1 Abhakörintö 13:2 - Imuuma Eehya

² Ghwiki nekaabha na obhotoro ubhwa ukuruusya öbhörööti, kora mmanye imbumbure na amangʼana ghonswe igho, nenkaabha na umukumo omonene, ughwa okotora okongʼaanya singuku, kasi nyoore ntaana righonshe, m-bosa.

1 Abhakörintö 13:2 Referans Kwoze

1 Yohana 4:8

Kasi ömöntö wowonswe igho ono atahanshirë bharikyaye, uyö tamanyirë Waryobha hë, ko bhoora Waryobha we arëngë righonshe.

1 Abhakörintö 13:3

Ghwiki kora nenkaghegha ëbhëntö ibhyane nhaane abhatöbhu, handë niiruusi öni umwene nsambwe mo-morro, kasi nyoore ntaana righonshe, m-bosa.

Mataayo 17:20

Umwene akabhahonshora igha, “Umukumo ughwënyu m-moke, ngo ghöghërrë mwakerwa ukwata risambwa. Kasi hano mokaabhaayë na umukumo ghongʼana kya akabhusiro aka omoharadaari, mokaatëëbhëri inguku eno igha, ‘Eheka urwe hano oghende haara,’ nekaaruurë-ho. Tekaabhaayë-ho engʼana nköngʼu kö-bhëënyu hë. [

1 Abhakörintö 16:22

Ömöntö wowonswe ono atahanshirë Omonene Yëësu Kiristo, aihiimwe. Maranata!

Mataayo 21:21

Yëësu akabhahonshora igha, “No-bhoheene nkobhatëëbhya igha, hano moraabhe na umukumo ghono ghotaana entarëki, te-ghayö agheene igho moraakore hë. Kasi moratora ökötëëbhya inguku eno igha, ‘Iheka wirekere mu-nyansha,’ na ni-igho eraabhe.

Abhaëfësö 3:4

Hano moraasome amangʼana ghayö mbandëkëëyë, moratora okomanyërrya kya bhono öni manyirë ësëëmyö iyö, iya amangʼana agha Yëësu Kiristo.

1 Abhakörintö 13:1

Nenkaghamba ko-bheghambo ibhya abhantö, handë ibhya abhamaraika, kasi hano ntaana righonshe, m-bosa, obhoghambi ubhwane bhuyö, n-kituri kya bhosa igho, tebhoona moremo hë.

Abhagharatia 5:16

Mbe, keno nkobhatëëbhya ni-igha, eteemo iyëënyu etangatwenga na Umwika Ömöhörëëru. Hano moraakore igho, temohanshe oronamba urwa ikisheema urwa ömöbhërë.

Abhakorosaai 1:26

Engʼana iyö iya ikibhisirë, yaabhisirwë ukurwa kare, amakora ghonswe igho. Kasi bhoono yatoorwa harabhurabhu igho ko-bhantö abha Waryobha.

Abhagharatia 6:3

Mbe, ömöntö wowonswe igho ono akwimaaha igha naana ubhwera okokera abhandë, uyö taana ubhwera bhwobhwonswe bhoora hë. Ömöntö kya uyö, nkwingʼaina arë.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

1 Abhakörintö 12:28

Abhatomwa mbo Waryobha yaatoora mo-kanisa abha mbere, abha kabhërë abharööti, abha katatö abhëëghya. Ghwiki yaatoora-mo bhano bhakokora amakono, na abha ituho iya ukuhwënia abharööyë, na abha ökötöörrya abhandë, na bhano bhakotangata bharikyabho, na abha ituho iya okoghamba ebheghambo ebhehya.

1 Abhakörintö 7:19

Okosaarwa handë ukwanga okosaarwa te-ngʼana hë. Kasi ekenene, no-koghoota amaraghërryö agha Waryobha.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Abhaëfësö 6:19

Monsaasaamere na öni wonswe, okore Waryobha angʼaane amangʼana amaiya agha okoghamba enkaagha yoyonswe igho, eno ukunyoora ndashumaashera amangʼana agha Yëësu Kiristo, ndaghërri abhantö kö obhokarë, obhoheene bhono bhörëngë mo-Mangʼana Amaiya, bhaghamanye.

