1 Abhakörintö 12:3 - Imuuma Eehya

³ Ku bhuyö nkutuna ndë bhëënyu momanye igha, taaho ömöntö ono akotangatwa na Umwika uwa Waryobha, amare aghambe igha, “Yëësu aihiimwe.” Ghwiki ömöntö ono atakotangatwa na Umwika Ömöhörëëru uwa Waryobha, takotora okoghamba igha, “Yëësu we Omonene.”

1 Abhakörintö 12:3 Referans Kwoze

2 Abhakörintö 3:5

Tërëngë igha nkokanya törë igha, kyokyonswe keno tokokora, n-ko obhotoro ubhwëtö abheene, a a, n-ko obhotoro ubhwa Waryobha.

Abharuumi 10:9

Kora haangʼë ërë na uwe, ko bhoora hano oraaghambe na umunywa ughwaho uwe umwene igha, Yëësu m-Monene, na ukumi mo-nkoro iyaaho igha Waryobha yaamuryökëri ukurwa mo-bhaku, noraatööribhwi na Waryobha.

Yohana 13:13

Bhëënyu moramberekera igha, ‘Umwëghya,’ ghwiki moramberekera igha, ‘Omonene.’ M-buuya mokokora okomberekera igho, ko bhoora ni-igho ndë.

1 Abhakörintö 8:6

kasi kö-bhëëtö, Waryobha nö-ömwë igho, kora we Taata uwëëtö. Uyö we yaabhömbirë ëbhëntö bhyonswe igho. Kora öbhöhöru ubhwëtö ntonabho okore tutighinkanerenga Waryobha. Kora aaho Omonene ömwë igho, uyö we Yëësu Kiristo, ëbhëntö bhyonswe igho mbyaabhömbirwë okohetera ku-uyö, na öbhöhöru ubhwëtö nku-uyö bhokohetera.

Yohana 15:26

“Nentoma Ömötöörrya kö-bhëënyu, Ömötöörrya uyö we Umwika Ömöhörëëru ono akohonyorra abhantö bhonswe igho obhoheene. Nko-Taata akurwa, hano arihika, narimererra obhoheene ubhwa amangʼana aghaane.

Mataayo 22:43

Ghwiki Yëësu akabhabhöörya-ho engʼana iyëndë igha, “Nyoore ghayö m-maheene, n-kwakë Umwika Ömöhörëëru yaatangatirë Daudi akabherekera Kiristo igha, ‘Omonene’ uwaaye? Ko bhoora Daudi yaaghambirë igha,

Maariko 9:39

Kasi, Yëësu akamohonshora igha, “Hano mörööshë ömöntö kya uyö, motakaamokaania. Taaho ömöntö ono araakore amakono ku iriina iryane, amare ghwiki angambe bhoghogho.

1 Abhakörintö 16:22

Ömöntö wowonswe ono atahanshirë Omonene Yëësu Kiristo, aihiimwe. Maranata!

2 Abhakörintö 11:4

Ngambirë igho, ko bhoora igha, bhëënyu m-bangö mörë abha ukwikërrya amangʼana agha ömöntö ono akuusha okoraareka amangʼana agha Yëësu, ghano ghatarengʼaini na ghano twaabharaarëkëëyë. Ghwiki nkwikërrya mörë umwika uwöndëwöndë igho, handë amangʼana aghandë igho ghano ghatakorengerrania na ghano mwaaikërëëyi ekembere ukurwa kö-bhëëtö.

Abharuumi 9:3

ko okoghera iya abhantö abha ikyaro ikyëtö. Ekaabhaayë-ho enshera, öni nenkaaikërëëyi nihiimwe, ntighane na Kiristo, okore abhantö abha ikyaro ikyëtö, bhakumi Yëësu Kiristo.

Okohonyora 1:10

Mbe, Umwika Ömöhörëëru akanyitoomera urusikö nyabhorebhe urwa Omonene Yëësu. Kamwë igho, nkaighwa nyuma iyaane iyö, engamba enene kya iya orotera.

Abhagharatia 3:13

Kiristo yaatutungurya ukurwa mu-riragha irya amaraghërryö, yaakörrë igho, ko okoghegha riragha riyö ko okoghera iya bhëëtö, ko bhoora Amaandeko Amahörëëru gharaghamba igha, “Ömöntö wowonswe igho ono ahanëkirwë ko-mosarabha, yaihiimwa.”

Yohana 13:14

Öni, nu-Mwëghya uwëënyu ndë, kora no-Monene uwëënyu ndë. Hano okomaaha mbaisaabhëri amaghörö, ku bhuyö na bhëënyu bhonswe, mobhenga moraisabhania amaghörö.

Amangʼana agha Abhatomwa 8:37

Firipö akamohonshora igha, “Nendaakobhatiisi hano oraakumi Yëësu Kiristo ko nkoro iyaaho yonswe igho.” Umwene wonswe akamohonshora igha, “Nkukumia ndë igha, Yëësu Kiristo, m-Moona uwa Waryobha.”]