1 Abhakörintö 2:10 - Imuuma Eehya

¹⁰ Kasi bhëëtö, Waryobha yaatorahorra amangʼana ghayö okohetera ku-Mwika Ömöhörëëru. Ko bhoora Umwika Ömöhörëëru nkwitaaha arë ghonswe igho, kora ibhibhisirë ibhya Waryobha.

1 Abhakörintö 2:10 Referans Kwoze

Yohana 14:26

Kasi Ömötöörrya uyö, Umwika Ömöhörëëru uyö, ono Taata araatome kö-bhëënyu okohetera ku iriina iryane, naraabhëëghi ghonswe igho, kora abhahiitöki ghonswe igho ghano naabhatëëbhëri.

Abhaëfësö 3:5

Ësëëmyö iyö, tiyaarenga eraahonyorwa ko-rekora ryoryonswe reera hë, kasi bhoono Waryobha aghëhönyööyë ko-bhantö bhano yaahora igha bhabhe abhatomwa abhaaye, na ko abharööti abhaaye. Abhahönyörrëëyë okohetera Umwika Ömöhörëëru.

Ruuka 10:21

Hayö na hayö igho, Umwika Ömöhörëëru akaghera Yëësu ashomerwe bhököngʼu, kora akaghamba igha, “Taata, nu-uwe nkukumya, ono örëngë Omonene uwa kera ëkëntö mu-ryobha iyö, na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake. M-maheene Taata waakörrë igho ko bhoora ni-igho waatunirë igha ebhe.”

Abhaëfësö 3:3

Waryobha yaanhönyörrëëyë ësëëmyö iyaaye, kya bhuyö mbandëkëëyë hake igho.

Abhagharatia 1:12

Ko bhoora taaho ömöntö ono yaaghangʼaayë hë, kora të-möntö wowonswe igho yaanyörökërrëëyi hë. Kasi Yëësu Kiristo umwene we yaanhönyörrëëyë.

Mataayo 16:17

Yëësu akatëëbhya Peetero igha, “Uwe Simööni mura uwa Yoona, wangʼoorwa, ko bhoora taaho ömöntö ono aköhönyörrëëyë ghayö, kasi n-Taata uwa mu-ryobha, we aköhönyörrëëyë.

Mataayo 13:11

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye.

Yohana 16:13

Kasi Umwika uwa heene oora hano ariisha, narebhahonyorra amangʼana agha obhoheene bhonswe igho. Narekora igho ko bhoora tareghambanga ko bhono umwene akutuna hë, kasi nareghambanga ghano urinyoranga araighwa, narebhatëëbhya kora na amangʼana ghano gharebha mbere iyö.

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

1 Yohana 2:27

Kasi bhëënyu, Yëësu Kiristo yaabhahaana Umwika Ömöhörëëru, ono akwikara mö-bhëënyu. Uyö we aköbhöörökërrya ghonswe igho, na amëëghyö aghaaye na-agha obhoheene, te-agha obhorongo hë. Ku bhuyö, taaho ömöntö uwöndë uwa ököbhöörökërrya, kya bhono Umwika aköbhëëghya, möghëndërri okobha na öbhömwë na Yëësu Kiristo.

1 Abhakörintö 2:11

Taaho ömöntö ono akotora okomanya ghano ömöntö uwöndë akwitegherra. Kasi enkoro iyaaye iyeene igho, yo eghamanyirë. Ni-ighoigho igha, amangʼana agha Waryobha, taaho ono aghamanyirë hë, Umwika uwa Waryobha umwene igho we aghamanyirë.

1 Yohana 2:20

Kasi bhëënyu, Yëësu Ömöhörëëru yaabhahaana Umwika uwaaye, bhoono bhëënyu bhonswe igho, mmomanyirë obhoheene.

1 Abhakörintö 14:30

Kasi hano uwöndë ono aikaayë araahonyorrwe engʼana, uwa mbere oora, ni-igha akire.

Ruuka 2:26

Okanyoora Umwika Ömöhörëëru amötëëbhëri igha, tarikwa igho atarööshë Kiristo uwa Omonene Waryobha.

Okohonyora 1:1

Kono no-kohonyora ukwa Yëësu Kiristo. Waryobha yaahaayë Yëësu Kiristo okore ööröki abhaköri abha emeremo abhaaye amangʼana ghano heene ghakaangöhirë ukwikora. Yëësu wonswe akatëëbhya maraika uwaaye ahonyorre Yohana, ömököri uwaaye uwa emeremo.

1 Timoteo 4:1

Bhoono Umwika Ömöhörëëru nkoghamba arë amangʼana aharabhu igho igha, hano sinsikö isya umuhiko sirihika, abhantö abhandë mbaritigha umukumo ughwa heene, bhaghoote-ko amëëghyö agha obhorongo agha amasambwa.

Okohonyora 2:24

Kasi bhaaho abhantö abhandë abha heene mö-bhëënyu Tiyatira hayö. Abhantö bhayö tebhakosoorana amëëghyö agha Yëzëbhëëri hë, kora tebhamanyirë ëbhëntö bhiyö abhandë bhakoghamba igha ni-bhibhisirë ibhya mönsë. Kasi obhoheene ni-igha, ibhibhisirë bhiyö, na-mëëghyö agha Oghosambwa. Bhëënyu keno nkobhatëëbhya ni-igha, tëmbëngëri umurigho ughwöndë hë,