1 Yohana 1:3 - Imuuma Eehya

³ Uyö twaamaaha na ukumwighwa, we tokobharaarekera amangʼana aghaaye. Torabharaarekera, okore mobhe na öbhömwë na bhëëtö ubhwa ukumukumya. Bhëëtö ntoona öbhömwë na Taata Waryobha, bhaana Omoona uwaaye Yëësu Kiristo.

1 Yohana 1:3 Referans Kwoze

1 Abhakörintö 1:9

Waryobha nu-uwa heene, yaabhabherekera, okore mobhe na öbhömwë na Omoona uwaaye, Yëësu Kiristo Omonene uwëëtö.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Amangʼana agha Abhatomwa 4:20

Bhëëtö tituutighe ukushumaashera amangʼana ghano twaaighwa na ukwimaahera bhëëtö abheene!”

Yohana 17:21

Ndasabha igha, abhantö bhayö bhonswe igho, bhabhe ëkëntö ëkëmwë, kya bhono uwe Taata örëngë ëkëntö ëkëmwë na öni, na kya igho öni wonswe ndëngë ëkëntö ëkëmwë na uwe. Ghwiki ndasabha igha, abheene bhonswe bhabhe ëkëntö ëkëmwë na bhëëtö, okore abhantö abha ko-kebhara kono bhakumi igha, nu-uwe waantoma Taata.

Abhafiripi 2:1

Mbe, hano oraanyoore moraisegha mo-senkoro isyënyu igha m-bantö abha Kiristo mörë, moraröörisibhwa ku righonshe iryaye, moona öbhömwë na Umwika Ömöhörëëru, mohanshirwë na nkomaaherwa mörë amaabhë na Kiristo,

1 Yohana 1:7

Kasi hano oraanyoore mo-bhorabhu tömënyirë, kya bhono Waryobha amënyirë-mo, hayö ntoraabhe na öbhömwë bhëëtö abheene ko bheene. Kora hayö ho ukunyoora amaanyinga agha Omoona uwaaye Yëësu Kiristo gharatosaabhuura ëbhëbhë ibhyëtö bhyonswe igho.

1 Yohana 1:1

Nkobharaarekera törë amangʼana agha ono akobherekerwa igha, Engʼana iya öbhöhöru, ono yaarenga-ho ukurwa okosemoka. Bhëëtö ntwaamwighuurë, kora tokamomaaha na amaiso aghëëtö abheene. Tokamwitaaha, kora tokamoghootaghoota na amabhoko aghëëtö.

Abhaëbhuraania 3:14

Ku bhuyö nkoghootana törë hamwë na Yëësu Kiristo, hano twesegha Waryobha kya bhono twaamukumiri, tokamwesegha, töghëndërri ighoigho na okohekera ku-muhiko.

Abhafiripi 3:10

Nkutuna ndë mmanye Kiristo bhököngʼu, mbe na obhotoro ubhwa ukuryoka ukwaye. Mbe na öbhömwë nawe, nteseke na ukukwa kya igho ghaaikörrë ku-Kiristo.

1 Peetero 5:1

Bhoono nkushumaasha ndë na bhëënyu abhaghaaka abha ekanisa. Öni m-moghaaka murikyënyu ndë, ono naamaaha na amaiso aghaane bhono Kiristo yaatëësirwë. Ghwiki öni m-mosangi murikyënyu ndë, uwa ubhuhika bhono bhoraamaahekane bhöngö hano. Ku bhuyö nkobhasaasaama ndë igha,

Abhaëbhuraania 3:1

Mbe, bhëënyu abhakumya abhahörëëru bharikyane, bhano Waryobha yaashaaghora igha mobhe abhantö abhaaye, mwitegherre bhuuya amangʼana agha Omotomwa Yëësu Kiristo, ono arëngë Omonene uwa abhasëngëri uwa umukumo ghono tukwikërrya.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.

Amangʼana agha Abhatomwa 20:27

Ko bhoora tenaakubhiri okobhatëëbhya ko obhokarë ghonswe igho ghano Waryobha akutuna momanye.

1 Yohana 1:5

Mbe, engʼana eno Yëësu Kiristo yaatötëëbhya, yo tokobharaarekera igha, Waryobha we obhorabhu, ikisuntë tëkërëngë mu-Waryobha hë.

Abhaëbhuraania 2:12

Yëësu Kiristo yaaghambirë igha, “Nendaaraareke iriina iryaho ko bhahiiri abhaane, nendaarëëti amarëëtyö agha ökökötöönia mo-sesango isyabho.”

