2 Peetero 1:5 - Imuuma Eehya

⁵ Ku bhuyö mokore omotono, okore umukumo ughwënyu ghwëngëribhwi-ko öbhöntö ubhwa heene, öbhöntö ubhwa heene bhuyö, bhwëngëribhwi-ko obhongʼaini.

2 Peetero 1:5 Referans Kwoze

Abhafiripi 4:8

Mbe, bhoono abhakumya bharikyëtö, amangʼana agha obhoheene, amangʼana ghano ghaingʼarëëyi okosookwa, amangʼana agha heene, amangʼana ghano ghataraaishooghana na obhoghogho, amangʼana ghano ghakushomera abhantö na amangʼana amaiya, amangʼana ghano ghaingʼarëëyi, na amangʼana ghano abhantö bhakukumya, ghayö ngo amangʼana agha ukwitegherra mo-metwe ighyënyu.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

2 Peetero 1:10

Mbe, abhakumya bharikyane, mokore omotono bhököngʼu, ukwörökya igha, Waryobha yaabhabherekera na okobhaahora. Hano moraakore igho, timutighe umukumo ughwënyu kora hake hë.

Abhaëbhuraania 6:11

Keno tukutuna ni-igha, kera ömöntö mö-bhëënyu, aghëndërri okobha na omotono ko mangʼana ghayö okohekera ku-muhiko, okore muushe ukunyoora ghayö mukwitengʼera.

Abhafiripi 1:9

Nkobhasabhera ndë ku-Waryobha igha, righonshe iryënyu rëghëndërri ukwaruha bhököngʼu, kora mobhe na obhongʼaini na okomanya amangʼana,

2 Peetero 3:14

Ku bhuyö abhaghonshe abhaane, enkaagha eno mokeghanya urusikö ruyö, mokorenga omotono ughwa okobha na enkoro inshiiya bhököngʼu, motakaabha na risoro ku-Waryobha, kora mobhe na omorembe.

Abhaëbhuraania 11:6

Ömöntö taatore ökötëghërya Waryobha hano ataana umukumo. Ko bhoora ni-igha, ömöntö ono akosengerra Waryobha, ni-igha akumi igha, Waryobha ho arë, na ghwiki igha, we akohaana abhantö ituho, bhano bhaana omotono ughwa okomomanya.

Abhaëfësö 5:17

Ku bhuyö motakaakangiha, kasi mongʼainihe, mokore omotono ughwa okomanya keno Omonene Yëësu akutuna igha mokore.

Abhafiripi 2:12

Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

Abhakorosaai 2:3

Ku-Yëësu nko emongo iya imbumbure yonswe igho iya obhongʼaini na obhomanyi ërëngë.

Yohana 6:27

Motakaakoranga emeremo ko okoghera iya ukunyoora ibhyakorya bheno bhekosareka, kasi mokorenga emeremo ko okoghera iya ibhyakorya bheno bhëköghëndërrya okobha-ho kora nkohaana bhërë abhantö öbhöhöru ubhwa amakora ghonswe igho. Ibhyakorya bhiyö, mbyo öni Omoona uwa Ömöntö nkohaana abhantö, ko bhoora Taata Waryobha yaangʼaana obhotoro ubhwa okokora ghayö.”

Ruuka 24:21

Kasi bhëëtö, ntwaaitengʼeranga igha, we Kiristo ono akaatutunguuyi Abhaisiraëri. Na reero, nu-rusikö urwa katatö, ukurwa rono ghayö ghaaikörrë.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

1 Peetero 3:7

Na bhëënyu abhashaasha, ni-igha mwikarane na abhakari abhëënyu kwa bhongʼaini, momanye igha, tebhaana singuru kya seno monasyo. Mwikare na bhakëënyu kwa okosookana, ko bhoora bhonswe mbarerya umwandö ughwa örööbhö urwa öbhöhöru. Ku bhuyö abhashaasha mokore igho, okore amasabhi aghëënyu, ghatakaarebherrwa.

Abhaëbhuraania 12:15

Mwiyangarre bhököngʼu, ömöntö wowonswe oora atakaabhorwa örööbhö urwa Waryobha. Atakeebhoka-ho ömöntö mö-bhëënyu, ono anga kya umuri ömörörö. Ömöntö kya uyö, naraabhanyanki na ukunyankuhya senkoro isya abhantö abhaaru.

1 Abhakörintö 14:20

Abhakumya bharikyane, motakaabha na amaitegherro kya agha abhaana. Nyakara mobhe abhaana ko mangʼana amaghogho, kasi mo-sehakëri isyënyu, mobhe abhantö abhakörö.

Ruuka 16:26

Ghwiki mbe Waryobha, yaatoora-ho rirooma rinene ghatëghatë iya bhëëtö na bhëënyu, okore ömöntö atakaamboka aashe iyö, handë uwa iyö, ukuusha eno.’

2 Peetero 1:11

Ku bhuyö mörësërëënibhwa bhököngʼu, mosohe mo-Bhokama ubhwa amakora ghonswe igho, ubhwa Omonene na Ömötöörya uwëëtö Yëësu Kiristo.