1 Abhakörintö 3:8 - Imuuma Eehya

⁸ Umwëmya na umwëtërri uwa amanshë, m-bamwë bhayö, kasi kera ömwë uwaabho, narituhwa ko okorengʼaana na inyanko iyaaye.

1 Abhakörintö 3:8 Referans Kwoze

Abharuumi 2:6

Urusikö ruyö, Waryobha narehaka kera ömöntö okorengʼaana na ghano yaakora.

2 Yohana 1:8

Mbe, ku bhuyö ni-igha mwiyangarrenga, okore omotono ughwënyu ughwa okokorra Waryobha emeremo, ghotakaaheta bhosa igho. Kasi omotono ughwënyu ghuyö, ghobhareetere ehoorohooro iya okobhaisa, eno ikurwa ku-Waryobha.

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Okohonyora 22:12

Yëësu araghamba igha, “Itegherra! M-böngö ndaashe. Nkuusha ndë na rihaki irya kera ömöntö, ko okorengʼaana na bhono yaakora.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

1 Peetero 5:4

Hano Yëësu Kiristo Omokaraabhërri Omonene uwa ekanisa aremaahekana harabhu igho, murituhwa ituho iya ubhuhika. Ituho eno etakughunda.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

Abhagharatia 6:4

Kasi kera ömöntö aiyitaahe umwene eteemo iyaaye. Hano oraanyoore na-mangʼana amaiya akokora, hayö aratora ukwikumya ko amangʼana amaiya ghayö akokora, atakairengʼania na ghano abhandë bhakokora.

1 Abhakörintö 3:14

Hano omoremo ughwa ömöntö ghörëhëtibhwa mo-morro ghotame, ömöntö uyö narituhwa.

1 Abhakörintö 3:9

Nkoghamba ndë igho ko bhoora bhëëtö m-baköri abha emeremo abha Waryobha törë, na ömöghöndö ughwa Waryobha, m-bëënyu, kora m-bëënyu inyumba iyaaye.

Okohonyora 2:23

Ghwiki obhoheene ni-igha, nendaaite abhasoorani abhaaye. Hayö ho abhantö abha ekanisa bhareemanya igha, öni nkwitaaha ndë enkoro na amaitegherro agha ömöntö. Nendehaka kera ömöntö mö-bhëënyu, ko okorengʼaana na ghano yaakora.

1 Abhakörintö 3:7

Mbe, momanye igha, umwëmya të-këntö hë, kora na umwëtërri uwa amanshë, wonswe të-këntö hë, kasi ekenene n-Waryobha ono akukiinia.

1 Abhakörintö 4:15

Mokaabha na abhëëghya ëbhëkwë ikömi, abha ököbhëëghya amangʼana agha Yëësu Kiristo, kasi bhasuwëënyu, te-bhaaru hë. Kasi suwëënyu ko amangʼana agha Yëësu Kiristo nö-öni, ko bhoora nö-öni naabharaarëkëëyë Amangʼana Amaiya.

1 Abhakörintö 9:7

M-musirikare kë ono akwironerra umwene ukughya ku-riihë, na ehoorohooro iyaaye umwene? M-mörëmi kë ono akwëmya emezabhibhu, aanga okorya sehagho isyaghyo? Handë m-monaghya kë uwa situgho ono akwanga ukunywa amabheere agha situgho siyö?

Abhagharatia 6:5

Ko bhoora ni-igha, kera ömöntö naryeteeka umurigho ughwaye umwene.

Ruuka 19:19

“Omonene akamötëëbhya igha, ‘Uwe wonswe ndakohaana ubhwera ubhwa ukwimererra imighi etaano.’