3 Yohana 1:4 - Imuuma Eehya

⁴ Teeho engʼana eno ikunshomera bhököngʼu, okokera ukwighwa amangʼana igha, abhaana abhaane abha ku-mukumo, nköghëndërrya bharë bhuuya okobha na öbhömënyi ubhwa heene.

3 Yohana 1:4 Referans Kwoze

Abhagharatia 4:19

Abhaana abhaane, kya bhoora omokari uwa enda akunyanka na ebhesa ko-nkaagha iya ukwebhora, öni wonswe ni-ighoigho nkwiyighwa. Nendaaghëndërri ukwiyighwa igho, okohekera hano eteemo iya Kiristo eremaahekana mo-teemo iyëënyu.

2 Timoteo 1:2

Timoteo nu-uwe nkwandekera. Uwe omoona uwaane omoghonshe ku-mukumo ghono tokosanga hamwë. Örööbhö, ikyabhera na omorembe ukurwa ku-Waryobha Taata uwëëtö na ko-Monene uwëëtö Kiristo Yëësu, bhebhe hamwë na uwe.

1 Timoteo 1:2

Timoteo nu-uwe nkwandekera. Uwe m-maheene igha m-moona uwaane örë, ku umukumo ghano tokosanga. Örööbhö, ikyabhera na omorembe ukurwa ko-Taata uwëëtö Waryobha na ku-Kiristo Yëësu Omonene uwëëtö, bhebhe hamwë na uwe.

Abhagharatia 2:14

Mbe, hano naarööshë igha tebhakokora bhono obhoheene ubhwa Amangʼana Amaiya bhörë, nkatëëbhya Peetero harabhu igho igha, “Uwe nu-Muyahudi örë, kasi nkokoranga örë amangʼana kya bhono Abhakyaro bhakokora. N-kwakë bhoono ukusingʼirrya Abhakyaro igha bhaghoote seteemo isya Abhayahudi?”

Firimoni 1:10

ndakosabha engʼana ëmwë igho ko okoghera iya Onesimo. Onesimo uyö, n-kya omoona uwaanewaane, ko bhoora mmötöörri ukukumya Yëësu Kiristo na eno ndëngë mo-kebhohe.

2 Abhakörintö 6:13

Bhoono nkushumaasha ndë na bhëënyu kya ono nkushumaasha na abhaana abhaane, ndabhatëëbhya igha, mobhe na righonshe rinene kö-bhëëtö, kya bhono bhëëtö toona righonshe rinene kö-bhëënyu.

1 Abhatësarönikë 2:11

Ghwiki mmomanyirë igha, enkaagha iyö twaarenga hamwë na bhëënyu, ntwaabhakorranga kya bhono omoghaaka akokorra abhaana abhaaye.

1 Yohana 2:1

Bhëënyu abhaana abhaane abhaghonshe, nkobhandekera ndë amangʼana ghano, okore motakaakora ëbhëbhë. Kasi ömöntö wowonswe igho hano araakore ëbhëbhë, amanye igha ntoona ono akotosabhera ko-Taata Waryobha. Uyö we Yëësu Kiristo, ömöntö uwa heene.

2 Yohana 1:4

Naashömëëywë bhököngʼu ukwighwa igha, abhaana abhaaho abhandë mbanaghëri obhoheene, kya bhono Taata Waryobha yaatoraghërrya.