1 Peetero 3:21 - Imuuma Eehya

²¹ Amanshë agha ëhöörö iyö në-kërëngyö ikya obhobhatiisyo bhono bhokobhatöörya bhëënyu reero eno, ti-igha nu-kuruusya ubhunyanku kö-möbhërë hë, kasi no-kobha na enkoro inshiiya ku-Waryobha. Amangʼana ghayö, nkobha gharë okohetera ukuryoka ukwa Yëësu Kiristo.

1 Peetero 3:21 Referans Kwoze

Maariko 16:16

Ömöntö wowonswe igho ono araakumi, abhatiisibhwi, naraatööribhwi. Kasi, ömöntö wowonswe igho ono ataakumi, uyö naraabhotorrwe ikiina.

Amangʼana agha Abhatomwa 2:38

Peetero akabhatëëbhya igha, “Kera ömöntö mö-bhëënyu muyö, ahongore ëbhëbhë ibhyaye, abhatiisibhwi ku iriina irya Yëësu Kiristo, okore aabherwe, ahaanwe ituho eno ërëngë igha, nu-Mwika Ömöhörëëru.

Abhagharatia 3:27

Bhëënyu bhonswe igho bhano mwaabhatiisibhwa, mwaghootana na Kiristo, mwabha kya bhano mötöörrë Kiristo.

Amangʼana agha Abhatomwa 22:16

Bhoono uwe, otakaategheta. Emoka! Obhatiisibhwi, osaabhuurwe, osaasaame Waryobha akwabhere ëbhëbhë ibhyaho.’

Abhaëfësö 5:26

Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

Abhakorosaai 2:12

Mbe, hano mwaabhatiisiibhwi, mwaakurë hamwë na Kiristo, kora ghwiki mokaryoka hamwë nawe ko bhoora mwaaisëghirë obhotoro ubhwa Waryobha ono yaamuryökëri ukurwa mo-bhaku.

Mataayo 28:19

Ku bhuyö ni-igha moghende mokore abhantö bhonswe igho bhabhe abheegha abhaane, ko okobhabhatiisya ku iriina irya Taata, irya Omoona, na irya Umwika Ömöhörëëru.

Abhaëbhuraania 9:24

Ko bhoora Yëësu Kiristo, tiyaasöhirë Ahasë Ahahörëëru aha Ahahörëëru, haara haana ituubho iya aha mu-ryobha, hano haakorwa na abhantö, kasi yaasöhirë mu-ryobha aheeneheene, okore amaahekane ku-Waryobha ko okoghera iya bhëëtö.

1 Timoteo 6:12

Amangʼana ngakakongʼa bhono bhonswe gharaakongʼe, kasi uwe, obhe na omotono ughwa okosoorana Waryobha, onaghi öbhöhöru ubhwa amakora ghonswe igho. Öbhöhöru bhuyö, yo engʼana eno waabherekerrwa, urusikö rono waaikërëëyi umukumo ughwaho ghono waarë nagho ku-Yëësu Kiristo, mbere iya abhaimërërri abhaaru bhaara.

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

1 Abhakörintö 4:6

Mbe, abhakumya bharikyane, nëndëngëri amangʼana aghaane na Apöörö, okore ghabhe ëkërëngyö keno keraabhatöörri okomanya amangʼana agha ëkërëngyö keno igha, “Motakaataamboka keera Amaandeko Amahörëëru ghakoghamba.” Nkoghamba ndë igho, okore ömöntö mö-bhëënyu muyö, atakaibhaakera murikyaye na okomosera.

Amangʼana agha Abhatomwa 16:33

Ömörëndi uyö, akaghegha Pauro bhaana Siira, ubhutikö bhuyöbhuyö, akabhööghya amashamaaro aghaabho. Akabhatiisibhwa hamwë na abhantö abha waaye bhonswe igho.

Amangʼana agha Abhatomwa 8:36

Hano bhaaghendanga ko-nshera kuyö, bhakahika ahasë hano haarenga na amanshë. Omotabhuti uwa umuhyö mo-ketende uyö, akatëëbhya Firipö igha, “Maaha, amanshë n-gaayö hayö! Otambatiisya ndarra amanshë n-gaayö hayö?” [

Abharuumi 5:14

Mbe, abhantö bhonswe igho ukusimirya ko-nkaagha iya Adamu, okohekera ko-nkaagha iya Mosa, mbaakwanga. Uruku ndwaabhabhaahirë, nokaanyoora tebhaakörrë ëbhëbhë kya ibhya öbhötëëyu kya Adamu. Adamu uyö, we yaarë kya ituubho iya Yëësu Kiristo ono akaaishirë ko-nkaagha iyëndë.

Abhaëbhuraania 11:19

Ibhurahimu yaakumiri igha, Waryobha aratora kora ukuryökya Isaaka ukurwa mo-bhaku, mbe, akakyörribhwa Isaaka, akabha kya ömöntö ono aryökiibhwi.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

1 Timoteo 1:5

Ensonga iya amaraghërryö ghano ni-igha, abhakumya bhahanshane, kwa nkoro nshiiya, amaitegherro amaiya na umukumo ughwa heene.

Abhaëbhuraania 9:14

Kasi bhoono amaanyinga agha Yëësu Kiristo, ngaana ubhwera bhököngʼu, okokera agha situgho ghayö. Uyö we yaairuusiri umwene ko obhotoro ubhwa Umwika uwa amakora ghonswe igho, okore abhe ikimwenso keno ketaana risoro ku-Waryobha. Ikimwenso ikya amaanyinga aghaaye, nkyo kikutwöghya amaitegherro aghëëtö gharwe mo-mangʼana ghano ghakoreeta uruku, okore tosaasaamenga Waryobha ömöhöru.

Abhaëbhuraania 10:22

Ku bhuyö ni-igha tusuntare ku-Waryobha kwa nkoro nyihöötu na umukumo omohekeranu, ko bhoora Waryobha asaabhuurrë senkoro isyëtö ko amaanyinga agha Yëësu Kiristo, okore totakaabha na amaitegherro amaghogho. Kora atwisaabhëri ëmëbhërë ighyëtö mo-manshë ghano ghatabhöröngökirë.

Abhaëbhuraania 13:18

Motosabherenga, ko bhoora nkukumya törë igha, ntoona amaitegherro amaiya, kora nkutuna törë tobhe abhantö abha heene ku kyokyonswe keera toraakore.

1 Peetero 3:16

kora mobhenga na amaitegherro amaiya, okore hano bharaabhahange engʼana ko amangʼana ghayö mokokora ko okoghera iya Kiristo, bhasooke abheene.

Yohana 13:9

Simööni Peetero akamötëëbhya igha, “Nyoore ni-igho ërë Omonene, otakanyisaabhya amaghörö agheene igho hë, kasi na amabhoko aghaane hamwë na omotwe ughwane ghwonswe.”

Amangʼana agha Abhatomwa 8:37

Firipö akamohonshora igha, “Nendaakobhatiisi hano oraakumi Yëësu Kiristo ko nkoro iyaaho yonswe igho.” Umwene wonswe akamohonshora igha, “Nkukumia ndë igha, Yëësu Kiristo, m-Moona uwa Waryobha.”]