1 Abhatësarönikë 1:3 - Imuuma Eehya

³ Hano twabhasabhera ko-Taata uwëëtö Waryobha, nkuhiita törë umukumo ughwënyu ko amangʼana ghano mokokora. Torahiita omotono ughwa righonshe ghono moonagho, na kya igho monaghirë ku ubhweseghe bhono moonabho ko-Monene uwëëtö Yëësu Kiristo.

1 Abhatësarönikë 1:3 Referans Kwoze

1 Abhakörintö 13:13

Mbe, amangʼana ghano ghaimërëëyë bhoono igho, na-tatö, umukumo, ubhweseghe na righonshe. Ko amangʼana atatö ghayö, ekenene ni-righonshe.

Okohonyora 2:19

Nemanyirë righonshe iryënyu, amangʼana ghano mokokora, umukumo ughwënyu, öbhököri ubhwënyu ubhwa emeremo, na ököghömërrya ukwënyu. Ghwiki nkomaaha ndë igha, bhoono, m-buuya mokokora, ko bhoora möhëtërëëyë ghaara mwaakoranga kare.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

2 Abhatësarönikë 1:11

Ku bhuyö nkobhasabhera törë sinsikö syonswe igho igha, Waryobha uwëëtö abhakore morengʼaane na keno yaabhabhërëkërra. Ghwiki nkobhasabhera törë igha, ko obhotoro ubhwaye, ahekerani amangʼana amaiya ghano mukutuna okokora, na okohekerania emeremo ighyënyu ghyonswe igho ighya umukumo.

1 Yohana 5:3

Ko bhoora hano ömöntö yahansha Waryobha, nkoghoota arë imighiro ighyaye. Kora imighiro ighyaye të-mëköngʼu ighya okoghoota hë.

Abhagharatia 6:9

Mbe, ku bhuyö ni-igha, totakaarosa okokora amangʼana amaiya, ko bhoora hano toraaghömërri, ntoreghesa bhuuya hano enkaagha iya okoghesa irihika.

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

1 Yohana 3:3

Ömöntö wowonswe igho ono akwitengʼera igha atuubhane na Yëësu Kiristo, aisaabhuure, abhe ömöhörëëru kya Yëësu Kiristo.

1 Abhatësarönikë 3:6

Kasi bhoono Timoteo atöhëkërëëyë ukurwa kö-bhëënyu hayö, atötëëbhëri amangʼana amaiya agha umukumo na righonshe iryënyu. Atötëëbhëri igha, nkutuhiita mörë bhuuya ukughya iyö, na amaigha ghabharëëyë agha okomaahana na bhëëtö, kya bhono na bhëëtö bhonswe amaigha ghatörëëyë agha okomaahana na bhëënyu.

1 Yohana 3:18

Bhëënyu abhaana abhaane abhaghonshe, totakaahanshana ko mangʼana agheene igho hë, kasi tohanshane këmwëkëmwë ko okokorrana ubhwa heene.

Abhaëbhuraania 10:36

Keno kikutunwa kö-bhëënyu, nö-bhöghömërrya, okore hano moremara okokora bhono Waryobha akutuna, munyoore keera yaabharaghaini.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

2 Abhatësarönikë 1:3

Abhakumya bharikyëtö, ni-igha tukumi Waryobha senkaagha syonswe igho, ko okoghera iya bhëënyu, ko bhoora umukumo ughwënyu nkoneneha ghörë bhököngʼu, ghwiki okohanshana ukwënyu, nköghëndërrya körë okoneneha.

1 Yohana 3:21

Abhaghonshe abhaane, hano oraanyoore totakushuutwa mo-senkoro isyëtö, ntoraakarehe ukuhika haangʼë Waryobha.

1 Peetero 3:4

Kasi ubhwikööni ubhwënyu, bhusimiri mo-senkoro isyënyu. Ubhwikööni bhono bhotakosareka, handë okoghota. Ubhwikööni bhuyö, no-kobha na enkoro inshiiya na obhohaabhu, bhuyö mbo ubhwikööni bhono bhoona ubhwera obhonene ku-Waryobha.

Abhaëbhuraania 11:17

Umukumo, ghwaaghërrë Ibhurahimu hano yaashaashirwë na Waryobha, akaruusya Isaaka abhe ikimwenso. Ibhurahimu, we Waryobha yaahaayë riraghano, kasi yaaikërëëyi akaruusya omoona uwaaye umumwëmwë, abhe ikimwenso ku-Waryobha.

Abhaëbhuraania 6:15

Mbe, Ibhurahimu yaaghömërrëëyi igho, akanyoora keera Waryobha yaamoraghaini.

