1 Peetero 4:7 - Imuuma Eehya

⁷ Umuhiko ughwa amangʼana ghonswe igho, ghwaahikirë haangʼë. Ku bhuyö, mongʼainihe na ukwiyangarra ko-mangʼana ghonswe igho, okore mosaasaamenga.

1 Peetero 4:7 Referans Kwoze

1 Peetero 1:13

Ku bhuyö mwisëëmi na mwiraarerre, kora mongʼainihe. Ubhweseghe ubhwënyu bhwonswe igho, bhobhe kö örööbhö rono morehaanwa enkaagha eno Yëësu Kiristo ariisha aiyöröki harabhu igho.

1 Peetero 5:8

Mwiraarerre, mobhe maiso nkaagha syonswe igho, ko bhoora umubhisa uwëënyu, Oghosambwa, nkwinaaranaara ghörë kya ëndwë eno ikuruma, eratuna ömöntö yaakere.

2 Timoteo 4:5

Kasi uwe Timoteo, wangarre ko amangʼana ghayö ghonswe igho. Öghömërri inyaanyi, okore emeremo ighya okoraareka Amangʼana Amaiya, okore bhuuya kö-bhököri ubhwaho bhonswe igho, ubhwa emeremo ighya Waryobha.

Ruuka 21:34

“Mwiyangarre motakaasha kuritoherwa na obhoraaghëri, na öbhörëëbhi, na ehaho iya öbhöhöru ubhwa ko-kebhara kono. Hano mutiyangarre, urusikö urwa umuhiko ndorebhabhasha motamanyirë.

Abhaëbhuraania 10:25

Totakatigha ukwikomania hamwë, kya igho abhandë bhatigha ukwikomania. Tokaananinga, na töghëndërringa okokora igho, ko bhoora mokomaaha igha urusikö urwa ukukyora ukwa Omonene uwëëtö Yëësu Kiristo haangʼë rörë.

Abhakorosaai 4:2

Mosaasaamenga nkaagha syonswe igho, moraiyangarra na mukuminga Waryobha.

Tiito 2:12

Örööbhö ruyö, nkutwörökërrya rörë igha, twange amangʼana amaghogho na oronamba urwa ko-kebhara kono. Ku bhuyö, enkaagha eno tökërëngë ko-kebhara kono, togheerenga ngʼora amangʼana, tobhe abhantö abha heene, na tobhe abhantö abha eteemo iya okosooka Waryobha.

Abharuumi 12:12

Amangʼana amaiya ghaara Waryobha yaabharaghaini igha arebhakorra, ghakore mushomerwenga. Möghömërri hano mwanyoora inyanko, kora möghëndërringa okosaasaama Waryobha.

Abhafiripi 4:5

Obhohaabhu ubhwënyu bhomanyekane ko-bhantö bhonswe igho. Omonene Yëësu haangʼë arë aashe.

Ruuka 22:46

Akabhabhöörya igha, “N-kwakë moraayë? Mobhooke! Mosaasaame Waryobha, okore motakaashaashwa.”

Okohonyora 16:15

Omonene Yëësu araghamba igha, “Momaahe! Nindiisha kya bhoora umwibhi akuusha igho atarëkëëyë amangʼana. Yaamara okongʼoorwa ömöntö ono akwiraarerra eno aibhöhirë singibho isyaye bhuuya, okore atakaasha okoghenda kengʼaabhi na ökösöökërribhwa mo-bhantö.”

1 Peetero 3:7

Na bhëënyu abhashaasha, ni-igha mwikarane na abhakari abhëënyu kwa bhongʼaini, momanye igha, tebhaana singuru kya seno monasyo. Mwikare na bhakëënyu kwa okosookana, ko bhoora bhonswe mbarerya umwandö ughwa örööbhö urwa öbhöhöru. Ku bhuyö abhashaasha mokore igho, okore amasabhi aghëënyu, ghatakaarebherrwa.

Abhaëfësö 6:18

Mosaasaamenga nkaagha syonswe igho, kya bhono Umwika Ömöhörëëru akobhatangata, okore mwiraarerre. Möghëndërri okosaasaamera abhantö abha Waryobha bhonswe igho.

1 Abhakörintö 15:24

Hayö ho umuhiko ughwa ekebhara ghurihika, hano arehaana Taata Waryobha Obhokama ubhwaye. Naremohaana hano urinyoora amarrë okosarya öbhötöngi bhwonswe igho, ubhwera bhwonswe igho na obhotoro bhwonswe igho.

1 Abhakörintö 7:29

Abhakumya bharikyane, nkoghamba ndë igha, ribhagha reno ritighaayë ni-ike igho. Ukurwa bhoono igho, bhano bhaateta, bhabhe kya bhano bhataateta.

Mataayo 24:42

Ku bhuyö mwiyangarre, ko bhoora motamanyirë urusikö urwa ukukyora ukwane öni Omonene uwëënyu.

Ruuka 21:36

Ku bhuyö mwiyangarre senkaagha syonswe igho! Möghëndërri okosaasaama Waryobha, okore abhahaane obhotoro ubhwa ukwibhasha ghonswe igho ghayö gharyebhoka, na ukwemerra bhöröngë ubhwane, öni Omoona uwa Ömöntö.”

Mataayo 25:13

Yëësu akaghëndërrya ökötëëbhya abheegha abhaaye igha, “Mbe, ku bhuyö ni-igha mwiyangarre, ko bhoora motamanyirë urusikö, handë enkaagha iya ukukyora ukwane öni Omoona uwa Ömöntö.”

Abhaëbhuraania 9:26

Singa etaabhaayë igho, Kiristo nakaatëësirwë hare kaaru ukurwa okosemoka ukwa ekebhara keno. Kasi bhoono yaasha kamwë igho ko-senkaagha isya umuhiko seno, okore aruusi-ho ëbhëbhë ku ukwiruusya umwene kamwë igho abhe ikimwenso.