

Waryobha we umwene igho Ömötöörya uwëëtö, okohetera ku-Yëësu Kiristo Omonene uwëëtö. Waryobha atöönibhwi! Naana obhonene, obhotoro, na ubhwera, ukurwa kare, bhoono igho, na amakora ghonswe igho. Amina.

Abhaëfësö 1:11

Ghwiki Waryobha yaatushaaghööyë bhëëtö Abhayahudi tobhe abhantö abhaaye, ko okotohaana öbhömwë na Yëësu Kiristo. Yaatushaaghööyë ko bhoora igha, iyö në-sëëmyö iyaaye yaarë ukurwa kare. Akakora ëbhëntö bhyonswe igho bhebhe kya bhono akutuna.

1 Abhakörintö 2:7

Obhongʼaini bhuyö tokoraareka, ni-kibhisirë ikya Waryobha keno yaasëëmëri ukurwa kare, kora ekebhara ketaraabhombwa, okore atokorre ikuughë iya ubhuhika.

Abharuumi 11:33

Ubhwamë ubhwa Waryobha, obhomanyi na obhongʼaini ubhwaye, m-byaru bhököngʼu, tebheena ekerengere kyokyonswe igho hë. Taaho ömöntö ono akotora ukwitaaha amaitegherro agha Waryobha, handë ësëëmyö iyaaye.

Mataayo 11:19

Mbe, bhoono öni Omoona uwa Ömöntö nishirë, nkorya ndë na ukunywa idivai, kasi nkoghamba bharë igha, ‘Tamaaha uyö, m-mohobhaaru, m-mörëëbhi, na kora m-mosaani uwa abhaghööti abha righööti na abha ëbhëbhë abhandë.’ Kasi obhongʼaini ubhwa Waryobha nkwörökya bhörë igha, m-boheene ko enshera iya öbhömënyi ubhwa abhantö abha Waryobha.”

Abhaëfësö 1:7

Ko okohetera amaanyinga agha Kiristo Yëësu, Waryobha yatutungurya, igha, atwabhëëyë ëbhëbhë ibhyëtö okorengʼaana na ubhwaru ubhwa örööbhö urwaye.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.