1 Timoteo 2:3

Engʼana iyö ni-nshiiya, kora nkushomera ërë Waryobha Ömötöörya uwëëtö.

Abhagharatia 5:13

Bhëënyu abhakumya bharikyëtö, Waryobha yaabhabherekera okore mobhe abhatöönööni. Kasi motakaakora öbhötöönööni ubhwënyu bhobhe ubhwa oronamba urwa ömöbhërë, kasi mötöörraninga, na mohanshanenga.

Abhagharatia 1:4

Kiristo yaairuusiri öbhöhöru ubhwaye, ko okoghera iya ukuruusya-ho ëbhëbhë ibhyëtö. Yaakörrë igho, okore atötööri turwe mo-mangʼana amaghogho ghonswe igho agha ko-kebhara keno ikya bhoono igho. Ghayö ghonswe igho ngaabhaayë igho, ko okorengʼaana na okohansha ukwa Waryobha Taata uwëëtö.

Abharuumi 16:6

Mönkëërri Maryamu ono yaakoranga omotono ughwa okokora emeremo ko okoghera iya ehoorohooro iyëënyu.

Abharuumi 15:4

Amangʼana ghonswe igho ghano ghaandëkirwë kare, ngaandëkirwë, okore ghatwëghi ököghömërrya inyanko. Amaandeko ghayö nkotohaana gharë ubhweseghe.

Abharuumi 12:12

Amangʼana amaiya ghaara Waryobha yaabharaghaini igha arebhakorra, ghakore mushomerwenga. Möghömërri hano mwanyoora inyanko, kora möghëndërringa okosaasaama Waryobha.

Abharuumi 2:7

Abhantö bhano arehaana öbhöhöru ubhwa amakora ghonswe igho, m-mbano bhaana omotono ughwa okokora amangʼana amaiya. Ko bhoora nkutuna bharë ubhuhika, esooko na öbhöhöru bhono bhotakosareka.

Amangʼana agha Abhatomwa 10:31

Akantëëbhya igha, ‘Körönëriö, Waryobha yaaighuurë okosaasaama ukwaho, ghwiki namanyirë, na kora nkuhiita arë, kya bhono ökösërëënia abhatöbhu.

Amangʼana agha Abhatomwa 3:19

Ku bhuyö, mohongore ëbhëbhë ibhyënyu, mukyore ku-Waryobha, abharuusiri-ho ëbhëbhë ibhyënyu, okore siishe senkaagha sensambaaroku, isya okobha-ho ukwa Omonene. Hayö ho Waryobha araabhamuunyi ko okotoma Yëësu Kiristo.

Yohana 14:15

“Hano moraanhanshe, moraaghoote imighiro ighyane.

Abhaëbhuraania 13:21

Waryobha abhakore mohekerane ko amangʼana amaiya ghonswe igho, okore mokorenga bhono akutuna. Hayö ho araakore mö-bhëëtö keno kikumushomera ko okohetera ku-Yëësu Kiristo, aghëndërri okobha na ubhuhika ubhwa amakora ghonswe igho. Amina.

Abhaëbhuraania 4:11

Mbe, tokore omotono ughwa okosoha mo-bhotooro muyö, okore ömöntö wowonswe igho atakaakerwa kya bhono bhaaghuuka abhëëtö bhaakërrwë ukwighwera Waryobha.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

Abharuumi 16:26

Bhoono amangʼana harabhu igho gharë okohetera ko-Maandeko Amahörëëru agha abharööti. Amangʼana ghayö agha imbumbure, ngamanyekaini ku-bhyaro bhyonswe igho. Waryobha uwa amakora ghonswe igho, we yaaraghërrya igha, obhoheene bhuyö bhoraarekwe ko-bhantö abha ibhyaro bhyonswe igho, okore abhantö bhayö, bhakumi Omonene Yëësu Kiristo, kora bhakore bhono akutuna.

Yohana 15:10

Hano moraaghoote imighiro ighyane, moraaikare mu-righonshe iryane. N-kya hano öni naaghöötirë imighiro ighya Taata, nkaikara mu-righonshe iryaye.

Okohonyora 3:10

Enkaagha iya inyanko niriisha ko-kebhara kyonswe igho, na abhantö bhonswe igho mbarishaashwa. Kasi bhëënyu, nendebharenda ko-nkaagha iyö, ko bhoora mwaaghömërrya inyaanyi kya bhoora naabharaghërrëëyi.

1 Timoteo 1:14

Omonene Kiristo Yëësu yaansakërya örööbhö oronene, kora akangʼaana umukumo na righonshe ko okobha hamwë nawe.