1 Abhakörintö 8:3 - Imuuma Eehya

³ Kasi hano ömöntö araahanshe Waryobha, uyö namanyekaini ku-Waryobha.

1 Abhakörintö 8:3 Referans Kwoze

2 Timoteo 2:19

Kasi abhantö bhano bhanaghirë, bho n-kya umusingi umuuya ghono Waryobha yaakora. Ku-musingi kuyö, amangʼana ghandëkirwë igha, “Omonene Waryobha namanyirë abhantö abhaaye,” ghwiki igha, “Ömöntö wowonswe ono akwibherekera igha nu-uwa Omonene Waryobha, ni-igha atighe obhoghogho.”

1 Abhakörintö 2:9

Kasi n-kya bhono Amaandeko Amahörëëru ghakoghamba igha, “Taaho ömöntö ono yaarööshë, akaighwa, handë okotoora mo-nkoro iyaaye, amangʼana ghano Waryobha yaasëëmëëyi abhantö bhano bhamohanshirë.”

Abhagharatia 4:9

Kasi bhoono igho, momanyirë Waryobha, umwene wonswe nabhamanyirë bhököngʼu. Mbe, bhoono N-kwakë mukutuna ukukyorra okoghoota amangʼana agha kare ghaara agha amasambwa ghano ghakotonga ekebhara keno? Amasambwa ghayö, teghaana ubhwera bhobhonswe bhoora hë. Kasi ghwiki nkutuna mörë mobhe abhaghorwa abha amangʼana ghayö?

Okohonyora 2:19

Nemanyirë righonshe iryënyu, amangʼana ghano mokokora, umukumo ughwënyu, öbhököri ubhwënyu ubhwa emeremo, na ököghömërrya ukwënyu. Ghwiki nkomaaha ndë igha, bhoono, m-buuya mokokora, ko bhoora möhëtërëëyë ghaara mwaakoranga kare.

Yaakobho 1:12

Nyakara ömöntö ono aköghömërrya hano yaashaashwa, ko bhoora hano araaghömërri ukushaashwa kuyö, Waryobha narimutuha ituho iya öbhöhöru ubhwa amakora ghonswe igho, bhono yaaraghaini okohaana bhonswe igho bhano bhamohanshirë.

Yohana 10:14

“Öni nö-öni omokaraabhërri uwa heene. Nemanyirë bhuuya amangʼöndi aghaane, nagho ghonswe ngaamayirë,

Mataayo 7:23

Hayö ho ndebhatëëbhya harabhu igho igha, ‘Tembamanyirë hë. Mundwere-ho, bhëënyu abhakora maghogho.’”

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.

Okohonyora 2:9

Nemanyirë inyanko iyëënyu, na öbhötöbhu ubhwënyu. Kasi obhoheene, bhëënyu m-baamë mörë! Kora nemanyirë kya bhono bhakobhatoka bhayö bhakwibherekera igha m-Bayahudi, kasi te-bho hë. Bhayö na-bhasoorani abha Oghosambwa.

1 Peetero 1:8

Bhëënyu temwakaamörööshë hë, kasi momohanshirë. Kora nokaanyoora igha temokomomaaha bhoono igho hë, kasi nkumukumya mörë. Ku bhuyö, nkushomerwa mörë bhököngʼu moona ubhuhika bhono bhotakoghambwa,

Okohonyora 2:13

Öni nemanyirë ahasë hayö mömënyirë, hayö, ho Oghosambwa ghokotonga. Nokaanyoora ni-igho amangʼana gharë, kasi nkunkumya mökërë. Kora enkaagha eno umwimërërri uwaane uwa heene Antipa yaaitirwë mu-mughi ughwënyu muyö Oghosambwa ghömënyirë, temwanyikaanirë hë. Antipa uyö, nu-mwimërërri uwaane uwa heene yaarë.

Yohana 21:17

Akamöbhöörya ghwiki urwa katatö igha, “Simööni, mumura uwa Yohana, nonhanshirë?” Peetero akabhaabhayera ko bhoora yaamöbhöörri hare katatö igha, “Nonhanshirë?” Akamohonshora igha, “Omonene, kana uwe nomanyirë ghonswe igho. Nomanyirë igha nenkohanshirë.” Yëësu akamötëëbhya igha, “Rëësya amangʼöndi aghaane.

Yaakobho 2:5

Abhakumya bharikyane abhaghonshe, munyitegherre bhuuya. Waryobha yaashaaghora abhatöbhu abha ko-kebhara kono, okore bhabhe abhaamë abha umukumo, kora bharaaghere umwandö ughwa Obhokama bhono yaaraghaini bhano bhamohanshirë.

Abharuumi 11:2

Waryobha tiyasendeka hayö abhantö abhaaye bhano yaashaaghööyë kora ekebhara ketaraabhombwa. Kanaa, mmotamanyirë kya bhono Amaandeko Amahörëëru ghakoghamba ko amangʼana agha Ëriya, agha ikikuuro ikyaye ku-Waryobha, ko okoghera iya Abhaisiraëri?

1 Abhakörintö 13:12

Okomaaha kono tokomaaha bhoono igho, n-kwa mawëëriwëëri, n-kya hano ömöntö yamaaha ëkëntö mu-kitu, kasi iriihika-ho enkaagha eno toremaaha bhuuya. Bhoono igho n-kerengere keke igho ikya amangʼana keno mmanyirë, kasi enkaagha iriihika-ho eno ndemanya bhuuya kya igho öni umwene mmanyirwë bhuuya na Waryobha.

1 Yohana 4:7

Abhaghonshe abhaane, tohanshane, ko bhoora righonshe nku-Waryobha rikurwa. Ömöntö wowonswe ono akohansha bharikyaye, uyö nkobha arë omoona uwa Waryobha, kora namanyirë Waryobha.