2 Peetero 1:16 - Imuuma Eehya

¹⁶ Hano twëëghyanga abhantö amangʼana agha obhotoro ubhwa Omonene uwëëtö Yëësu Kiristo na ukuusha ukwaye, tetwaitengʼeranga amaghano agha kare ghano ghaandekwa kinyabhongʼaini ngʼaini. Kasi bhëëtö abheene, ntwaarööshë ubhuhika ubhwaye.

2 Peetero 1:16 Referans Kwoze

1 Yohana 4:14

Bhëëtö twaamaaha Omoona uwa Waryobha, kora nkötëëbhya törë abhantö abhandë obhoheene igha, Taata Waryobha yaatömirë Omoona uwaaye ko-kebhara kono, okore abhe Ömötöörya uwa abhantö bhonswe igho.

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

1 Timoteo 1:4

Obhakaani bhatakaaikërrya amaghano ghano ghataana ubhwera bhwobhwonswe bhoora, na ököröndërrya amariina agha abhakörö, nagho ghatakohwa röndë hë. Amangʼana ghayö, n-senkaani isyene igho ghakoreeta mo-bhantö. Teghakötöörrya abhantö bhakumi Waryobha kya bhono ësëëmyö iyaaye iya ukutungurya abhantö ërë.

1 Timoteo 4:7

Wange amaghano ghano ghataana ubhwera bhwobhwonswe bhoora, kasi obhe na omotono ughwa okokora kya bhono Waryobha akutuna obhe.

1 Abhakörintö 2:4

Engʼana iyaane, na okoraareka ukwane, tibhyarenga ibhya obhongʼaini ubhwa ököngʼënërrya sehakëri isya abhantö hë, kasi n-ko ebhemanyërryö ibhya obhotoro ubhwa Umwika Ömöhörëëru.

Abhaëfësö 4:14

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

1 Abhakörintö 1:17

Ko bhoora, Yëësu Kiristo tiyaantömirë igha mbatiisi abhantö. Yaantömirë ndaareke Amangʼana Amaiya, kasi ntakesegha obhongʼaini ubhwane ubhwa okoghamba bhuuya, okore omosarabha ughwa Yëësu Kiristo, ghotakaabhorwa ubhwera ubhwagho.

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.

Tiito 1:14

Bhatakaitegherranga amaghano agha Ikiyahudi, ghano ghataana ubhwera bhwobhwonswe bhoora, bheena amaraghërryö agha abhantö bhano bhaatigha obhoheene.

Yuuda 1:14

Henooko, ömöntö uwa muhungatë ukurwa ko-Adamu, yaaruusiri öbhörööti ko amangʼana agha abhantö bhayö igha, “Maaha, Omonene Waryobha araasha, hamwë na abhamaraika abhaaye abhahörëëru ëbhëkwë ibhyaru, bhano otaatore okobhara,

2 Abhatësarönikë 2:9

Ömötëëyu uyö, nariisha na singuru syonswe igho isya Oghosambwa na arekora amakono na ebhemanyërryö ibhya obhorongo.

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

Mataayo 28:18

Mbe, Yëësu akabhasuntarra, akabhatëëbhya igha, “Waryobha angʼaayë ubhwera bhwonswe igho ubhwa mu-ryobha na ko-kebhara kono.

1 Abhatësarönikë 2:19

Naatunanga niishe iyö ko bhoora igha hano Omonene Yëësu ariisha, m-bëënyu morebha ikibhuno ikya ubhweseghe na ukushomerwa ukwëtö, na morebha ikirighi ikyëtö ikya obhobhaahi.

Abhafiripi 3:21

We aana obhotoro ubhwa okotoora ëbhëntö bhyonswe igho, bhebhe hansë iya öbhötöngi ubhwaye. Ko obhotoro bhuyö, narisyörya ëmëbhërë ighyëtö ëmëtëntëëru gheno, ghebhe na ubhuhika kya bhoora ömöbhërë ughwaye ghörë.

