1 Timoteo 4:3 - Imuuma Eehya

³ Abhantö bhayö, nkwëghya bharë igha abhantö bhatakaatetana, bhatighe okorya ibhyakorya nyabhorebhe. Kasi ibhyakorya bhiyö, Waryobha yaabhëbhömbirë akatohaana, okore abhakumya tumukumi ko bhoora igha, ntomanyirë obhoheene.

1 Timoteo 4:3 Referans Kwoze

1 Timoteo 4:4

Ëbhëntö bhyonswe igho ibhya Waryobha, m-biiya, tekeeho ikya ukughirwa hë. Abhakumya bhabhegheghe ku ukukumya Waryobha,

Abhaëbhuraania 13:4

Öbhötëti ne-ngʼana iya okosookwa na abhantö bhonswe igho. Obhosooraare, bhwibhashwe, ko bhoora Waryobha narebhotorra ikiina abhasooraare na abha sintwara.

Abharuumi 14:6

Ömöntö ono akomaaha igha urusikö nyabhorebhe ndoona ubhwera okokera sinsikö isyëndë, nkokora arë igho, okore atëghëri Omonene Yëësu Kiristo. Na ono akorya kyokyonswe keera, wonswe nkokora arë igho, okore atëghëri Omonene Yëësu Kiristo, ko bhoora takorya igho atakumiri Waryobha hë. Ono akwanga okorya ibhyakorya nyabhorebhe, nkokora arë igho, okore atëghëri Omonene Yëësu Kiristo, uyö wonswe nkukumya arë Waryobha.

Abhakorosaai 2:16

Mbe, ömöntö wowonswe igho atakaabhabhotorra ikiina ko mangʼana agha ibhyakorya, handë ukunywa ëkëntö nyabhorebhe, handë sinyangi isya sidiini, sinyangi isya okotaashwa umwëri, handë urusikö urwa Obhotooro.

1 Abhakörintö 8:8

Ibhyakorya tëbhëkötöörrya ömöntö okobha haangʼë na Waryobha. Ntokatigha okorya, titukusuuhwa na ëkëntö hë, kora ntokaarya, titukunyoora ehoorohooro yoyonswe igho hë.

Abhakorosaai 3:17

Ghonswe igho ghano mokoghamba handë okokora, mokorenga okohetera iriina irya Omonene Yëësu Kiristo, na eno morakumya Taata Waryobha ko okohetera ku-uyö.

1 Abhakörintö 7:28

Kasi nyoore noteta, tunyoore osarri hë. Na omohara wonswe nyoore natetwa, tunyoore asarri hë. Kasi, bhano bhaatetana mbaraanyoore inyanko ko-kebhara kono. Keno nkutuna ni-igha motakaanyoora inyanko iyö.

Abharuumi 14:3

Ömöntö ono akorya kyokyonswe keera, atakaasera ono akorya sinyënyi, na ono akorya sinyënyi wonswe, atakaabhotorra ikiina ono akorya kyokyonswe keera, ko bhoora Waryobha nkumwikërrya arë kya igho arë.

Abhaëbhuraania 13:9

Motakaarutwa na amëëghyö aghandëghandë igho amaghëni, ko bhoora m-buuya enkoro ëtërëmibhwi kö örööbhö urwa Waryobha, kasi te-ko okoghera iya seteemo isya amaraghërryö agha ibhyakorya. Abhantö bhano bhaaghoota amangʼana ghayö, tebhanyoora ehoorohooro yoyonswe eera hë.

1 Timoteo 2:4

Keno Waryobha akutuna ni-igha abhantö bhonswe igho bhatööribhwi kora bhamanye obhoheene.

1 Abhakörintö 6:13

Abhantö abhandë bharaghamba igha, enda n-ko okoghera iya ibhyakorya, na ibhyakorya n-ko okoghera iya enda. Kasi bhyonswe igho bhibhërë bhiyö, enda na ibhyakorya, Waryobha naribhiruusya-ho. Kasi ömöbhërë te-ko okoghera iya obhosooraare hë, kasi n-ko okoghera iya Omonene uwëëtö, na Omonene n-ko okoghera iya ömöbhërë.

Abharuumi 14:17

Ko bhoora Obhokama ubhwa Waryobha, tokorya handë ukunywa hë, kasi no-kokora amangʼana agha heene, okobha na omorembe, na ukushomerwa, ghayö nku-Mwika Ömöhörëëru ghakurwa.

Mataayo 15:36

Akaghegha emekaate muhungatë ghiyö, na sinswë nke igho seno bhaarë nasyo. Akakumya Waryobha. Akabhotorabhotora emekaate gheera na sinswë seera, akahaana abheegha abhaaye bhatwenere abhantö bhayö.

Mataayo 14:19

Mbe, akatëëbhya abhantö bhaara bhaikare hansë ko-manyanki, bhakaikara. Mbe, Yëësu akaghegha emekaate etaano ghiyö na sinswë ibhërë, akagharamera mu-ryobha, akakumya Waryobha, akabhotorabhotora emekaate na sinswë siyö, akahërrya abheegha abhaaye, okore bhatwenere abhantö bhayö.

Amangʼana agha Abhatomwa 27:35

Mbe, hano Pauro yaamarrë okoghamba igho, akaghegha omokaate, akakumya Waryobha mbere iya bhayö bhonswe igho, akaghobhotora, akasimya okorya.

Yohana 6:23

Mbe, bhakaasha abhantö na amaato aghandë ukurwa Tibhëëria, bhakahika ahasë hano rikomo irya abhantö bhaarëëyë emekaate hano Omonene Yëësu yaakumiri Waryobha.

Ruuka 24:30

Hano bhaikaayë okorya, Yëësu akaghegha omokaate, akakumya Waryobha, akaghongʼoora, akaghobhotora, akabhatwenania.

Mataayo 15:11

Ubhunyanku ubhwa ömöntö, tëbhörëngë kö-bhëntö bheno akorya hë. Kasi na-mangʼana ghano akoghamba, ghayö ngo ghakumunyankuhya.”

1 Timoteo 5:14

Bhoono öni nkutuna ndë igha, abhasinö bhano bhataraaghota, bhatetwenga, bheebhore, bhatughe imighi ighyabho, okore umubhisa uwëëtö wowonswe oora, atakatoghamba bhoghogho.