3 Yohana 1:3 - Imuuma Eehya

³ Naashömëëywë bhököngʼu hano abhakumya bharikyëtö bhaaishirë hano. Hano bhaahikirë hano, mbaantëëbhëri igha, nköghëndërrya örë okoghooterra obhoheene ubhwa Waryobha, na öbhömënyi ubhwaho nu-bhwa obhoheene.

3 Yohana 1:3 Referans Kwoze

2 Yohana 1:4

Naashömëëywë bhököngʼu ukwighwa igha, abhaana abhaaho abhandë mbanaghëri obhoheene, kya bhono Taata Waryobha yaatoraghërrya.

2 Yohana 1:2

Nembahanshirë ko bhoora bhëëtö na bhëënyu, ntomanyirë obhoheene, ghwiki ntoraaghëndërri okobhomanya amakora ghonswe igho.

3 Yohana 1:4

Teeho engʼana eno ikunshomera bhököngʼu, okokera ukwighwa amangʼana igha, abhaana abhaane abha ku-mukumo, nköghëndërrya bharë bhuuya okobha na öbhömënyi ubhwa heene.

Abhafiripi 1:4

Ghwiki hano nabhasabhera, nkobhasabhera ndë nshömëëywë,

Amangʼana agha Abhatomwa 1:15

Mbe, abhakumya abha Yëësu bhaaikomanianga hamwë. Urusikö urwöndë, bhaare-ho abhantö kya righana imwë na emerongo ëbhërë. Peetero akaimerra ghatëghatë iyaabho,

1 Abhakörintö 13:6

Ömöntö uwa righonshe, obhoghogho tibhukumushomera hë, kasi obhoheene mbo akushomerwa nabho.

Abhagharatia 6:10

Mbe, tokorrenga abhantö bhonswe igho amangʼana amaiya, hano wanyoora toona umweya ughwa okokora igho, ekenene nko-bhakumya bharikyëtö.

3 Yohana 1:2

Öni nkokosabhera ndë omoghonshe uwaane igha, amangʼana ghonswe igho, ghabhe bhuuya ku-uwe, agha kinyamöbhërë, kya bhono mmanyirë igha, ubhwighwerrani ubhwaho na Waryobha m-buuya bhörë.

3 Yohana 1:5

Omoghonshe uwaane, uwe m-möntö uwa heene örë, ko ghano okokorra abhakumya bharikyëtö, nokaanyoora igha m-baghëni ku-uwe.

3 Yohana 1:10

Ku bhuyö hano ndiisha iyö, nendehonyora harabhu igho amangʼana aghaaye ghano akokora. Keno akokora, no-kotoghamba bhoghogho ko amangʼana agha obhorongo agha akutushabhura. Te-ghayö agheene igho hë, kora takösërëënia abhakumya bharikyëtö bhano ukunyoora bharëngë ko-roghendo. Kora ghwiki nkokaania arë abhantö abha mo-kanisa bhano bhakutuna ökösërëënia abhakumya bharikyëtö bhayö. Abhakumya bhano bhakobhasërëënia, nkobharughya arë ukurwa mo-kanisa.