1 Yohana 3:1 - Imuuma Eehya

¹ Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

1 Yohana 3:1 Referans Kwoze

Yohana 1:12

Kasi abhantö bhonswe igho bhano bhaamukumiri, yaabhakörrë bhabhe abhaana abha Waryobha.

Abhagharatia 3:26

Ku bhuyö bhëënyu bhonswe igho m-baana abha Waryobha mörë okohetera ku umukumo, ko bhoora igha, moghootaini na Kiristo Yëësu.

2 Abhakörintö 6:18

Kora nendaabhe Suwëënyu, na bhëënyu moraabhe abhaana abhaane, abha ikishaasha na abha ekekari. Ni-igho Omonene Waryobha uwa obhotoro bhwonswe igho akoghamba.”

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Okohonyora 21:7

Ömöntö wowonswe ono araakere, nendaamohaane ghayö ghonswe igho. Naraabhe omoona uwaane, na öni wonswe nendaabhe Waryobha uwaaye.

Abharuumi 5:8

Kasi Waryobha yaatwörökya igha natohanshirë bhököngʼu, ko okoreeta Yëësu Kiristo akwe ko okoghera iya bhëëtö, hano twaarenga abhaköri abha ëbhëbhë.

Abhagharatia 3:29

Hano oraanyoore igha, bhëënyu m-ba Kiristo mörë, mbe na-bheebhorwa Ibhurahimu mörë, murinyoora umwandö ghoora Waryobha yaaraghaini.

Abharuumi 8:32

Waryobha tiyaabhaayë na ikyabhera ko-Moona uwaaye hë, kasi akamokora abhe ikimwenso ko okoghera iya bhëëtö bhonswe igho. Ko bhoora igha, yaakora Omoona uwaaye abhe ikimwenso ikyëtö, ku bhuyö naretongʼoora obhongʼoore ubhwa amangʼana amaiya ghonswe igho, okohetera ku-uyö.

Yohana 16:3

Mbaraabhakorre ghayö, ko bhoora bhatamanyirë Taata, na kora öni wonswe tebhammanyirë hë.

Abhakorosaai 3:3

Ko bhoora bhëënyu mwaakwa ko mangʼana ghayö. Öbhöhöru ubhwënyu bhoono hamwë bhörë na Kiristo ku-Waryobha. Kasi tebhokomaahekana ko-bhantö abhandë hë.

Abharuumi 8:21

Ko bhoora enkaagha iyö yo bhërëtööribhwa bhetakaasoha mo-bhoghogho ubhwa uruku. Nkutuna bhërë igha, bhebhe na öbhötöönööni ubhwa ubhuhika bhono Waryobha arehaana abhaana abhaaye.

Ruuka 20:36

Ko bhoora tebharikwa ghwiki röndë hë. Mbarebha kya igho abhamaraika bharë. Mbarebha abhaana abha Waryobha, ko bhoora bhariryökibhwa ukurwa mo-bhaku.

Yohana 11:52

Te-ko okoghera iya Abhayahudi abheene igho, kasi n-ko okoghera iya okokomania abhaana abha Waryobha bhano bhaanyaraghana okore, bhabhe hamwë.

Yohana 15:21

Kasi bharebhakorra ghayö ghonswe igho, ko bhoora igha, m-basoorani abhaane mörë. Kora ghwiki n-ko okoghera iya bhoora bhatamanyirë ono yaantoma.

Abharuumi 8:19

Ëbhëntö bhyonswe igho bheno bhyaabhombwa, nkoghanya bhërë bhököngʼu, enkaagha eno Waryobha arehonyora harabhu igho abhaana abhaaye.

1 Yohana 3:2

Abhaghonshe abhaane, ntomanyirë igha, bhoono m-baana abha Waryobha törë, kasi teraamanyekana bhuuya kya bhono torebha hë. Keno tomanyirë ni-igha, hano Yëësu Kiristo arikyora ko-kebhara kono, nturituubhana nawe, ko bhoora ntoremomaaha bhono arë.

1 Yohana 3:10

Kasi ömöntö ono atakokora amangʼana agha heene, handë ono atahanshirë umukumya murikyaye, uyö temoona uwa Waryobha hë. Ni-igho tokomanyërrya abhaana abha Waryobha bhono bharë, bheena abhaana abha Oghosambwa bhono bharë.

1 Yohana 4:17

Ni-igho righonshe rekohekerana mö-bhëëtö, okore tuushe okobha na obhokarë urusikö roora urwa okobhotorrwa ikiina. Ko bhoora öbhömënyi ubhwëtö ko-kebhara kono, mbutuubhaini kya bhoora Yëësu yaamënyirë ko-kebhara kono.