1 Yohana 1:2 - Imuuma Eehya

² Engʼana iya öbhöhöru uyö, we Waryobha yaahönyööyë ko-bhantö, kora bhëëtö bhonswe ntwaamörööshë. Ku bhuyö ghano tokobhatëëbhya, no-bhoheene ubhwa amangʼana aghaaye. Torabhatëëbhya igha, ömöntö uyö akohaana abhantö öbhöhöru, ho arë amakora ghonswe igho. Ömöntö uyö, yaarenga hamwë na Taata Waryobha, kasi bhoono Waryobha yamohonyora kö-bhëëtö.

1 Yohana 1:2 Referans Kwoze

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

Yohana 1:4

Uyö we yaarë esemoko iya öbhöhöru bhwonswe igho, na öbhöhöru bhuyö, mbo bhokoreeta obhorabhu ko-bhantö.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

1 Yohana 5:11

Keno kekoghera torabha na obhoheene ubhwa ghano Waryobha yaatötëëbhëri igha m-maheene, nö-bhöhöru ubhwa amakora ghonswe igho bhono yaatohaana. Öbhöhöru bhuyö, ntwaabhunyoora ko okoghera iya ukukumya Omoona uwaaye.

1 Yohana 3:8

Kasi ömöntö wowonswe ono aköghëndërrya okokora ëbhëbhë, uyö m-möntö uwa Oghosambwa. Ntomanyirë igho, ko bhoora Oghosambwa n-gököri ughwa ëbhëbhë ukurwa kare. Kiyö nkyo ikibhuno keno kyaaghërrë Omoona uwa Waryobha akaasha ko-kebhara kono, okore asari emeremo ighya Oghosambwa.

Tiito 1:2

na mboraabhahaane ubhweseghe ubhwa öbhöhöru ubhwa amakora ghonswe igho. Waryobha ono atakorongoha, we yaaraghaini öbhöhöru bhuyö, kora ekebhara ketaraabhombwa.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

1 Yohana 3:5

Mmomanyirë igha Yëësu Kiristo yaaishirë ko-kebhara kono, okore aruusi-ho ëbhëbhë ibhyëtö. Ghwiki we taana ëkëbhë kyokyonswe keera hë.

2 Timoteo 1:10

Kasi bhoono, Waryobha yöörökëri örööbhö urwaye kö-bhëëtö, ku ukuusha ukwa Kiristo Yëësu Ömötöörya uwëëtö. Uyö, we yaaruusya-ho obhotoro ubhwa uruku, akatohonyorra öbhöhöru ubhwa amakora ghonswe igho, ko Amangʼana Amaiya.

Abhagharatia 4:4

Kasi hano enkaagha yaahëkëëyë-ho, Waryobha akatoma Omoona uwaaye ono yaabhaayë ömöntö kya bhëëtö, yaaibhööywë enkaagha iya öbhöghööti ubhwa amaraghërryö agha Mosa.

Yohana 15:27

Kora na bhëënyu bhonswe muryemererra amangʼana aghaane, ko bhoora hamwë mwaarëkobhanga na öni, ukurwa okosemoka.

Amangʼana agha Abhatomwa 3:15

Ku bhuyö mokamwita, na mbe we esemoko iya öbhöhöru bhwonswe igho hano bhöhëkëëyë! Kasi Waryobha akamuryökya ukurwa mo-bhaku, na bhëëtö m-bëëtö abhaimërërri abha ukuryoka ukwaye.

1 Peetero 5:1

Bhoono nkushumaasha ndë na bhëënyu abhaghaaka abha ekanisa. Öni m-moghaaka murikyënyu ndë, ono naamaaha na amaiso aghaane bhono Kiristo yaatëësirwë. Ghwiki öni m-mosangi murikyënyu ndë, uwa ubhuhika bhono bhoraamaahekane bhöngö hano. Ku bhuyö nkobhasaasaama ndë igha,

Abharuumi 8:3

Amaraghërryö agha Mosa teghaarenga na obhotoro ubhwa okotohaana öbhötöönööni, ko okoghera iya esemoko iyëëtö iya öbhököri ubhwa ëbhëbhë. Kasi keno amaraghërryö ghaakërrwë okokora, Waryobha yaakëkörrë. Yaatömirë Omoona uwaaye umumwëmwë, akaasha ko-kebhara kono kinyabhantö, kya bhëëtö abhaköri abha ëbhëbhë, okore abhe ikimwenso ko okoghera iya ëbhëbhë ibhyëtö. Ko okokora igho, Waryobha yaasikiri esemoko iya öbhököri ubhwa ëbhëbhë kö-bhëëtö.

