2 Yohana 1:3 - Imuuma Eehya

³ Mbe, Taata Waryobha na Omoona uwaaye Yëësu Kiristo, mbaraatohaane örööbhö, ikyabhera bheena omorembe, bhëëtö bhano toona obhoheene na righonshe.

2 Yohana 1:3 Referans Kwoze

1 Yohana 4:10

Righonshe rërëngë igha, ti-igha m-bëëtö twaatangatirë okohansha Waryobha, kasi we yaatangatirë okotohansha. Righonshe riyö, ndyo ryaaghërrë akatoma Omoona uwaaye, okore abhe ikimwenso ikya ukutwighwerrania na Waryobha, ku ukuruusya-ho ëbhëbhë ibhyëtö.

Abharuumi 1:7

Abhakumya bharikyane bhonswe igho bhano mörëngë Ruumi hayö, m-bëënyu nkwandekera. Waryobha nabhahanshirë bhököngʼu, nkyo kyaaghërrë akabhashaaghora igha mobhe abhantö abhaaye abhahörëëru. Örööbhö na omorembe ukurwa ku-Waryobha Taata uwëëtö, na ko-Monene uwëëtö Yëësu Kiristo, bhebhe hamwë na bhëënyu.

1 Timoteo 1:14

Omonene Kiristo Yëësu yaansakërya örööbhö oronene, kora akangʼaana umukumo na righonshe ko okobha hamwë nawe.

1 Timoteo 1:2

Timoteo nu-uwe nkwandekera. Uwe m-maheene igha m-moona uwaane örë, ku umukumo ghano tokosanga. Örööbhö, ikyabhera na omorembe ukurwa ko-Taata uwëëtö Waryobha na ku-Kiristo Yëësu Omonene uwëëtö, bhebhe hamwë na uwe.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

2 Yohana 1:1

Öni omoghaaka uwa ekanisa, nu-uwe umusubhaati nkwandekera ritashandighi reno, hamwë na abhaana abhaaho. Uwe musubhaati, waahorwa na Waryobha hamwë na abhaana abhaaho. Uwe hamwë na abhaana abhaaho, ko bhoheene nembahanshirë. Tö-öni umwene igho mbahanshirë hë, kasi kora abhandë bhonswe igho bhano bhamanyirë obhoheene, mbabhahanshirë.

2 Timoteo 1:13

Onaghi bhuuya amëëghyö agha obhoheene ghaara naakwëghëri. Öghëëghinga ko-bhantö, öghëndërri okobha na umukumo na righonshe bheno twaahaanwa ko okobha na öbhömwë na Kiristo Yëësu.