1 Peetero 5:8 - Imuuma Eehya

⁸ Mwiraarerre, mobhe maiso nkaagha syonswe igho, ko bhoora umubhisa uwëënyu, Oghosambwa, nkwinaaranaara ghörë kya ëndwë eno ikuruma, eratuna ömöntö yaakere.

1 Peetero 5:8 Referans Kwoze

Abhaëfësö 6:11

Momanore ibhyöghë bhyonswe igho ibhya riihë, bheno Waryobha akobhahaana, okore mobhe na obhotoro ubhwa okorebherra obhongʼaini ngʼaini ubhwa Oghosambwa.

Yaakobho 4:7

Ku bhuyö, mwighwerenga Waryobha. Kasi mwangenga Oghosambwa na amangʼana aghaako, ho ghoraabhangʼosenga.

Abhaëfësö 4:27

Motakaahaana Oghosambwa umweya ughwa okobhashaasha ko engʼana kya iyö.

1 Peetero 1:13

Ku bhuyö mwisëëmi na mwiraarerre, kora mongʼainihe. Ubhweseghe ubhwënyu bhwonswe igho, bhobhe kö örööbhö rono morehaanwa enkaagha eno Yëësu Kiristo ariisha aiyöröki harabhu igho.

1 Peetero 4:7

Umuhiko ughwa amangʼana ghonswe igho, ghwaahikirë haangʼë. Ku bhuyö, mongʼainihe na ukwiyangarra ko-mangʼana ghonswe igho, okore mosaasaamenga.

Ruuka 21:36

Ku bhuyö mwiyangarre senkaagha syonswe igho! Möghëndërri okosaasaama Waryobha, okore abhahaane obhotoro ubhwa ukwibhasha ghonswe igho ghayö gharyebhoka, na ukwemerra bhöröngë ubhwane, öni Omoona uwa Ömöntö.”

Ruuka 22:31

Yëësu akaghamba igha, “Uwe Simööni, uwe Simööni uwe! Omanye igha, Oghosambwa ghosabhirë orohosa ku-Waryobha, ghobhashaashi bhëënyu bhonswe igho. Nerebha n-kya ukwirura öbhörwë.

Tiito 2:12

Örööbhö ruyö, nkutwörökërrya rörë igha, twange amangʼana amaghogho na oronamba urwa ko-kebhara kono. Ku bhuyö, enkaagha eno tökërëngë ko-kebhara kono, togheerenga ngʼora amangʼana, tobhe abhantö abha heene, na tobhe abhantö abha eteemo iya okosooka Waryobha.

Okohonyora 12:12

Ku bhuyö ni-igha mushomerwe, bhonswe igho bhano mömënyirë ighörö mu-ryobha! Kasi haahö, ekebhara na inyansha, ko bhoora Oghosambwa ghörëkëëywë kö-bhëënyu iyö na eno ghörërëëyë bhököngʼu, ko bhoora ngomanyirë igha, sinsikö isyagho, ne-nke sitighaayë.”

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Mataayo 13:39

Umubhisa uyö yëëmëri ëntöki, ghuyö no-Ghosambwa. Enkaagha iya okoghesa, iyö ne-nkaagha iya umuhiko ughwa ekebhara keno. Abhantö bhano bhaaghësirë engano, bhayö na-bhamaraika abha Waryobha.

Okohonyora 12:9

Ughushoka oghonene ghuyö, ghokarekerwa ko-kebhara hamwë na abhamaraika abhaagho. Ghuyö, ngwo ughushoka ughwa kare ghoora ghokobherekerwa igha, Nyangasheka handë igha Oghosambwa. Ghuyö, ngo ghwaangʼainirë abhantö bhonswe igho ko-kebhara kono, okore bhakore ëbhëbhë.

Mataayo 24:42

Ku bhuyö mwiyangarre, ko bhoora motamanyirë urusikö urwa ukukyora ukwane öni Omonene uwëënyu.

Okohonyora 20:10

Mbe, Oghosambwa ghono ghwaabhangʼainirë, ngoretabhutwa mu-nyansha iyö ikwibhugha omorro na ubhurutu ubhwa ikibhiriiti. Muyö mo ughutyënyi ghoora na ömörööti uwa obhorongo oora, bhaarëkëëywë-mo. Muyö mo bhareteeswanga ubhutikö na omobhasö, amakora ghonswe igho.

Ruuka 21:34

“Mwiyangarre motakaasha kuritoherwa na obhoraaghëri, na öbhörëëbhi, na ehaho iya öbhöhöru ubhwa ko-kebhara kono. Hano mutiyangarre, urusikö urwa umuhiko ndorebhabhasha motamanyirë.

Tiito 1:8

Kasi asërëëninga abhantö, abhe ömöntö ono ahanshirë amangʼana amaiya, abhe ömöntö ono akogheera ngʼora amangʼana, ömöntö uwa heene, ömöhörëëru, ono akwirebherra umwene.

