2 Yohana 1:2 - Imuuma Eehya

² Nembahanshirë ko bhoora bhëëtö na bhëënyu, ntomanyirë obhoheene, ghwiki ntoraaghëndërri okobhomanya amakora ghonswe igho.

2 Yohana 1:2 Referans Kwoze

1 Yohana 2:17

Ekebhara hamwë na oronamba urwa abhantö mberaahete, kasi wowonswe igho ono akokora ghano ghakushomera Waryobha, naraabhe na öbhöhöru ubhwa amakora ghonswe igho.

1 Yohana 2:14

Nkobhandekera ndë bhëënyu bhaataata, ko bhoora mmomanyirë Yëësu Kiristo, ono yaarenga-ho ukurwa okosemoka. Nkobhandekera ndë bhëënyu abhamura, ko bhoora moona singuru, kora nköghëndërrya mörë okoghoota engʼana iya Waryobha, mwabhaaha na Oghosambwa.

1 Yohana 1:8

Hano toraaghambe igha tetoona ëbhëbhë bhyobhyonswe igho hë, hayö noraanyoore toraingʼaina bhëëtö abheene, kora tetomanyirë obhoheene hë.

2 Peetero 1:12

Ko okoghera iya ghayö, nendaaghëndërringa okobhahiitökya amangʼana ghayö sinsikö syonswe igho, nokaanyoora, mmoghamanyirë, kora monaghirë ko obhoheene bhono mweegha.

2 Timoteo 1:5

Kora ghwiki nkuhiita ndë umukumo ughwaho ughwa obhoheene. Umukumo ghuyö ghöökö uwëënyu Röisi yaarenagho, na nyakuwëënyu Eunike wonswe. Neena obhoheene igha, kora uwe wonswe nonagho.

Abhakorosaai 3:16

Engʼana iya Kiristo ebhaikarre ku ubhwaru. Mworokerraninga, morakaanania kwa bhongʼaini bhonswe igho. Mörëëtëringa Waryobha mo-senkoro isyënyu, na ukumukumya ko-sezabhuri, amarëëtyö na sëtënzi isya mo-nkoro.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

1 Abhakörintö 9:23

Nkokora ndë amangʼana ghayö ghonswe igho, ko okoghera iya Amangʼana Amaiya, okore nsange na abhandë obhongʼoore ubhwa Amangʼana Amaiya ghayö.

Yohana 15:7

Bhëënyu hano moraabhe na öbhömwë na öni, na amangʼana aghaane ghonswe ghaikare mö-bhëënyu, kyokyonswe keno mukutuna, mosabhe Taata, naraabhahaane.

Yohana 14:16

Mbe, na öni nendaasabhe Taata, abhahaane Ömötöörrya uwöndë, ono araabhe hamwë na bhëënyu nkaagha syonswe igho.