1 Yohana 1:5 - Imuuma Eehya

⁵ Mbe, engʼana eno Yëësu Kiristo yaatötëëbhya, yo tokobharaarekera igha, Waryobha we obhorabhu, ikisuntë tëkërëngë mu-Waryobha hë.

1 Yohana 1:5 Referans Kwoze

Yohana 8:12

Mbe, Yëësu akaghëndërrya okoghamba ghwiki na rikomo reera igha, “Öni nö-öni obhorabhu ubhwa ekebhara. Ömöntö wowonswe igho ono akonsoorana, takoghenda mu-kisuntë kora hake hë, kasi naraabhe na obhorabhu bhono bhokomotangata mö-bhöhöru ubhwa amakora ghonswe igho.”

Yaakobho 1:17

Ëkëntö ikiiya kyokyonswe keno tokohaanwa, mu-ryobha kikurwa, ku-Waryobha Ömöbhömbi uwa emerengaari. We takwisyöryasyörya kya ikiiriiri hë.

Yohana 1:9

Obhorabhu ubhwenebhwene, bhono bhokohaana abhantö bhonswe igho obhorabhu, nko-nshera bhwaarë bhoraasha ko-kebhara kono.

Yohana 1:4

Uyö we yaarë esemoko iya öbhöhöru bhwonswe igho, na öbhöhöru bhuyö, mbo bhokoreeta obhorabhu ko-bhantö.

Yohana 9:5

Hano nkeeho ko-kebhara kono, öni no-bhorabhu ndë ko-bhantö bhonswe igho.”

Okohonyora 22:5

Ubhutikö tebhorebha mu-mughi ghuyö röndë hë. Abhantö tebharëtönibhwa na setara, handë emerengaari ighya iryobha hë, ko bhoora Omonene Waryobha, we arebha obhorabhu ubhwabho. Abhantö bhayö, mbaretonga amakora ghonswe igho.

Okohonyora 21:23

Umughi ghuyö, tëghötöndörrëywë na emerengaari ighya iryobha handë ighya umwëri, ko bhoora ubhuhika ubhwa Waryobha, mbwo bhokobharra umughi ghuyö, na Omoona Ringʼöndi we ëkëmörë.

1 Timoteo 6:16

Waryobha umwene igho, we atarikwa. Naikaayë mo-bhorabhu bhono ömöntö ataatore ukubhusuntarra. Kora taaho ömöntö ono yakamörööshë hë, handë ono akotora okomomaaha. Obhotoro na okosookwa bhebhe ku-Waryobha amakora ghonswe igho. Amina.

1 Yohana 3:11

Ukurwa hano mwaasimiri ukukumya Yëësu Kiristo, mwaaighuurë engʼana eno igha, Abhakiristo ni-igha tohanshane.

1 Abhakörintö 11:23

Mbe, amëëghyö ghano naanyöörrë ukurwa ko-Monene Yëësu Kiristo, ngo naabhahaayë igha, ubhutikö bhoora yaakörëëywë inikö, yaaghëghirë omokaate,

Yohana 1:19

Urusikö urwöndë, abhatangati abha Abhayahudi bhaatömirë abhasëngëri na Abharaawi ukurwa Yërusarëëmu, bhabhööri Yohana igha, “Nu-uwe wë?”