2 Timoteo 4:17

Kasi Omonene Yëësu yaarenga hamwë na öni, akangʼaana singuru isya okoraareka Amangʼana Amaiya, okore Abhakyaro bhonswe bhaighwe. Akanhonia na ruku, ko bhoora igha naarenga kya ono ndëngë mu-munywa ughwa ëndwë.

Tiito 2:6

Kora abhamura bhonswe obhakaani, okore bhagheere ngʼora amangʼana ghonswe igho.

Tiito 2:2

Ötëëbhi abhaghaaka igha, bhagheerenga ngʼora amangʼana, bhaisooke, bhairebherre, bhabhe na umukumo ughwa obhoheene, bhaghömërringa, kora bhabhe na righonshe.

1 Timoteo 2:15

Kasi abhakari, ukwebhora ukwabho nkwo korebhatöörya, hano bharaaghëndërri okobha na umukumo, righonshe, öbhöhörëëru na okobha na eteemo inshiiya.

Okohonyora 20:2

Akaghoota ughushoka ghoora. Ughushoka ghuyö, ngo inshoka iya kare eera ekobherekerwa igha, Nyangasheka, handë igha Oghosambwa. Akaghobhoha na ekeraangʼani, akaghotabhuta mu-bhwina ubhwa mu-kyaro ikya abhaku, akasiika-ho ekesaku, akamaameka-ko umuhuri ughwa ubhurimbo, okore ghotakaasha okongʼaina ghwiki Abhakyaro. Oghosambwa ghuyö ngorebhohwa imyoka ëkëkwë ëkëmwë. Hano ribhagha riyö rerehwa, ni-igha ghuruusibhwi mo-kebhohe ko-nkaagha enke igho.

Tiito 2:4

okore bhëëghinga abhakari abhaana abhake bhahanshe abhashaasha abhaabho na abhaana abhaabho.

1 Timoteo 3:11

Bhakaabho bhonswe bhabhe na eteemo inshiiya, bhatakaabha abhaghambi abha abhantö, bhagheerenga ngʼora amangʼana, ghwiki ni-igha bhabhe abhantö abha heene ko amangʼana ghonswe igho.

1 Timoteo 2:9

Kora abhakari bhonswe nkutuna ndë igha, bhaaibhohenga singibho isyabho bhuuya. Bhabhe na eteemo inshiiya, bhaairebherrenga. Ikuughë iyaabho etakaabha iya ukusuka situukya, handë iya okotoora ëbhëntö ibhya esahaabhu na bheno bhekomekameka, handë singibho isya öbhöghöri obhonene.

Mataayo 4:1

Mbe, Umwika uwa Waryobha akatangata Yëësu ukughya ku-riköngö, okore ashaashwe na Oghosambwa.

1 Timoteo 3:2

Mbe, umwimërërri uwa ekanisa, ni-igha abhe ömöntö ono atakotemwa amasoro. Abhe umushaasha nyamokari ömwë igho, airebherrenga, ömöntö uwa obhongʼaini, ono akosookwa, omohaani, abhe ömöntö ono amanyirë ukwëghya abhantö engʼana iya Waryobha.

Mataayo 25:41

“Ho ndemara ntëëbhi bhaara urinyoora bharëngë bhömösi ubhwane igha, ‘Murwe hano, ko bhoora bhëënyu, mwaihiimwa na Waryobha. Moghende mo-morro ghotakurima amakora ghonswe igho, ahasë hano Waryobha yaasëëmëërya Oghosambwa na abhamaraika abha Oghosambwa ghuyö.

Mataayo 4:11

Mbe, Oghosambwa ghokamutigha ibhagha ike igho. Tamaaha, abhamaraika abha Waryobha bhakaasha kutighinkanera Yëësu.

Maariko 4:15

Abhantö abhandë, mbatuubhaini na rirobha irya ko-nshera. Abhantö bhayö, hano bhaighwa engʼana iyö, Oghosambwa nkuusha ghörë kamwë igho, ghuruusya engʼana iyö mo-senkoro isyabho.

2 Abhakörintö 2:11

okore Oghosambwa ghotakaatobhaaha, ko bhoora obhongʼaini ubhwagho, ntobhomanyirë.

Okohonyora 12:10

Mbe, nkaighwa engamba ukurwa mu-ryobha eraghamba bhököngʼu igha, “Bhoono, Waryobha uwëëtö ahönëri abhantö abhaaye. Aimërëëyi-ho Obhokama ubhwaye ko obhotoro ubhwaye! Kiristo wonswe öörökëri ubhwera ubhwaye, ko bhoora umushöngëri uwa abhakumya bharikyëtö, ono akobhashongera mbere iya Waryobha ubhutikö na omobhasö, arëkëëywë hansë.