1 Timoteo 2:3 - Imuuma Eehya

³ Engʼana iyö ni-nshiiya, kora nkushomera ërë Waryobha Ömötöörya uwëëtö.

1 Timoteo 2:3 Referans Kwoze

Abhaëbhuraania 13:16

Motakeebha okokora amangʼana amaiya na okoghootana tobhe këntö këmwë, ko bhoora ikimwenso kya kiyö, nkyo këkötëghërya Waryobha.

1 Timoteo 1:1

Ritashandighi reno nö-öni Pauro ndyandëkirë. Öni no-motomwa uwa Kiristo Yëësu ndë. Naanyoora obhotomwa bhuyö ko bhoora igha, Waryobha Ömötöörya uwëëtö, bhaana Kiristo Yëësu ono tukwesegha, mbo bhaaraghërrëëyi igha, mbe omotomwa uwa Kiristo Yëësu.

1 Peetero 2:20

Hano moraaghömërri inyaanyi eno mwingʼarëëyi, ko okoghera iya okokora amangʼana amaghogho, hayö tëmötëghëri Waryobha hë. Kasi hano moraaghömërri inyaanyi ko okoghera iya okokora amangʼana amaiya, hayö ho moraatëghëri Waryobha.

Abharuumi 14:18

Mbe, hano ömöntö akörëëyë igho Yëësu Kiristo, uyö nkötëghërya arë Waryobha, kora abhantö nkumwikërrya bharë.

1 Peetero 2:5

Momanye igha, bhëënyu bhonswe n-kya amaghena amahöru mörë, mwahaghaashwa mobhe inyumba ëhörëëru. Ghwiki nkobhakora arë mobhe abhasëngëri bhano bhaahööywë okokora ibhimwenso ëbhëhörëëru, bheno bhikushomera Waryobha okohetera ku-Yëësu Kiristo.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Ruuka 1:47

kora nkushomerwa ërë na Waryobha, Ömötöörya uwaane.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

1 Timoteo 5:4

Kasi hano oraanyoore igha, umusinö aana abhaana handë abhaishökörö, ni-igha abhantö abhaaye bhayö, bhamötöörringa kya bhono Waryobha akutuna. Hano bharaamutughe, ho oraanyoore bharahaka amangʼana amaiya ghaara abhaibhöri abhaabho bhaabhakorranga. Kiyö nkyo Waryobha akutuna.

Abhafiripi 4:18

Bhoono ëbhëntö bhyonswe igho bheno mwaahaayë Epafurodito okondeetera, naabhinyöörrë. Kora ëbhëntö bhiyö m-byaru okokera obhohabhë ubhwane. Ekehaheeno kiyö kyabha ikimwenso keno kikurumbaasa bhuuya, keno kikwikërërribhwa na okongʼarra Waryobha.

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.

1 Timoteo 4:10

Engʼana iyö, yo ekoghera toranyanka na torakora omotono ko-meremo, ko bhoora igha, Waryobha ömöhöru we tukwitengʼera. Uyö we Ömötöörya uwa abhantö bhonswe igho, ekenene m-Mötöörya uwa bhano bhakumukumya.