1 Yohana 4:2 - Imuuma Eehya

² Enshera iya okomanya igha ömöntö nyabhorebhe nkotangatwa arë na Umwika uwa Waryobha, ni-igha ërë. Ömöntö wowonswe ono akwikërrya igha Yëësu Kiristo yaasha ko-kebhara kono aana ömöbhërë kya gheno tonaghyo, uyö we akotangatwa na Umwika Ömöhörëëru uwa Waryobha.

1 Yohana 4:2 Referans Kwoze

1 Abhakörintö 12:3

Ku bhuyö nkutuna ndë bhëënyu momanye igha, taaho ömöntö ono akotangatwa na Umwika uwa Waryobha, amare aghambe igha, “Yëësu aihiimwe.” Ghwiki ömöntö ono atakotangatwa na Umwika Ömöhörëëru uwa Waryobha, takotora okoghamba igha, “Yëësu we Omonene.”

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

1 Yohana 5:1

Ömöntö wowonswe igho ono akukumya Yëësu igha n-Kiristo, uyö we omoona uwa Waryobha. Ömöntö wowonswe igho ono ahanshirë umwibhöri, nkohansha arë kora na omoona uwa umwibhöri uyö.

1 Yohana 4:3

Kasi ömöntö wowonswe ono atakwikërrya igha, Yëësu Kiristo yaarë na ömöbhërë kya gheno tonaghyo, uyö takotangatwa na Umwika Ömöhörëëru uwa Waryobha hë. Ömöntö kya uyö, nkotangatwa arë na ëkëhwë ikya umubhisa uwa Kiristo. Na bhëënyu mwaighwa igha, ëkëhwë kiyö, nkuusha kërë, kasi bhoono kyaamara ukuusha ko-kebhara kono.

1 Yohana 2:23

Ömöntö ono akwanga Omoona uwa Waryobha, uyö taana öbhömwë na Taata Waryobha hë. Kasi, ono akwikërrya Omoona uyö ko-bhantö, uyö naana öbhömwë na Taata Waryobha.

1 Yohana 1:2

Engʼana iya öbhöhöru uyö, we Waryobha yaahönyööyë ko-bhantö, kora bhëëtö bhonswe ntwaamörööshë. Ku bhuyö ghano tokobhatëëbhya, no-bhoheene ubhwa amangʼana aghaaye. Torabhatëëbhya igha, ömöntö uyö akohaana abhantö öbhöhöru, ho arë amakora ghonswe igho. Ömöntö uyö, yaarenga hamwë na Taata Waryobha, kasi bhoono Waryobha yamohonyora kö-bhëëtö.

1 Yohana 4:15

Ömöntö wowonswe igho ono akwikërrya igha, Yëësu Kiristo m-Moona uwa Waryobha, uyö naana öbhömwë na Waryobha, na Waryobha wonswe, naana öbhömwë na ömöntö kya uyö.

2 Yohana 1:7

Nkobhatëëbhya ndë igho, ko bhoora abharongo abhaaru bheebhoka ko-kebhara kono. Abharongo bhayö, tebhakwikërrya igha Yëësu Kiristo, yaaishirë ko-kebhara kono, aana ömöbhërë kya gheno tonaghyo. Ömöntö wowonswe igho ono akoghamba bhuyö, uyö m-morongo, kora m-mubhisa uwa Kiristo.