1 Peetero 3:4 - Imuuma Eehya

⁴ Kasi ubhwikööni ubhwënyu, bhusimiri mo-senkoro isyënyu. Ubhwikööni bhono bhotakosareka, handë okoghota. Ubhwikööni bhuyö, no-kobha na enkoro inshiiya na obhohaabhu, bhuyö mbo ubhwikööni bhono bhoona ubhwera obhonene ku-Waryobha.

1 Peetero 3:4 Referans Kwoze

Abhakorosaai 3:12

Bhoono ko bhoora m-baahorwa abha Waryobha mörë, kora na-bhahörëëru bhano ahanshirë, mobhe na enkoro iya amaabhë, eteemo inshiiya, ubhwihöötu, obhohaabhu, bheena öbhöghömërrya.

Abharuumi 2:29

Ti-igho hë! Kasi ömöntö ono akosooka Waryobha mo-nkoro iyaaye, uyö we uwaaye. Na esaaro inshiiya, ne-eera iya Umwika Ömöhörëëru akotogheka ömöntö mo-nkoro, tokoghoota amaraghërryö agha Mosa hë. Ömöntö kya uyö takukumibhwa na abhantö hë, kasi Waryobha we akumukumya.

Mataayo 11:29

Öni m-mohaabhu ndë, na ubhwihöötu nu-bhwane. Ku bhuyö mwibhohere ijööki iyaane, mweghe ku-öni, ho ndaabhahaane omorembe mo-senkoro isyënyu.

Tiito 3:2

Obhatëëbhi igha, bhatakaatoka ömöntö wowonswe oora, bhatakaabha abhatindi, kasi bhabhe abhahaabhu, na abhaihöötu ko-bhantö bhonswe igho.

Mataayo 23:26

Bhëënyu Abhafarisaayo, monga kya abhahukuru, mutighe ëbhëbhë ibhyënyu bheno bhenga ubhunyanku bhono bhörëngë mo-kekombe. Hayö ho na emeremo ighyënyu ghyonswe, gheraashome kya hano ekekombe kyarabha hano kyöghibhwa kebhara.

Abharuumi 7:22

Obhoheene ni-igha amaraghërryö agha Waryobha nengahanshirë bhököngʼu.

2 Abhakörintö 4:16

Mbe, kiyö nkyo kekoghera totakukwa emetwe, nokaanyoora ëmëbhërë ighyëtö gheno nkughunda ghërë, kasi senkoro isyëtö, nkokorwa sërë bhohya sinsikö syonswe igho.

1 Abhatësarönikë 4:11

Mobhe na omorembe. Ömöntö wowonswe igho, atakaatönibhwa na amangʼana agha abhandë, kasi akore emeremo ighyaye umwene, kya bhoora twaabharaghërrëëyi.

Abhaëfësö 4:2

Mwihoote ko-ghonswe igho ghano mokokora, mobhe abhahaabhu, möghömërri na ököghömërrania ukwa okohanshana.

1 Peetero 3:15

Mwisëëmi nkaagha syonswe igho okohonshora ömöntö wowonswe ono araabhabhööri keno mukwesegha. Mokorenga igho kwa obhohaabhu na esooko,

1 Timoteo 2:2

Ndabhakangʼasërrya igha, mosabherenga abhakama na abhatangati bhonswe igho, okore tobhe na omorembe, tosooke Waryobha na okobha na eteemo inshiiya.

Ruuka 11:40

Bhëënyu m-bakangi mörë, Waryobha ono yaabhömbirë agha kebhara, we yaabhömbirë na ibhya mönsë.

Yaakobho 1:21

Ku bhuyö mwibhashe amangʼana agha ubhunyanku, mohaatere amangʼana amaghogho ghano moonagho. Mwihoote kora mwikërri amangʼana amaiya ghano Waryobha yaatoora mo-senkoro isyënyu, ghayö ngo ghakotora okobhatöörya.

2 Timoteo 2:25

Ni-igha akaaninga abhantö bhohaabhu igho bhano bhakumunyeera senkaani, okore hanga Waryobha akabhakora bhahongore ëbhëbhë ibhyabho, bhamanye obhoheene.

2 Abhatësarönikë 3:12

Abhantö bhayö torabharaghërrya na okobhakaania ku ubhwera ubhwa Omonene Yëësu Kiristo igha, bhakorenga emeremo ighyabho bhahörëërrë, okore bhabhe na ibhyakorya ibhyabho abheene.

Mataayo 5:5

Nyakara abhaihöötu, ko bhoora Waryobha narebhahaana ikyaro kyonswe igho.

Abharuumi 6:6

Ntomanyirë igha eteemo iyëëtö iya kare eera, yaahanëkirwë ko-mosarabha hamwë na Yëësu Kiristo. Yaabhaayë igho, okore eteemo iyëëtö iya kare eera, etakaatobhaaha, na okotokora tobhe abhaghorwa abha ëbhëbhë.

Ruuka 16:15

Yëësu akabhatëëbhya igha, “Mo-bhantö, bhëënyu moraikora igha, m-bantö abha heene mörë, kasi Waryobha, namanyirë ghano gharëngë mo-senkoro isyënyu. Ko bhoora amangʼana ghano abhantö bhakukumya, ngo amanyënyëëri ku-Waryobha.

1 Peetero 1:23

ko bhono mwibhööywë bhohya. Ukwebhorwa bhohya kuyö, te-koora ukwa abhaibhöri abhëënyu hë, abhaibhöri abhëënyu bhayö nkukwa bharë, kasi mwebhorwa bhohya okohetera ko Engʼana iya Waryobha ëhöru, engʼana iyö, neraaghëndërri okobha-ho amakora ghonswe igho.

Abhakorosaai 3:3

Ko bhoora bhëënyu mwaakwa ko mangʼana ghayö. Öbhöhöru ubhwënyu bhoono hamwë bhörë na Kiristo ku-Waryobha. Kasi tebhokomaahekana ko-bhantö abhandë hë.

Abhagharatia 5:23

obhohaabhu bheena ukwirebherra. Teghaaho amaraghërryö ghano ghakokaania ömöntö igha atakaakora amangʼana ghayö.

2 Abhakörintö 10:1

Mbe, ndabhasaasaama ko obhohaabhu na kö öbhöntö ubhwa heene ubhwa Yëësu Kiristo, nö-öni Pauro ono bhakoghamba igha, hano naabha hamwë na bhëënyu, nkobha ndë omohaabhu, kasi hano naabha hare na bhëënyu, ndabha omokarë.

Mataayo 21:5

“Tëëbhya abhantö bhano bhamënyirë Sayuuni hayö igha, ‘Tamaaha, omokama uwëënyu araasha, m-mohaabhu, nkuusha arë arëngë ku-tikërë na ëkëmööri ikyako.’”

Abharuumi 1:23

Bhaatigha okosengerra Waryobha Ömöhörëëru uwa amakora ghonswe igho, kasi bharasengerra ëbhëtöndö ibhya amasambwa ghano ghatuubhaini kya abhantö bhano bhakukwa kya abhandë. Amasambwa aghandë ngatuubhaini kya sityënyi, aghandë kya ibhinyönyi, na aghandë kya sityënyi seno sikwingʼuura.