1 Abhakörintö 4:5 - Imuuma Eehya

⁵ Ku bhuyö motakaabhotora ikiina, enkaagha iyaako etaraabha, moghanye okohekera hano Omonene ariisha. We aremoreka amangʼana agha mu-kisuntë ghonswe igho ghano ghabhisirwë, na okotoora harabhu ghano gharëngë mo-senkoro isya abhantö. Hayö ho bhoono kera ömöntö arinyoora sinkuma seno aingʼarëëyi, ukurwa ku-Waryobha.

1 Abhakörintö 4:5 Referans Kwoze

Yaakobho 5:7

Ku bhuyö abhakumya bharikyane, möghömërringa okohekera enkaagha eno Omonene Yëësu ariisha. Bhëënyu temokomaaha igha ömörëmi nkoghanyërrya arë ibhyakorya ibhyaye kö-möghöndö, takobhehoobherra hë? Kasi nkoghanya arë ömöghöndö ughwaye ghöhëësi ibhyakorya ibhiiya. Ku bhuyö nköghömërrya arë okohekera hano ömöghöndö ughwaye ghurinyoora imbura iya mbere na iya omooka.

2 Abhakörintö 5:10

Ko bhoora bhëëtö bhonswe igho, nturimerra mbere iya ikitumbë ikya Yëësu Kiristo ikya okobhotorra ibhiina, okore kera ömöntö, ahakwe ko okorengʼaana na amangʼana ghano yaakora, ko-kebhara kono, nyoore m-maiya handë igha m-maghogho.

1 Abhakörintö 3:13

Ubhuuya ubhwa omoremo ughwa kera ömöntö, mboremaahekana harabhu igho. Urusikö roora urwa okobhotora ikiina, emeremo ghyonswe igho ngeremaahekana harabhu igho, ko bhoora omoremo ughwa kera ömöntö, ngurishaashibhwa ko okohetera mo-morro ughwa okobhotorra ibhiina.

Abhaëbhuraania 4:13

Tekeeho ëkëntö keno kyaabhombwa keno ketarëngë harabhu igho ku-Waryobha. Ko bhoora ëbhëntö bhyonswe igho n-harabhu igho bhërë ku-Waryobha, uyö we törëtëëbhya amangʼana ghano tokokora.

2 Abhakörintö 10:18

Tërëngë igha ömöntö ono akwihasha umwene we akwikërribhwa na Omonene Waryobha, kasi no-oora Omonene Waryobha umwene akukumya, uyö we akwikërribhwa nawe.

Abharuumi 2:16

Ni-igho erebha ko-nkaagha iya okobhotorrwa ibhiina. Hayö ho Waryobha arebhotorra abhantö ibhiina okohetera ku-Kiristo Yëësu. Narebhabhotorra ibhiina ibhyabho kora imbumbure iya amaitegherro aghaabho. Amangʼana Amaiya ghano nkoraareka, ni-igho gharë.

Abharuumi 2:1

Mbe, uwe Umuyahudi murikyane, ono okobhotorra abhandë ibhiina, omanye igha, tootore ukwikoorerra ku-Waryobha. Omanye igha, hano wabhotorra murikyaho ikiina, nkunyoora örë oraibhotorra ikiina uwe umwene. Nkobha ërë igho, ko bhoora ëbhëbhë bhiyö akokora, mbyo uwe wonswe okokora.

Okohonyora 20:12

Nkamaaha abhaku bhonswe igho, abha ibhyeo na bhano bhataana ibhyeo bhaimërëëyë bhöröngë ubhwa ikitumbë ikya ekekama keera. Ho ebhetabho bheno bhyandëkirwë amangʼana agha abhantö bhonswe igho, bhekakondokorwa. Na eketabho ikyëndë kekakondokorwa, eketabho kiyö, n-keera kekobherekerwa igha, Eketabho ikya Öbhöhöru. Abhaku bhakabhotorrwa ibhiina ko okorengʼaana na amangʼana aghaabho ghano ghaandëkirwë mo-bhetabho bhiyö.

