1 Peetero 1:17 - Imuuma Eehya

¹⁷ Waryobha ono mokobherekera igha n-Suwëënyu ko-masaasaamo aghëënyu, momanye igha, taana ekeroterro kö ömöntö wowonswe igho hë. Narebhotorra abhantö bhonswe igho ibhiina, ko okorengʼaana na ghano bhaakora. Ku bhuyö mosooke Waryobha ko-nkaagha eno mökëmënyirë ko-kebhara kono, kya abhaghëni.

1 Peetero 1:17 Referans Kwoze

Mataayo 6:9

Yëësu akabhatëëbhya igha, “Mwighwe kya bhono moraasaasaamenga, ‘Taata uwëëtö uwa mu-ryobha, iriina iryaho rëhörëëribhwi. Obhokama ubhwaho bhuushe.

Abhafiripi 2:12

Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

Abhaëbhuraania 12:28

Ku bhuyö tukuminga Waryobha, ko bhoora atwikërëëyi tobhe mo-Bhokama ubhwaye bhono bhotakusingisa. Tosaasaamenga Waryobha, ko nshera eno ikumushomera iya ubhwihöötu na okomosooka.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhagharatia 2:6

Kasi abhatomwa bhaara bhaamanyekaini ko-bhantö, tebhaarë na engʼana yoyonswe igho eehya iya ököntëëbhya hë. M-boheene igha, mbaasöökwanga bhököngʼu. Nokaanyoora ni-igho yaarë, kasi öni tëntöniibhwi hë, ko bhoora Waryobha tatöniibhwi na ikyeo ikya möntö hë.

Abharuumi 11:20

Bhuyö m-boheene. Amasagharya ghayö ghaaghëëshirwë ko okoghera iya ukwanga kukumya, uwe wonswe umukumo ughwaho ngwo ghokoghera örëngë igho. Ku bhuyö ni-igha wiyangarre, otakaiheema kasi ni-igha wobhohe.

Mataayo 22:16

Ku bhuyö Abhafarisaayo bhayö, bhakatoma ku-Yëësu abheegha abhaabho, hamwë na abhasoorani abha rikomo irya omokama Herode. Hano bhaahikirë ku-Yëësu, bhakamöbhöörya igha, “Umwëghya, bhëëtö ntomanyirë igha, uwe m-möntö uwa heene örë, nkwëghya örë abhantö obhoheene ubhwa engʼana iya Waryobha. Kora tokoobhoha ömöntö wowonswe oora hë. Nakaabha na ikyeo ekenene iyakë, uwe tokomoobhoha hë.

1 Peetero 2:11

Abhaghonshe abhaane, bhëënyu m-baghëni bhahëti mörë ko-kebhara kono. Ku bhuyö, ndabhasaasaama igha, motakaikërrya okobhaahwa na oronamba oroghogho urwa ëmëbhërë ighyënyu. Oronamba oroghogho ruyö, nkurutana rörë na bhëënyu, okore robhabhaahe.

Abhaëbhuraania 4:1

Mbe, ko bhoora rekeeho riraghaniö irya Waryobha, irya okosoha ahasë ahaaye aha ukumuunya, ni-igha twobhohe, okore ömöntö atakaakerwa okosoha-mo.

Abhakorosaai 3:25

Kasi wowonswe igho ono akokora amangʼana amaghogho, narishibhibhwa na Waryobha, ko ekerengere ikya obhoghogho bhono yaakora, ko bhoora Waryobha taana ekeroterro hë.

Abhaëfësö 6:9

Abhanene, bhëënyu bhonswe, mokore bhuuya abhaghorwa abhëënyu. Motakaabhöbhöhërrya, momanye igha, abhaghorwa bhayö na bhëënyu abhanene abhaabho, Omonene uwëënyu nö-ömwë mu-ryobha iyö. Yëësu Kiristo we Omonene uwëënyu bhonswe igho mu-ryobha iyö. Umwene, taana ekeroterro kö-möntö wowonswe oora hë.

Abhaëfësö 3:14

Hano naitegherra ësëëmyö enene iya Waryobha iyö, nkotema ndë hansë ibhiru mbasaasaamera ko-Taata uwëëtö Waryobha.

1 Peetero 3:15

Mwisëëmi nkaagha syonswe igho okohonshora ömöntö wowonswe ono araabhabhööri keno mukwesegha. Mokorenga igho kwa obhohaabhu na esooko,

2 Abhakörintö 5:6

Ku bhuyö enkaagha yoyonswe igho ntoona ubhweseghe, kora ntomanyirë igha, hano tokeena ëmëbhërë gheno, n-hare törë na Omonene.

2 Abhakörintö 1:2

Örööbhö na omorembe ukurwa ku-Waryobha Taata uwëëtö, na ko-Monene uwëëtö Yëësu Kiristo, bhebhe hamwë na bhëënyu.

2 Abhakörintö 7:11

Maaha! Okobhaabhayera kono kokoreeta keno Waryobha akutuna, kobhahaayë ehoorohooro enene. Okobhaabhayera kuyö, köghërrë mobhaayë na omotono ughwa okokora ghano ghakutunwa, na ukwikoorerra ko ghano mokokora, igha na-agha obhoheene. Okobhaabhayera kuyö, kobhakörrë mörëghirë amangʼana amaghogho, mösöökirë Waryobha, mobhaayë na amaigha agha okommaaha, na okomaaha igha, ömöntö uyö yaasarya, arashibhibhwa. Ko amangʼana ghayö ghonswe igho, momaahekaini igha, temoona isoro ryoryonswe reera ko amangʼana ghayö.

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.