Abhaëfësö 1:10 - Imuuma Eehya

¹⁰ Ësëëmyö iyaaye ni-igha hano enkaagha inshiiya irihika, naretoora hamwë ëbhëntö bhyonswe igho, ibhya mu-ryobha na ibhya ko-kebhara kono, kora akore Kiristo Yëësu abhe omotangati uwa ëbhëntö bhiyö.

Abhaëfësö 1:10 Referans Kwoze

Abhakorosaai 1:20

Ghwiki Waryobha akaighwerrania ëbhëntö bhyonswe igho nawe, ko okohetera ku-Kiristo, ëbhëntö ibhya ko-kebhara kono, kora na bheno bhërëngë mu-ryobha. Yaakörrë igho, ko okoreeta omorembe okohetera amaanyinga agha Yëësu, ghano ghaitëkirë ko-mosarabha.

Abhagharatia 4:4

Kasi hano enkaagha yaahëkëëyë-ho, Waryobha akatoma Omoona uwaaye ono yaabhaayë ömöntö kya bhëëtö, yaaibhööywë enkaagha iya öbhöghööti ubhwa amaraghërryö agha Mosa.

Maariko 1:15

Hano yaaraarekanga, yaaghambanga igha, “Enkaagha eno yaaröötirwë, ihikirë. Obhokama ubhwa Waryobha n-haangʼë bhörë. Mbe, ni-igha mohongore ëbhëbhë ibhyënyu, na mukumi Amangʼana Amaiya ghayö.”

Abhaëbhuraania 1:2

Kasi bhoono, ko-senkaagha seno isya umuhiko, nkushumaasha arë na bhëëtö, okohetera ko-Moona uwaaye. Uyö we Waryobha yaashaaghora, araaghere umwandö ughwa ëbhëntö bhyonswe igho. Kora ghwiki Waryobha yaabhömbirë ekebhara okohetera ku-uyö.

Abhakorosaai 1:16

Ko bhoora ëbhëntö bhyonswe igho bhyaabhömbirwë okohetera ku-uyö, ibhya mu-ryobha na ibhya ko-kebhara, bheno bhekomaahekana na bheno bhetakomaahekana, mbokaabha ubhwera handë obhokama, obhonene handë singuru. Bhyonswe igho mbyaabhömbirwë, ko okoghera iya we.

1 Peetero 1:20

Waryobha yaamwahööyë ukurwa kare kora ekebhara ketaraabhombwa, ko okoghera iya ësëëmyö iyaaye. Kasi akaghanya okohekera ko-nkaagha iya umuhiko eno, akamoreeta, akamotoora harabhu igho ko-bhantö bhonswe igho abha ko-kebhara kono. Yaakörrë ghayö ghonswe igho, ko okoghera iya bhëënyu.

Abhaëfësö 3:15

Uyö we esemoko iya ëbhëntö bhyonswe igho, ibhya mu-ryobha na ibhya ko-kebhara kono.

Okohonyora 5:9

Bhakarëëtërya Omoona Ringʼöndi rirëëtyö reehya igha, “Uwe wingʼarëëyi okoghegha eketabho kiyö na okonaanora-ko ubhurimbo ubhwa ku-mihuri ighya-ko, ko bhoora uwe waashinshirwë. Okaghorra Waryobha ko amaanyinga aghaaho, abhantö abha amakabhira ghonswe igho, ebheghambo bhyonswe igho, sihiiri syonswe igho na ibhyaro bhyonswe igho.

Abhaëfësö 1:22

Waryobha akatoora ëbhëntö bhyonswe igho mu-bhwera ubhwa Yëësu Kiristo. Akamokora abhe we omotwe ughwa ekanisa iyö, yo Abhakiristo.

1 Abhakörintö 11:3

Kasi bhoono nkutuna ndë momanye igha, Yëësu Kiristo we omotwe ughwa umushaasha, na umushaasha we omotwe ughwa mokaaye, na Waryobha we omotwe ughwa Yëësu Kiristo.

Abhaëbhuraania 11:40

Tebhaanyöörrë riraghano ko bhoora Waryobha yaarenga atösëëmëëyi ëkëntö ikiiya bhököngʼu, okore tohekeranibhwi hamwë nabho, ku ukunyoora ghano yaaraghaini.

Abhakorosaai 3:11

Ku bhuyö tekobha bhöndë ku-Muyahudi na kö ömöntö ono atarë Umuyahudi, abhasaarwa handë abhatasaarwa, ömöghëni handë umusheema, omoghorwa handë ömötöönööni. Kasi Kiristo we akomara amangʼana ghonswe igho, ghwiki mo-senkoro isya bhonswe igho arë.

Abhaëfësö 2:15

Ghwiki akaruusya-ho amaraghërryö, imighiro ighya Waryobha na seteemo syonswe igho isya amaraghërryö agha Mosa. Akakora bhohya amakomo abhërë ghayö agha abhantö, Abhayahudi na Abhakyaro, bhakabha ëkëntö këmwë, ku bhuyö akabhareetera omorembe.

1 Abhakörintö 10:11

Mbe, ghayö ghonswe igho ghaabhanyöörrë, ngaandëkirwë, okore ghabhe ëbhërëngyö ibhya okotokaania, bhëëtö bhano törëngë ku-sinsikö isya umuhiko.

Mataayo 25:32

Abhantö abha ibhyaro bhyonswe igho, mbarikomania ahasë hano ndë. Nendebhaahora kya hano ömörëësya yahora sëmböri na amangʼöndi.

Abhaëbhuraania 9:10

Amangʼana ghayö, na-agha kinyamöbhërë ghaarë, agha ibhyakorya, ëbhëntö ibhya ukunywebhwa, na ukwisaabhuura ëmëbhërë. Amangʼana ghayö, ngaatöörrwë-ho okohekera hano amangʼana gharekorwa bhohya.

Abhaëfësö 3:2

Nemanyirë igha, mwaighwa emeremo gheno Waryobha yaangʼaana kö örööbhö urwaye urwa amaabhë aghaaye, okore mbaraarekere bhëënyu Abhakyaro engʼana iyaaye.