1 Peetero 1:7

Amashaasho ghayö, nkokora gharë umukumo ughwënyu ghomaahekane igha, n-gwa heene, kya bhono esahaabhu yonswe ikushaashwa mo-morro. Umukumo ughwënyu ngoona ubhwera obhonene okokera esahaabhu eno ekosareka. Ku bhuyö, Yëësu Kiristo hano ariisha, na ukwiyörökya harabhu igho, narebhakora mukumibhwi, mobhe na ubhuhika, kora mosookwe.

Abharuumi 2:29

Ti-igho hë! Kasi ömöntö ono akosooka Waryobha mo-nkoro iyaaye, uyö we uwaaye. Na esaaro inshiiya, ne-eera iya Umwika Ömöhörëëru akotogheka ömöntö mo-nkoro, tokoghoota amaraghërryö agha Mosa hë. Ömöntö kya uyö takukumibhwa na abhantö hë, kasi Waryobha we akumukumya.

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

Abharuumi 14:4

Uwe toona ubhwera ubhwa okobhotorra ikiina ömököri uwa emeremo uwa ömöntö uwöndë. Omonene uwaaye we amanyirë nyoore ömököri uwaaye uwa emeremo asarri, handë igha tasarri hë. Na ömököri uwa emeremo uyö, noraanyoore akörrë kya bhoora ikutunwa, ko bhoora Omonene Yëësu Kiristo naana obhotoro ubhwa okomokora akore bhono Yëësu Kiristo umwene akutuna.

Yohana 5:44

Bhoono iyakë moraankumi rëndë mbe keno mukutuna n-sinkuma isyënyu abheene ko bheene, kasi sinkuma seno sikurwa ku-Waryobha timukusituna hë?

Yaakobho 4:11

Abhakumya bharikyane, motakaashërëngyanga amangʼana agha bharikyënyu. Ko bhoora ömöntö wowonswe ono akushërëngya amangʼana agha murikyaye, handë okomobhotorra ikiina, uyö nkunyoora arë asërrë amaraghërryö agha Waryobha. Hano oraasere amaraghërryö, uwe tokoghasooka hë, kasi nkunyoora örë wikörrë umwahokania uwa amaraghërryö.

Ruuka 6:37

“Motakaabhotorra abhandë ibhiina, ho na bhëënyu bhonswe motarebhotorrwa ibhiina. Motakaatema abhantö amasoro, ho na bhëënyu bhonswe motaretemwa amasoro. Mwabhere bhano bhakobhasarrya, okore na bhëënyu bhonswe, muushekwabherwa.

Mataayo 24:46

Nyakara omoghorwa ono omonene uwaaye hano araashe, amunyoore arakora kya bhoora yaamoraghërrëëyi.

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.

1 Peetero 5:4

Hano Yëësu Kiristo Omokaraabhërri Omonene uwa ekanisa aremaahekana harabhu igho, murituhwa ituho iya ubhuhika. Ituho eno etakughunda.

1 Abhatësarönikë 5:2

Ko bhoora bhëënyu abheene mmomanyirë igha, urusikö urwa ukuusha ukwa Omonene Yëësu, ndorebhasha abhantö kya hano umwibhi yaasha ubhutikö.

Yohana 21:22

Yëësu akamohonshora igha, “Hano ho oraanyoore nkutuna ndë igha abhe möhöru okohekera hano ndikyora, n-kë këkötönëri ko-ghayö? Uwe onsoorane.”

2 Peetero 3:4

bharaghamba igha, “Kiristo yaaraghaini igha nakaakyörrë! Bhoono heegharë? Ukurwa abhakörö abhëëtö bhaakwa, amangʼana m-buyöbhuyö igho gharë, kya bhono ghaarë ukurwa okosemoka ukwa ekebhara!”

Mataayo 25:23

“Omonene uwaaye akamötëëbhya igha, ‘Ökörrë bhuuya. Uwe omoghorwa, m-möntö uwa heene örë, kora m-moheene örë. Ko bhoora obhaayë omoheene kö-bhëntö ebheke bheno naakötëghëëyë, bhoono nendaakokore obhe umwimërërri uwa ëbhëntö ibhyane ibhyaru. Nshö hano ushomerwe hamwë na öni.’