1 Timoteo 6:2

Hano oraanyoore abhaghorwa bhaana abhanene abhaabho bhano bhaakumya Yëësu, engʼana iyö, etakaaghera bhabhasere. Kasi bhabhakorre emeremo bhuuya bhököngʼu, ko bhoora bhayö, m-bakumya bharikyabho bhakötöörrya emeremo, kora m-baghonshe abhaabho. Okaani abhantö, na ököbhëëghya amangʼana ghayö bhuuya.

Abhafiripi 1:7

M-buuya nkokora okobhatemera omotwe bhëënyu bhonswe igho ko amangʼana ghayö, ko bhoora nembahanshirë bhököngʼu. Nkosanga mörë na öni örööbhö urwa Waryobha, ukukiinanera Amangʼana Amaiya na okoghaimererra hamwë na bhëënyu, nokaanyoora igha mo-kebhohe ndë, handë igha temo-kebhohe ndë hë.

Abhaëfësö 3:6

Ësëëmyö iya Waryobha ni-igha, umwandö n-gömwë Abhakyaro bhakosanga na Abhayahudi. Abhantö bhonswe igho bhano bhakukumya Amangʼana Amaiya, bhabhaayë kya ömöbhërë öghömwë, kora nkosanga bharë riraghano reerareera, reno Waryobha yaakörrë okohetera ku-Kiristo Yëësu.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhatësarönikë 1:10

Bhoono nkoghanya mörë Omoona uwa Waryobha, Yëësu, aike ukurwa mu-ryobha. Uyö we Waryobha yaaryökëri, ghwiki we akötötöörya okore Waryobha atakaasha ukutushibhya hano arebhotorra abhantö bhonswe igho ibhiina ibhyabho.

1 Abhakörintö 15:1

Bhoono abhakumya bharikyane, nkobhahitökya ndë Amangʼana Amaiya ghano naabharaarëkëëyë, mokaghaghoota kora mwanagha ko Amangʼana Amaiya ghayö.

Abharuumi 15:27

Na-bheene igho mbo bhaatunirë igha bhakore igho. Obhoheene ni-igha, ni-siirë bhakohaka, ko bhoora Abhakyaro na Abhayahudi bhabhaayë ëkëntö këmwë ko-bhongʼoore ubhwa öbhötöörya bhono bhokohetera ko-Bhayahudi. Ko okoghera iya engʼana iyö, ni-igha abheene bhonswe bhabhatöörri-ko amangʼana agha kinyamöbhërë, kö-bhëntö bheno bhataanabhyo.

Amangʼana agha Abhatomwa 13:41

‘Bhëënyu bhare abhasëri, mwangarre! Moroghoore musike. Ko bhoora engʼana eno ndaakore ku-sinsikö isyënyu seno, kora ömöntö nakaabhatëëbhya timuukumi hë!’  ”

Amangʼana agha Abhatomwa 13:32

“Ku bhuyö bhëëtö hano nkobharaarekera törë Amangʼana Amaiya ghano Waryobha yaaraghaini ko-bhakörö bhëëtö.

Amangʼana agha Abhatomwa 2:42

Abheegha abha Yëësu bhaanaghirë mö-mëëghyö agha abhatomwa abha Yëësu. Bhaasanganga hamwë omokaate, na okosaasaama Waryobha.

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 17:11

Öni tënkërëngë ghwiki ko-kebhara kono hë, nku-uwe nkuusha. Kasi abheene mbaraaghëndërri okobha ko-kebhara kono. Taata Ömöhörëëru, obharende ko obhotoro ubhwa iriina iryaho reno waangʼaana, okore bhabhe ëkëntö ëkëmwë kya bhono öni na uwe törëngë këntö ëkëmwë.

Yohana 19:35

Amangʼana ghano ngaandekwa na ömöntö ono yaarööshë ghayö ghaikoranga. Ghano akoghamba no-bhoheene, kora umwene wonswe namanyirë igha, no-bhoheene akoghamba, okore na bhëënyu bhonswe mukumi.

2 Peetero 1:16

Hano twëëghyanga abhantö amangʼana agha obhotoro ubhwa Omonene uwëëtö Yëësu Kiristo na ukuusha ukwaye, tetwaitengʼeranga amaghano agha kare ghano ghaandekwa kinyabhongʼaini ngʼaini. Kasi bhëëtö abheene, ntwaarööshë ubhuhika ubhwaye.