1 Yohana 2:4 - Imuuma Eehya

⁴ Ömöntö wowonswe igho ono akoghamba igha namanyirë Waryobha, kasi takoghoota imighiro ighya Waryobha hë, m-morongo, tamanyirë obhoheene hë.

1 Yohana 2:4 Referans Kwoze

1 Yohana 1:6

Ku bhuyö hano toraaghambe igha ntoona öbhömwë na Waryobha, eno toraghëndërrya okomenya mu-kisuntë ikya obhoghogho, hayö nkorongoha törë. Ghwiki hayö noraanyoore tutighirë okokora amangʼana agha obhoheene.

Tiito 1:16

Abheene nkoghamba bharë igha, mbamanyirë Waryobha, kasi amangʼana ghano bhakokora nkwörökya gharë igha, nkumwanga bharë. Abhantö bhayö, m-basëësëëbhya abha senkoro, m-batëëyu, tebhaana ubhwera ubhwa okokora amangʼana amaiya hë.

1 Yohana 1:8

Hano toraaghambe igha tetoona ëbhëbhë bhyobhyonswe igho hë, hayö noraanyoore toraingʼaina bhëëtö abheene, kora tetomanyirë obhoheene hë.

1 Yohana 4:20

Hano ömöntö wowonswe igho araaghambe igha nahanshirë Waryobha, na ambe narëghirë umukumya murikyaye, uyö m-morongo. Keno kekoghera toramanya igha m-morongo, n-ko bhoora atahanshirë umukumya murikyaye ono akomaaha, kasi araghamba igha, nahanshirë Waryobha ono ataakarööshë.

1 Yohana 2:9

Ömöntö wowonswe igho ono akoghamba igha mo-bhorabhu arë, na eno arëghirë umukumya murikyaye, uyö mu-kisuntë akërë.

1 Yohana 1:10

Hano toraaghambe igha tetwakakörrë ëbhëbhë, hayö n-kya hano toraaghambe igha, Waryobha m-morongo. Kora noraanyoore twikaanirë engʼana iyaaye.

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Tiito 1:10

Nkökötëëbhya ndë igho, ko bhoora igha, bhaaho abhantö abhaaru Kerete hayö, bhano bhatakwighwera engʼana, bhano bhakoghamba amangʼana ghano ghataana ubhwera, kora m-barongo, ekenene, na-Bhayahudi bhaara bhakokangʼasërrya eteemo iyaabho iya Ikiyahudi. Abhantö bhayö, ni-igha bhakaanibhwi ukwëghya,

1 Yohana 2:3

Mbe, kasi engʼana eno ikwörökya igha ntomanyirë Waryobha, no-kosooka imighiro ighyaye.

1 Yohana 3:6

Ömöntö wowonswe ono aköghëndërrya okobha na öbhömwë na Yëësu Kiristo, taatore ököghëndërrya okokora ëbhëbhë. Kasi ömöntö wowonswe igho ono aköghëndërrya okokora ëbhëbhë, uyö tamanyirë obhotoro ubhwa Yëësu Kiristo hë.

1 Yohana 4:7

Abhaghonshe abhaane, tohanshane, ko bhoora righonshe nku-Waryobha rikurwa. Ömöntö wowonswe ono akohansha bharikyaye, uyö nkobha arë omoona uwa Waryobha, kora namanyirë Waryobha.