Yuuda 1:14

Henooko, ömöntö uwa muhungatë ukurwa ko-Adamu, yaaruusiri öbhörööti ko amangʼana agha abhantö bhayö igha, “Maaha, Omonene Waryobha araasha, hamwë na abhamaraika abhaaye abhahörëëru ëbhëkwë ibhyaru, bhano otaatore okobhara,

2 Peetero 3:12

Moghanyenga urusikö urwa Waryobha, kora morokore rwangohe ukuusha. Urusikö ruyö, ighörö iyö haresambwa na omorro hasike. Ëbhëntö bheno bheemo, mbiriyaaya ko okoghera iya rebherera rirörö bhököngʼu.

1 Abhakörintö 15:23

Kasi kera ömöntö ko-nkaagha iyaaye, Yëësu Kiristo we omotangi, bhararoobhera-ko abhantö abhaaye hano ariisha.

1 Abhakörintö 11:26

Momanye igha, hano mwarya omokaate ghono, na ukunywera mo-kekombe keno, hayö nu-ruku urwa Omonene ukunyoora moraraareka okohekera hano ariisha.

1 Abhakörintö 1:7

Ku bhuyö, bhoono timukusuuhwa na ituho yoyonswe igho iya Umwika Ömöhörëëru, ko-nkaagha eno mokeeghanya ukukyora ukwa Omonene uwëëtö Yëësu Kiristo.

Abharuumi 2:7

Abhantö bhano arehaana öbhöhöru ubhwa amakora ghonswe igho, m-mbano bhaana omotono ughwa okokora amangʼana amaiya. Ko bhoora nkutuna bharë ubhuhika, esooko na öbhöhöru bhono bhotakosareka.

Mataayo 24:30

“Ko-nkaagha iyö, ekemanyërryö ikya öni Omoona uwa Ömöntö, nkeremaahekana ighörö iyö, na abhantö abha mu-bhyaro bhyonswe igho, mbarikuura igho, bhashaashaane. Mbaremmaaha öni Omoona uwa Ömöntö ndaasha ndëngë ko-masaarö, neena obhotoro na ubhuhika.

1 Abhakörintö 3:8

Umwëmya na umwëtërri uwa amanshë, m-bamwë bhayö, kasi kera ömwë uwaabho, narituhwa ko okorengʼaana na inyanko iyaaye.

Mataayo 25:21

“Omonene uwaaye akamötëëbhya igha, ‘Ökörrë bhuuya. Uwe omoghorwa, m-möntö uwa heene örë, kora m-moheene örë. Ko bhoora obhaayë omoheene kö-bhëntö ebheke bheno naakötëghëëyë, bhoono nendaakokore obhe umwimërërri uwa ëbhëntö ibhyane ibhyaru. Nshö hano ushomerwe hamwë na öni.’

Mataayo 10:26

Mbe, Yëësu akabhatëëbhya igha, “Motakoobhoha abhantö, ko bhoora ëkëntö kyokyonswe igho keno kikundikiriibhwi, nkerekondokorwa, na kyokyonswe keno kibhisirwë, nkeremaahwa.

Yohana 21:23

Mbe, amangʼana ghayö ghakaromaana mo-bharikyaye igha, umwegha uyö tarikwa hë. Kasi Yëësu tiyaaghambirë igha tarikwa hë, kasi keno yaaghambirë ni-igha, “Nyoore nkutuna ndë igha abhe möhöru okohekera hano ndikyora, uwe n-kë këkötönëri?”

1 Abhakörintö 3:14

Hano omoremo ughwa ömöntö ghörëhëtibhwa mo-morro ghotame, ömöntö uyö narituhwa.

1 Abhakörintö 11:16

Kasi hano ömöntö wowonswe araatune okorya senkaani ko amangʼana ghayö, amanye igha, bhëëtö tetoona eteemo iyëndë hë, kora amakanisa agha Waryobha, teghaana eteemo iyëndë hë.

Yaakobho 5:9

Abhakumya bharikyane, motakaatemananga amasoro motakaasha okobhotorwa ikiina. Motamaaha! Umwahokania ono arebhotorra abhantö bhonswe igho ibhiina ibhyabho, haangʼë arë akyore.

2 Abhakörintö 10:9

Tinkutuna igha, mmaahekane kö-bhëënyu igha, nkutuna ndë ököbhööbhöhërrya okohetera ko-matashandighi aghaane.