1 Abhakörintö 5:4

Hano mwaikomania hamwë ku iriina irya Omonene uwëëtö Yëësu Kiristo, öni wonswe nkunyoora örë enkoro iyaane n-hamwë ërë na bhëënyu. Kora na obhotoro ubhwa Yëësu Kiristo bhwonswe, nkunyoora örë hamwë bhörë na bhëënyu.

1 Abhakörintö 2:1

Abhakumya bharikyane, hano naaishirë kö-bhëënyu hayö, tenaabharaarëkëëyë imbumbure iya Waryobha, ko bhoghambi ubhwa amangʼana amaiya, handë kwa obhongʼaini.

1 Abhakörintö 1:23

Kasi bhëëtö, Yëësu Kiristo we tokoraareka, ono yaahanëkirwë ko-mosarabha. Engʼana iyö, yo Abhayahudi bhakwituuratuura-ko, na ko-Bhaghiriki, m-bokangi.

1 Abhakörintö 1:7

Ku bhuyö, bhoono timukusuuhwa na ituho yoyonswe igho iya Umwika Ömöhörëëru, ko-nkaagha eno mokeeghanya ukukyora ukwa Omonene uwëëtö Yëësu Kiristo.

Abharuumi 1:4

Nokaanyoora igha ni-igho yaarë, kasi ko okohetera Umwika Ömöhörëëru, Waryobha yaamwahööyë igha abhe Omoona uwaaye uwa obhotoro bhwonswe igho, hano yaamuryökëri ukurwa mo-bhaku. Yëësu Kiristo uyö, we Omonene uwëëtö.

Yohana 17:2

Wangʼaana ubhwera ubhwa okotangata abhantö bhonswe igho, okore mbahaane öbhöhöru ubhwa amakora ghonswe igho, abhantö bhonswe igho bhano waangʼaana.

Mataayo 24:27

Ko bhoora ukuusha ukwane öni Omoona uwa Ömöntö, nkoretakya abhantö kya hano ëkëmësyö kyamësya röghörö, kemaahwa kora nyansha.

Mataayo 24:3

Mbe, Yëësu akaghya mu-nguku iya Ëmëzëituuni, akaikara. Abheegha abhaaye bhonswe bhakaghya-yo. Bhakamöbhöörya igha, “Tötëëbhi amangʼana ghonswe igho ghayö n-dööhë gharebha. Na ekemanyërryö ikya ukuusha ukwaho, na ikya umuhiko ughwa ekebhara n-dööhë?”

Mataayo 16:28

No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatandööshë öni Omoona uwa Ömöntö, ndaasha ko-Bhokama ubhwane.”

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 17:1

Hano syaahëtirë sinsikö isansabha, Yëësu yaaghëghirë Peetero, Yaakobho, na mura uwaabho Yaakobho ono yaabherekerwanga igha Yohana. Akariina nabho ku-nguku entambë, okore aikare nabho righara.

Maariko 13:26

“Ho abhantö bhonswe igho bharemmaaha öni Omoona uwa Ömöntö, ndaasha ndëngë ko-masaarö, neena obhotoro na ubhuhika.

Maariko 14:62

Yëësu akamohonshora igha, “Nö-öni. Moreemmaaha öni Omoona uwa Ömöntö nikaayë bhoryo ubhwa Waryobha uwa obhotoro, ndaasha ndëngë ko-masaarö.”

Ruuka 1:2

Mbaandëkirë amangʼana kya ghaara twaatëëbhiibhwi na bhano bhaagharööshë ukurwa okosemoka. Abhantö bhayö, m-baara bhaaraarekanga engʼana iya Waryobha.

Ruuka 9:43

Abhantö bhonswe igho hano bhaarööshë obhotoro obhonene ubhwa Waryobha bhuyö, bhakaroghoora bhököngʼu. Enkaagha iyö bhaaroghorranga ghayö Yëësu yaakörrë, umwene akatëëbhya abheegha abhaaye igha,

2 Peetero 2:3

Mbarebhaghaneranga amaghano agha obhorongo, ko oronamba urwabho oroghogho, okore bhanyoore keno bhakutuna kö-bhëënyu. Kasi okobhotorrwa ikiina ukwabho, kwamara kösëëmibhwa ukurwa kare. Ukusikibhwa ukwabho, tekoteghete hë.