1 Peetero 4:13 - Imuuma Eehya

¹³ Kasi bhoono bhëënyu mushomerwe igha, nkunyoora mörë inyaanyi, kya bhoora Kiristo yaanyöörrë. Bhoono ni-igha, mushomerwenga, okore muushe kushomerwa bhököngʼu, hano ariisha na ubhuhika ubhwaye bhötöörwë harabhu igho.

1 Peetero 4:13 Referans Kwoze

Abharuumi 8:17

Mbe, nyoore bhëëtö m-baana abha Waryobha törë, m-bëëtö abhari abha umwandö ughwa Waryobha, hamwë na Yëësu Kiristo. Kasi bhoono keno kikutunwa, nö-köghömërrya inyaanyi kya bhono Kiristo yaaghömërrëëyi. Hayö bhoono ho törëtöönibhwa hamwë nawe.

Abharuumi 5:3

Bhoono kora ntokaanyoora inyanko, kasi tushomerwenga, ko bhoora ntomanyirë igha inyanko iyö, nkotokora ërë töghömërri ku-mukumo ughwëtö.

Abhafiripi 3:10

Nkutuna ndë mmanye Kiristo bhököngʼu, mbe na obhotoro ubhwa ukuryoka ukwaye. Mbe na öbhömwë nawe, nteseke na ukukwa kya igho ghaaikörrë ku-Kiristo.

2 Abhakörintö 1:7

Toona ubhweseghe bhököngʼu kö-bhëënyu, ko bhoora tomanyirë igha, ko bhono mukunyanka kya bhëëtö, ni-ighoigho kora mörëröörësibhwa kya bhëëtö.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.

2 Abhakörintö 4:10

Bhëëtö nkaagha syonswe igho, mu-nyanko iya ukwitwa törë, kya bhono Yëësu yaaitirwë, okore öbhöhöru ubhwa Yëësu bhwonswe, bhomaahekane kö-mëbhërë ighyëtö.

2 Timoteo 2:12

Hano toraaghömërri, ntoretonga hamwë nawe. Hano toraamwange, wonswe naritwanga.

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

Okohonyora 1:9

Öni nö-öni Yohana umukumya murikyënyu. Nkötöörrania ndë hamwë na bhëënyu ököghömërrya inyanko ko okoghera iya Yëësu na Obhokama ubhwaye. Öni naarëbhërrëëywë kwi-ghinga reno rekobherekerwa igha Paatimo. Naarëbhërrëëywë iyö, okore igha, ntakaaraareka engʼana iya Waryobha na ntakaimererra amangʼana agha Yëësu.

1 Peetero 5:1

Bhoono nkushumaasha ndë na bhëënyu abhaghaaka abha ekanisa. Öni m-moghaaka murikyënyu ndë, ono naamaaha na amaiso aghaane bhono Kiristo yaatëësirwë. Ghwiki öni m-mosangi murikyënyu ndë, uwa ubhuhika bhono bhoraamaahekane bhöngö hano. Ku bhuyö nkobhasaasaama ndë igha,

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 5:12

Momanye igha ni-igho bhaateesanga abharööti abha kare. Ku bhuyö mushomerwenga bhököngʼu, ko bhoora Waryobha yaabhatoorra-ho ituho enene mu-ryobha iyö.”

1 Peetero 1:13

Ku bhuyö mwisëëmi na mwiraarerre, kora mongʼainihe. Ubhweseghe ubhwënyu bhwonswe igho, bhobhe kö örööbhö rono morehaanwa enkaagha eno Yëësu Kiristo ariisha aiyöröki harabhu igho.

Amangʼana agha Abhatomwa 16:25

Mbe, mu-bhutikö ghatë, Pauro bhaana Siira, bhakasaasaama Waryobha, bhakarëëtya amarëëtyö agha ökömötöönia. Abhabhohe bharikyabho, bhakabha bharabhaitegherra.

Mataayo 25:34

“Ho bhoono öni Omokama ndëtëëbhya bhaara urinyoora bharëngë bhoryo bhwane igha, ‘Bhëënyu, muushe hano, ko bhoora mwangʼoorwa na Taata. Mosohe mo-Bhokama bhono Waryobha yaabhasëëmërya, ukurwa haara yaabhömbirë ekebhara keno.

Mataayo 25:31

Ghwiki Yëësu akaghëndërrya ukushumaasha na abheegha abhaaye, akabhatëëbhya igha, “Hano ndiisha öni Omoona uwa Ömöntö neena ubhuhika ubhwane, hamwë na abhamaraika bhonswe igho, hayö bhoono ho ndikara ku-kitumbë ikya ekekama.

Mataayo 25:23

“Omonene uwaaye akamötëëbhya igha, ‘Ökörrë bhuuya. Uwe omoghorwa, m-möntö uwa heene örë, kora m-moheene örë. Ko bhoora obhaayë omoheene kö-bhëntö ebheke bheno naakötëghëëyë, bhoono nendaakokore obhe umwimërërri uwa ëbhëntö ibhyane ibhyaru. Nshö hano ushomerwe hamwë na öni.’

Mataayo 25:21

“Omonene uwaaye akamötëëbhya igha, ‘Ökörrë bhuuya. Uwe omoghorwa, m-möntö uwa heene örë, kora m-moheene örë. Ko bhoora obhaayë omoheene kö-bhëntö ebheke bheno naakötëghëëyë, bhoono nendaakokore obhe umwimërërri uwa ëbhëntö ibhyane ibhyaru. Nshö hano ushomerwe hamwë na öni.’

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.

Ruuka 17:30

“Ni-igho erebha urusikö urwa okohonyorwa ukwane öni Omoona uwa Ömöntö.

Maariko 8:38

Ömöntö ono akoommaahera sënsöni öni na amangʼana aghaane, ko-nkaagha eno iya abhantö bhano bhakokora ëbhëbhë, uyö we öni Omoona uwa Ömöntö ndemaahera sënsöni ku-bhuhika ubhwa Taata, hano ndiisha ukurwa mu-ryobha, hamwë na abhamaraika abhahörëëru.”

Abharuumi 8:18

Ku bhuyö inyaanyi iyëëtö iya bhoono igho, të-këntö hë, hano nagherengʼaania na ubhuhika bhono Waryobha aretohaana.

2 Abhakörintö 1:5

Mbe, kya bhono tukunyoora inyanko insharu ko okoghera iya Yëësu Kiristo, ni-ighoigho Waryobha arëtöghösörrya bhököngʼu okohetera ku-Yëësu Kiristo.

1 Peetero 2:21

Ni-igha möghömërri, ko bhoora Yëësu Kiristo umwene yaatësëkirë ko okoghera iya bhëënyu. Ko okokora ghayö, akabhateghera ëkërëngyö, okore mweghenga okokora kya igho.

Yuuda 1:24

Waryobha aana obhotoro ubhwa okobharenda motakaasira, na okobhareeta mbere iya ubhuhika ubhwaye mushömëëywë, motaana isoro.