2 Peetero 3:11 - Imuuma Eehya

¹¹ Mbe, ko bhoora ëbhëntö bhyonswe igho ni-igho bhirisika, bhoono bhëënyu, n-teemo kë mokaabha nayo ko-kebhara kono? Ni-igha mobhe abhahörëëru, mosooke Waryobha.

2 Peetero 3:11 Referans Kwoze

1 Peetero 1:15

Kasi kya bhono Waryobha ono yaabhabherekera, m-Möhörëëru, mbe, ku bhuyö na bhëënyu bhonswe ni-igha mobhe abhahörëëru ko seteemo isyënyu syonswe igho,

Abhafiripi 1:27

Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

2 Peetero 3:12

Moghanyenga urusikö urwa Waryobha, kora morokore rwangohe ukuusha. Urusikö ruyö, ighörö iyö haresambwa na omorro hasike. Ëbhëntö bheno bheemo, mbiriyaaya ko okoghera iya rebherera rirörö bhököngʼu.

1 Timoteo 6:11

Kasi bhoono uwe ömöntö uwa Waryobha, ni-igha ongʼose amangʼana ghayö. Oghoote-ko amangʼana agha heene, osooke Waryobha na obhe na umukumo, righonshe, öghömërri na wihoote.

Yaakobho 3:13

Mbe, nyoore aaho ömöntö mö-bhëënyu ono aana obhongʼaini, ono amanyirë amangʼana, ömöntö uyö ööröki abhantö okomanya ukwaye na obhongʼaini ubhwaye ko okokora amangʼana amaiya. Aihoote ubhwihöötu bhono bhukwörökya abhantö obhongʼaini bhono aanabho.

Abhafiripi 3:20

Kasi bhëëtö, m-bantö abha mu-ryobha törë, kora nkwitengʼera törë bhököngʼu ukuusha ukwa Ömötöörya, Omonene uwëëtö Yëësu Kiristo.

2 Peetero 1:3

Waryobha yaatohaana ghonswe igho ghano tukutuna, okohetera ko obhotoro ubhwaye, okore tobhe na öbhöhöru, kora tomosooke. Yaatohaana ghayö ko enshera iya okomomanya. Ghwiki atöbhërëkëëyë ko okoghera iya ubhuhika na öbhöntö ubhwa heene ubhwaye.

1 Timoteo 6:3

Ömöntö wowonswe ono akwëghya abhantö amangʼana agha obhorongo, amëëghyö ghano ghatakorengerrania na ghaara agha obhoheene agha Omonene uwëëtö Yëësu Kiristo, kora teghakwikererrania na amëëghyö ghano ghakoraghërrya abhantö igha bhasooke Waryobha.

1 Timoteo 4:12

Ömöntö wowonswe oora atakaakosera igha m-mumura ökërë, kasi okore omotono ughwa okobha ëkërëngyö ko abhakumya, ko bhoghambi ubhwaho, eteemo iyaaho, righonshe iryaho, umukumo ughwaho, otakaabha na risoro.

Mataayo 8:27

Abheegha bhayö bhakaroghoora. Bhakatëëbhania igha, “Kana! Ömöntö ono n-wa teemo kë, ono akohamera rikama na amayengo bheramwighwera?”

Yaakobho 1:24

Na hano yaamara ukwimaaha mu-kyowa, nkurwa arë ku-kyowa hayö kamwë igho, ebha kya igho arë.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

1 Abhatësarönikë 1:5

Ntomanyirë igha, Amangʼana Amaiya ghano twaabharaarëkëëyë, te-mangʼana agheene igho ghaarë hë, kasi ntwaaraarëkirë ku singuru, na okohetera ku-Mwika Ömöhörëëru, eno toona obhoheene igha, amangʼana ghayö na-agha obhoheene. Bhëënyu mmönyirë bhuuya kya igho twaarë hamwë na bhëënyu, okore tobhatöörri.

1 Timoteo 6:6

M-maheene, okosooka Waryobha, nkoghera körë ömöntö aameha bhököngʼu, hano yaanga kobha na oronamba, aiswe na ëbhëntö bheno aanabhyo.

2 Peetero 1:6

Ghwiki obhongʼaini bhuyö, bhwëngëribhwi-ko ukwirebherra, ukwirebherra kuyö, kwëngëribhwi-ko ököghömërrya, ököghömërrya kuyö, kwëngëribhwi-ko okosooka Waryobha.

Abhaëbhuraania 13:5

Motakaabha na eteemo iya okohansha seehera, mwiswe na bheno moonabhyo, ko bhoora Waryobha umwene yaaghamba igha, “Tinkutighe hë, tinkusuuhe kora hake hë.”

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

Abharuumi 13:11

Ni-igha mokore igho, ko bhoora momanyirë igha, enkaagha iya okobhooka, bhoono ihikirë. Enkaagha iya öbhöhönia ubhwëtö haangʼë ërë bhököngʼu, okokera kare haara hano twaasimiri ukukumya Omonene Yëësu Kiristo.

Abharuumi 13:12

Bhoono bhoratuna kokya, urusikö orohya roratuna ukusimya. Ku bhuyö ni-igha tutighe okokora amangʼana amaghogho ghano ghakokorwa na abhantö bhano bharëngë mu-kisuntë. Tomanore ibhyöghë ibhya emerengaari.

2 Peetero 3:10

Urusikö urwa Omonene nduriisha igho kya umwibhi. Urusikö ruyö, ighörö iyö, harihëënia ukurwa-ho ku ikirumo ekenene. Ëbhëntö bheno bheemo, mberesambwa na omorro. Ekebhara kyonswe igho nkirisika hamwë na ëbhëntö bhyonswe igho bheno bheemo.