2 Abhakörintö 1:6 - Imuuma Eehya

⁶ Nokaanyoora toranyanka, kasi n-ko okoghera iya ököröörësibhwa ukwënyu na ököhönibhwa ukwënyu. Ghwiki igha, hano twaghösörribhwa, na bhëënyu bhonswe nköghösörribhwa mörë. Ököröörësibhwa kuyö, nko koraaghere möghömërri inyanko kya eeraeera na bhëëtö bhonswe tukunyoora.

2 Abhakörintö 1:6 Referans Kwoze

2 Timoteo 2:10

Ku bhuyö nköghömërrya ndë ghonswe igho, ko okoghera iya abhantö bhano bhaashaaghorwa na Waryobha igha bhabhe abhantö abhaaye. Nkokora ndë igho, okore abhantö bhayö bhahönibhwi ku ukukumya Kiristo Yëësu, kora bhasange ubhuhika ubhwaye bhono bhotakohwa.

2 Abhakörintö 1:4

We akötöghösörrya mu-nyanko iyëëtö yonswe igho, okore na bhëëtö bhonswe töghösörri abhandë bhano bharëngë mu-nyaanyi yoyonswe eera, kya bhono bhëëtö tököghösörribhwa na Waryobha.

Abhafiripi 1:19

Nemanyirë igha nendaahone ko-ghonswe igho ghano ghaanyoora, ko bhoora mokonsabhera ku-Waryobha, na kora Umwika uwa Yëësu Kiristo nköntöörrya arë.

Abhaëfësö 3:13

Ku bhuyö bhoono nkobhasabha ndë igha, motakaakwa emetwe ku-nyanko eno nkunyoora ko okoghera iya bhëënyu, kasi keno mokaakora, nu-kwiheemera inyanko iyö.

2 Abhakörintö 5:5

Waryobha we yaatösëëmya ko okoghera iya amangʼana ghayöghayö, kora we yaatohaana Umwika uwaaye, okore abhe ekebhete ikya ukwörökya igha, keno yaaraghania, nkerebha.

Abharuumi 8:28

Ntomanyirë bhuuya igha, Waryobha nkokora arë amangʼana amaiya hamwë na abhantö bhano bhamohanshirë, bhano yaabherekera ko okohansha ukwaye umwene.

2 Abhakörintö 12:15

Öni nendaashomerwe ukuruusya ëbhëntö ibhyane, na ukwiruusya öni umwene, okore mbatöörri. Kasi bhoono, nkomaahekana ërë igha, enkaagha eno öni nköghëndërrya okobhahansha bhököngʼu, ho bhëënyu mukusuuhya righonshe iryënyu ku-öni.

Amangʼana agha Abhatomwa 21:5

Hano sinsikö muhungatë syaahööyë, tokatanora. Abhakiristo bhonswe igho abha Tiiro hayö, abhashaasha na bhakaabho kora na abhaana abhaabho, bhakatoherekerra ukurwa mu-mughi muyö. Hano twaahikirë ko-morambo, tokatema hansë ibhiru, tokasaasaama Waryobha.

Abhaëfësö 3:1

Ko okoghera iya amangʼana ghayö ngambirë, öni Pauro nëmböhirwë ko okokorra Kiristo Yëësu emeremo kö-bhëënyu Abhakyaro. Nkobhasabhera ndë ku-Waryobha.