1 Abhakörintö 4:1

Mbe, abhantö bhamanye igha, bhëëtö m-baköri abha emeremo abha Yëësu Kiristo törë, abharaarëki abha amangʼana agha ibhibhisirë ibhya Waryobha.

Abharuumi 16:25

Bhoono ni-igha tötööni Waryobha! Ko bhoora we nkotora arë okobhakora mobhe na umukumo ghono ghonaghirë, okohetera ko Amangʼana Amaiya agha Yëësu Kiristo ghano naabharaarekera, agha ësëëmyö iya Waryobha eno yaarenga ibhisirwë ukurwa kare.

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

Mataayo 21:19

Akamaaha ömötë ghono ghokobherekerwa igha umutiini, ghörëngë haangʼë na enshera. Akaghusuntarra, kasi ehagho tiyaare-ko hë, na-matö agheene igho yaarööshë-ko. Akaihiima ömötë ghuyö igha, “Turyama röndë sehagho hë.” Kamwë igho, ömötë ghuyö ghokooma.

Mataayo 13:11

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye.

2 Abhakörintö 12:11

Ngambirë igho kya omokangi, ko bhoora bhëënyu m-bëënyu möghërrë ngambirë kya omokangi. Ko bhoora yaarenga igha bhëënyu munkumi. Nokaanyoora igha tiningʼarëëyi hë, kasi öni te-moke ndë, okokera bhayö bhakwihasha igha, “M-batomwa abhanene.”

1 Abhakörintö 14:39

Ko okoghera iya amangʼana ghayö, abhakumya bharikyane, ni-igha mokore omotono ughwa ukuruusya öbhörööti, kora ekeghambo ekehya motakaakerebherra.

1 Abhakörintö 8:4

Mbe, ko amangʼana agha okorya ibhyakorya bheno bhimwënsëywë ëbhëtöndö, ntomanyirë igha, ëbhëtöndö, tebheena engʼana ko-kebhara kono hë, na Waryobha nö-ömwë igho.

Amangʼana agha Abhatomwa 13:1

Mbe, mo-kanisa eno yaarenga Antiökia, bhaare-mo abharööti na abhëëghya. Abhantö bhayö, m-baabho Bharinaabha, Simeoni ono yaabherekerwanga Nighëri, Ruukiyö, ono yaarwërëëyë Kirene, Sauri, na Manaëni ono yaakiinirë hamwë na omokama Herode Antipa.

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

1 Abhakörintö 11:4

Kera umushaasha hano yasaasaama Waryobha, handë hano yaghamba amangʼana agha öbhörööti, na eno akundikiiyi ëkëntö ko-motwe, uyö no-motwe ughwaye akösöökya, omotwe ughwaye ghuyö, n-Kiristo.

1 Abhakörintö 13:8

Righonshe terekotemboka hë. Kasi hano oraanyoore öbhörööti bhooho, nkusika bhörë, hano oraanyoore ebheghambo ebhehya bheeho, nkusika bhërë, hano oraanyoore obhomanyi ubhwa amangʼana bhooho, nkusika bhörë.

1 Abhakörintö 14:4

Ömöntö ono akushumaasha ekeghambo ekehya, uyö nu-mwene akwihaghaasha. Kasi ono akuruusya öbhörööti, uyö na-Bhakiristo bharikyaye akohaghaasha.

1 Abhakörintö 14:29

Abharööti bhonswe bhashumaashe bhabhërë handë bhatatö, abhandë bhaitaahe amangʼana ghayö bhakoghamba.

1 Abhakörintö 15:51

Bhoono tigha mbarome ökötwë, te-bhonswe igho turikwa hë, kasi nturisyöribhwa bhonswe igho.