Amangʼana agha Abhatomwa 10:41

Kasi tiyaamaahekaini ko-bhantö bhonswe igho hë, nko-bhaimërërri bhano Waryobha yaahööyë ukurwa kare. Abhaimërërri bhayö, m-bëëtö. Hano yaaryökirë ukurwa mo-bhaku, ntwaasangirë hamwë ibhyakorya na ukunywa nawe.

Amangʼana agha Abhatomwa 5:32

Bhëëtö hamwë na Umwika Ömöhörëëru, ono Waryobha yaahaana abhantö bhonswe igho bhano bhakumwighwera, mbo abhaimërërri abha ghayö ghonswe igho.”

Amangʼana agha Abhatomwa 2:32

Yëësu uyö, yaaryökiibhwi na Waryobha ukurwa mo-bhaku, na bhëëtö bhonswe igho bhano toohano, na-bhaimërërri abha engʼana iyö.

Yohana 21:14

Ruyö nu-urwa katatö rwaarë, urwa Yëësu okobhooshokera abheegha abhaaye, ukurwa roora Waryobha yaamuryökëri ukurwa mo-bhaku.

Yohana 17:5

Bhoono Taata, ndasabha wöröki abhantö ubhuhika ubhwane bhono naarenabho, enkaagha eno twaarë hamwë, kora ekebhara keno ketaraabhombwa.

Yohana 16:28

Nko-Taata naarwërëëyë nkaasha ko-kebhara kono, bhoono hayö, nko-kebhara kono nkurwa, ndakyora ko-Taata.”

Yohana 8:38

Öni nkobhatëëbhya ndë ghano naamaaha ko-Taata, kasi bhëënyu nkokora mörë ghano suwëënyu aköbhëëghya.”

Yohana 7:29

Öni nemomanyirë, ko bhoora nku-uyö naarwa, kora we yaantoma.”

Yohana 3:13

Taaho ömöntö wowonswe igho ono yaahika mu-ryobha. Kasi öni Omoona uwa Ömöntö mmu-ryobha naarwera.

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

1 Yohana 1:1

Nkobharaarekera törë amangʼana agha ono akobherekerwa igha, Engʼana iya öbhöhöru, ono yaarenga-ho ukurwa okosemoka. Bhëëtö ntwaamwighuurë, kora tokamomaaha na amaiso aghëëtö abheene. Tokamwitaaha, kora tokamoghootaghoota na amabhoko aghëëtö.

Yohana 10:28

Öni nkoghahaana ndë öbhöhöru ubhwa amakora ghonswe igho, tegharisira kora hake hë. Ghwiki taaho ömöntö ono akotora okoghasakörya ukurwa mo-mabhoko aghaane.

Yohana 19:35

Amangʼana ghano ngaandekwa na ömöntö ono yaarööshë ghayö ghaikoranga. Ghano akoghamba no-bhoheene, kora umwene wonswe namanyirë igha, no-bhoheene akoghamba, okore na bhëënyu bhonswe mukumi.

1 Yohana 2:25

Riraghano reno yaatoraghaini ni-igha, tunyoore öbhöhöru ubhwa amakora ghonswe igho.

1 Yohana 4:2

Enshera iya okomanya igha ömöntö nyabhorebhe nkotangatwa arë na Umwika uwa Waryobha, ni-igha ërë. Ömöntö wowonswe ono akwikërrya igha Yëësu Kiristo yaasha ko-kebhara kono aana ömöbhërë kya gheno tonaghyo, uyö we akotangatwa na Umwika Ömöhörëëru uwa Waryobha.

1 Yohana 4:14

Bhëëtö twaamaaha Omoona uwa Waryobha, kora nkötëëbhya törë abhantö abhandë obhoheene igha, Taata Waryobha yaatömirë Omoona uwaaye ko-kebhara kono, okore abhe Ömötöörya uwa abhantö bhonswe igho.

1 Yohana 5:13

Mbandëkëëyë amangʼana ghayö, bhëënyu bhano mukukumya Omoona uwa Waryobha, okore momanye igha, mmoona öbhöhöru ubhwa amakora ghonswe igho.