1 Timoteo 3:1 - Imuuma Eehya

¹ Engʼana eno nemanyekaini igha, “Hano ömöntö aighömbirë emeremo ighya ubhwimërërri ubhwa ekanisa, uyö ne-meremo imiiya ukunyoora aighömbirë.”

1 Timoteo 3:1 Referans Kwoze

Tiito 1:7

Ko bhoora igha, omoghaaka omotangati uwa ekanisa, uyö we umwimërërri ono yaaghöötibhwa emeremo ighya Waryobha, ku bhuyö ni-igha, atakaabha ömöntö uwa okotemwa amasoro. Atakaabha na ekeghaaka, atakaabha ömöntö uwa enkoro, atakaabha ömörëëbhi, atakaabha umutindi, kora atakaabha na oronamba urwa seehera.

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

1 Peetero 5:2

mobhe abhakaraabhërri abha heene abha ekanisa eno mwaahaanwa na Waryobha. Ghwiki ni-igha, monaghi ekanisa kwa enkoro inshiiya kya bhono Waryobha akutuna, kasi te-kwa ukusingʼirribhwa hë. Motakaakora emeremo ighyënyu kwa oronamba oroghogho urwa ukunyoora seehera, kasi mobhe na omotono.

1 Timoteo 1:15

Engʼana eno nemanyekaini igha, “Kiristo Yëësu yaaishirë ko-kebhara kono, okore atööri abha ëbhëbhë.” Obhoheene, ni-igho amangʼana gharë, ku bhuyö ni-igha abhantö bhaikërri. Mo-bhantö abha ëbhëbhë, öni wa ëbhëbhë ndë okokera bhonswe igho.

1 Peetero 2:25

Mwaarenga kya amangʼöndi ghano ghasirrë, kasi bhoono, mwakyörrë ko-mokaraabhërri uwëënyu na we omonaghya uwëënyu.

Abhaëbhuraania 12:15

Mwiyangarre bhököngʼu, ömöntö wowonswe oora atakaabhorwa örööbhö urwa Waryobha. Atakeebhoka-ho ömöntö mö-bhëënyu, ono anga kya umuri ömörörö. Ömöntö kya uyö, naraabhanyanki na ukunyankuhya senkoro isya abhantö abhaaru.

2 Timoteo 2:11

Engʼana eno ni-iya heene, igha, “Nyoore twaakwa hamwë na Kiristo, ntorebha abhahöru hamwë nawe.

1 Timoteo 4:9

Obhoheene ni-igho amangʼana gharë, ku bhuyö ni-igha abhantö bhaghaikërri.

Abhafiripi 1:1

Ritashandighi reno nö-öni Pauro ndyandëkirë tohamwë na murikyane Timoteo. Uyö we nkokora hamwë nawe emeremo ighya Kiristo Yëësu. Torandekera abhaimërërri, abhashemaasi, na abhantö abha Waryobha bhonswe igho bhano mörëngë Firipi hayö, bhano mwabha ëkëntö ëkëmwë na Kiristo Yëësu.

Ruuka 15:10

“Ndabhatëëbhya igha, ni-ighoigho, kora Waryobha na abhamaraika abhaaye bhonswe igho, nkushomerwa bharë, hano ömöntö ömwë uwa ëbhëbhë, yaahongora ëbhëbhë ibhyaye.”

Tiito 3:8

Amangʼana ghayö nkötëëbhëri, na-agha obhoheene. Nkutuna ndë igha oghakangʼasërri ko-bhantö, okore bhano bhonswe igho bhakukumya Waryobha, bhaghanaghi, na bhaiköngʼërri okokora amangʼana amaiya. Amangʼana ghayö m-maiya, kora ngaana ubhwera ko-bhantö bhonswe igho.

Abhaëfësö 4:12

Yaakörrë igho, okore abhantö bhayö bhasëëmi abhantö abha Waryobha, bhakorrenga Waryobha emeremo. Ghwiki ikyëndë ni-igha, Abhakiristo bhanaghe. Abhakiristo bhayö, mbo bhakobherekerwa igha, ömöbhërë ughwa Kiristo.

Amangʼana agha Abhatomwa 1:20

Peetero akaghëndërrya okoghamba igha, “Ghayö ngaandëkirwë mo-ketabho ikya Zabhuri igha, ‘Ikihiita ikyaye, nkeraabhe na ekesoma, kebhorwe ömöntö uwa okomenya-mo.’ “Ghwiki ahandë haandëkirë igha, ‘Emeremo ighyaye ighya obhotangati, nu-wöndë araahaanwe.’

1 Peetero 4:15

Mbe, ömöntö atakaanyoora inyaanyi ko okoghera iya ubhwiti ubhwa abhantö, ubhwibhi, okokora amangʼana amaghogho handë okosarekania abhantö.

1 Abhatësarönikë 5:14

Abhakumya bharikyëtö, torabhasaasaama igha, mokaaninga abhooro na okotogheka bhano bhaakwa emetwe. Ghwiki motoghekenga bhano bhataana singuru na ököghömërrya abhantö bhonswe igho.

Abharuumi 11:13

Bhoono m-bëënyu Abhakyaro nkötëëbhya. Obhoheene ni-igha, Waryobha yaantoma mbe omotomwa kö-bhëënyu. Nkötöönia ndë emeremo ghiyö naahaanwa,