1 Peetero 2:15 - Imuuma Eehya

¹⁵ Keno Waryobha akutuna ni-igha, mokore amangʼana amaiya, okore murimi amangʼana agha obhokangi ghano abhantö bhakoghamba.

1 Peetero 2:15 Referans Kwoze

1 Peetero 3:17

Nyakara ömöntö unyankibhwi ko okoghera iya okokora amangʼana amaiya, hano oraanyoore Waryobha ni-igho akutuna, kasi otakaanyankibhwa ko okoghera iya okokora amangʼana amaghogho.

Tiito 2:8

Amëëghyö aghaaho ghabhe agha heene, ghano ghatakotemwa amasoro na abhantö. Nyoore abhantö bharatuna okoghanyeera senkaani, bhasooke ko bhoora mbaraabhorwe engʼana, iya okotoghamba obhoghogho.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

Mataayo 7:26

Kasi ömöntö ono akwitegherra amangʼana aghaane ghano nkwëghya, na aranga okokora bhono nkoghamba igha akore, uyö n-kya ömöntö omokangi ono yaahaghaashirë inyumba iyaaye ku-risense.

1 Abhatësarönikë 5:18

Mukuminga Waryobha ko amangʼana ghonswe igho. Ko bhoora ni-igho Waryobha akutuna mokorenga kya bhoora Kiristo Yëësu yaatwörökërrëëyi.

1 Abhatësarönikë 4:3

Waryobha nkutuna arë mobhe abhantö abhahörëëru, nkwo okoghamba igha, motakaakora obhosooraare.

2 Peetero 2:12

Abhantö bhayö, bho nkotoka bharë ëkëntö kyokyonswe igho, keno bhatamanyirë. Mbatuubhaini kya sityënyi seno setaana obhongʼaini, ko bhoora nkwebhorwa sërë igho, okore seghootwe na okoghooghwa! Ni-igho abhëëghya nyangasheka bhayö bharisika.

Abharuumi 1:21

Nokaanyoora abhantö mbamanyirë Waryobha kya bhono arë, kasi tebhakömötöönia hë, handë ukumukumya kya bhono aingʼarëëyë. Bhaana amaitegherro amaghogho, na sehakëri isyabho mu-kisuntë sërë.

Yuuda 1:10

Kasi abhantö abhaghogho bhayö, nkoghamba bharë bhoghogho amangʼana ghano bhatamanyirë. Kora amangʼana ghano bhakomanya n-kya ghano sityënyi seno setaana obhongʼaini semanyirë, ghayö ngo ghakobhasikya.

1 Peetero 4:2

Ku bhuyö ömöntö kya uyö, öbhömënyi ubhwa öbhöhöru ubhwaye bhonswe igho bhono akeenabho ko-kebhara kono, naraakorenga amangʼana ghano Waryobha akutuna, taabhe na oronamba oroghogho hë.

1 Timoteo 1:13

Nokaanyoora naamotokanga kora naateesanga abhantö abhaaye kare hayö, na naarenga na ekeghaaka, kasi Yëësu yaanyabhera. Yaanyabhëëyë ko bhoora amangʼana ghayö naaghakörrë ko obhokangi ubhwane, na ko bhoora ntaarë na umukumo.

Tiito 3:3

Kora bhëëtö bhonswe kare hayö, hano waanyöörrë totaraakumya Yëësu, m-bakangi twaarë, abhatëëyu, kora ntwaangʼainirwë, tokabha abhaghorwa abha oronamba, na amangʼana amaaru agha ko-kebhara kono, ghano ghaaturutanga. Tokabha abhantö abhaghogho na abha orongʼeera. Tokabha abhantö abha okoreghana na abhantö abhandë.

Abhagharatia 3:1

Bhëënyu bhare Bhagharatia, m-bakangi mörë! Nawë yaabharogha? Rëndë mbe naabharaghërrëëyi bhuuya amangʼana agha Yëësu Kiristo kya igho yaahanëkirwë ko-mosarabha.

Mataayo 25:2

Abhataano mu-ikömi muyö, bho m-bangʼaini bhaarë. Kasi abhataano abhandë, m-bakangi bhaarë.

1 Peetero 3:16

kora mobhenga na amaitegherro amaiya, okore hano bharaabhahange engʼana ko amangʼana ghayö mokokora ko okoghera iya Kiristo, bhasooke abheene.