1 Yohana 3:6 - Imuuma Eehya

⁶ Ömöntö wowonswe ono aköghëndërrya okobha na öbhömwë na Yëësu Kiristo, taatore ököghëndërrya okokora ëbhëbhë. Kasi ömöntö wowonswe igho ono aköghëndërrya okokora ëbhëbhë, uyö tamanyirë obhotoro ubhwa Yëësu Kiristo hë.

1 Yohana 3:6 Referans Kwoze

3 Yohana 1:11

Bhoono Ghaayo omoghonshe uwaane, otakeegha okokora amangʼana amaghogho ghayö. Kasi weeghe eteemo iya abhantö bhano bhakokora amangʼana amaiya. Hano ömöntö yakora amangʼana amaiya, nkwörökya gharë igha, ömöntö uyö, m-moona uwa Waryobha. Kasi ömöntö ono akokora amangʼana amaghogho, uyö tamanyirë Waryobha hë.

1 Yohana 3:9

Ömöntö wowonswe ono yaamara okobha omoona uwa Waryobha, taköghëndërrya okokora ëbhëbhë hë, ko bhoora naana eteemo iya Waryobha. Taköghëndërrya okokora ëbhëbhë, ko bhoora m-moona uwa Waryobha.

1 Yohana 2:4

Ömöntö wowonswe igho ono akoghamba igha namanyirë Waryobha, kasi takoghoota imighiro ighya Waryobha hë, m-morongo, tamanyirë obhoheene hë.

1 Yohana 4:8

Kasi ömöntö wowonswe igho ono atahanshirë bharikyaye, uyö tamanyirë Waryobha hë, ko bhoora Waryobha we arëngë righonshe.

1 Yohana 3:2

Abhaghonshe abhaane, ntomanyirë igha, bhoono m-baana abha Waryobha törë, kasi teraamanyekana bhuuya kya bhono torebha hë. Keno tomanyirë ni-igha, hano Yëësu Kiristo arikyora ko-kebhara kono, nturituubhana nawe, ko bhoora ntoremomaaha bhono arë.

1 Yohana 5:18

Ntomanyirë igha, omoona uwa Waryobha taköghëndërrya okokora ëbhëbhë hë. Keno kekoghera ataköghëndërrya okokora ëbhëbhë, n-ko bhoora Yëësu Kiristo akomorenda. Ku bhuyö Oghosambwa teghokomokora ngʼana hë.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

1 Yohana 2:28

Bhëënyu abhaana abhaane abhaghonshe, möghëndërri okobha na öbhömwë na Yëësu Kiristo. Möghëndërri igho, okore enkaagha eno arikyora, tokarehe, totakaasha okosooka.

2 Abhakörintö 3:18

Bhëëtö bhonswe igho bhano totakundikiiyi ubhusyö, m-bëëtö emerengaari ighya Omonene ghekohetera-mo kya ikyowa. Omonene ono ërëngë igha we Umwika, nkutusyörya arë, tutuubhane nawe, ukurwa ko-merengaari okohekera ko-merengaari ëmërörö bhököngʼu.

1 Yohana 2:3

Mbe, kasi engʼana eno ikwörökya igha ntomanyirë Waryobha, no-kosooka imighiro ighyaye.