1 Abhakörintö 8:9 - Imuuma Eehya

⁹ Kasi mwiyangarre bhuuya, obhomanyi ubhwënyu bhotakaatimba bhanyamukumo mötëntëëru.

1 Abhakörintö 8:9 Referans Kwoze

Abhagharatia 5:13

Bhëënyu abhakumya bharikyëtö, Waryobha yaabhabherekera okore mobhe abhatöönööni. Kasi motakaakora öbhötöönööni ubhwënyu bhobhe ubhwa oronamba urwa ömöbhërë, kasi mötöörraninga, na mohanshanenga.

1 Peetero 2:16

Momenye këtöönööni, kasi öbhötöönööni bhuyö, bhotakaaghera mokore amangʼana amaghogho. Momenye öbhömënyi bhono bhukwörökya abhantö igha, m-baköri abha emeremo abha Waryobha mörë.

2 Peetero 2:19

Nkoraghania bharë bhayö bhaakumya bhöngö ko okobhatëëbhya igha, mbaraanyoore öbhötöönööni, kasi bho abheene, m-baghorwa abha obhorangara, ko bhoora, ömöntö nkobha arë omoghorwa uwa ëkëntö kyokyonswe igho keno kekomobhaaha.

1 Abhakörintö 10:24

Ömöntö atakaatönibhwa na ehoorohooro iyaaye umwene igho hë, kasi atönibhwi na ehoorohooro iya murikyaye.

1 Abhakörintö 10:32

Motakaabha ikibhuno ikya ukutimba Abhayahudi, abhantö bhano bhatarë Abhayahudi, handë ekanisa iya Waryobha.

1 Abhakörintö 9:22

Ko bhanyamukumo mötëntëëru, nkabha kya ono neena umukumo mötëntëëru, okore mbatöörri. Naakora ghayö ghonswe igho, ko-bhantö bhonswe igho, okore kwa nshera yoyonswe eera, ntööri abhandë mo-bhantö bhayö.

1 Abhakörintö 8:12

Ku bhuyö hano mwasarrya abhakumya bharikyënyu na ukunyahaara amaitegherro aghaabho amatëntëëru, hayö n-Yëësu Kiristo we ukunyoora mosarëëyi.

1 Abhakörintö 8:10

Ko bhoora hano nyamukumo mötëntëëru araamaahe wikaayë mu-risengerro irya ëbhëtöndö orarya, bhoono taitegherre mo-maitegherro aghaaye igha naingʼarëëyi okorya ibhyakorya bheno bhimwënsëywë ëbhëtöndö?

Okohonyora 2:14

Kasi amangʼana gharëngë kö-bhëënyu amake igho, ghano ghakunnyankya. Bhaaho abhantö bhano bhakosoorana amëëghyö agha Bharaamu, mö-bhëënyu muyö. Bharaamu uyö, yëëghëri Bharaaki okotegha Abhaisiraëri, okore bhakore ëbhëbhë ibhya okorya ibhyakorya bheno bhimwënsëywë ëbhëtöndö, na okokora obhosooraare.

2 Abhakörintö 11:21

Nkosooka ndë okoghamba igha, bhëëtö m-batëntëëru twaarë ko engʼana iyö! Bhoono nkoghamba ndë kya omokangi igha, nyoore aaho ömöntö ono akwimaaha igha, naingʼarëëyë ukwikumirya engʼana yoyonswe eera, tigha ngambe kinyabhokangi igha, öni wonswe ningʼarëëyë ukwikumirya engʼana iyö.

1 Abhakörintö 10:29

Hano naghamba amaitegherro, ta-aghaaho nkoghamba hë, kasi na-agha ömöntö uyö abhatëëbhëri. Ko bhoora igha, n-kwakë öbhötöönööni ubhwane bhobhotorrwe ikiina na amaitegherro agha ömöntö uwöndë?

Abharuumi 15:1

Mbe, bhoono bhëëtö bhano toona umukumo ghono ghonaghirë, ni-igha töghömërringa na ökötöörrya bhanyamukumo mötëntëëru. Totakaakora amangʼana ghano ghakötötëghërya bhëëtö abheene igho.

Mataayo 18:10

Yëësu akaghëndërrya okobhatëëbhya igha, “Mwangarre, motakaasera ömöntö omoke igha taana ubhwera hë. Ko bhoora igha, abhamaraika abhaaye mu-ryobha iyö, nkunyoora örë nkaagha syonswe igho bharëngë mbere ya Taata uwa mu-ryobha. [

1 Abhakörintö 10:28

Kasi hano ömöntö araabhatëëbhi igha, “Ibhyakorya bheno bhimwënsëywë ëbhëtöndö,” motakaarya ibhyakorya bhiyö, ko okoghera iya ömöntö uyö abhatëëbhëri, na ko okoghera iya amaitegherro.

2 Abhakörintö 6:3

Tetokokorra ömöntö wowonswe igho engʼana yoyonswe iya ukumutimba, okore emeremo ighyëtö, ghetakaaghambwa bhoghogho.

2 Abhakörintö 11:29

Hano ömöntö abhaayë ömötëntëëru, öni wonswe nkobha ndë ömötëntëëru. Hano ömöntö yaghera murikyaye akore ëbhëbhë, öni wonswe nkwighwa ndë öbhörrö.

Abhakorosaai 2:8

Mwangarre, ömöntö wowonswe igho atakaabhasirya ëkëkööri ko okohetera amëëghyö agha amangʼana agha kare ghaara, agha amasambwa ghano ghakotonga ekebhara keno. Amëëghyö ghayö, nkwitengʼera gharë seteemo isya abhantö na amasambwa ghano ghakotonga ekebhara keno, ta-mëëghyö agha Kiristo hë.