1 Abhakörintö 1:9 - Imuuma Eehya

⁹ Waryobha nu-uwa heene, yaabhabherekera, okore mobhe na öbhömwë na Omoona uwaaye, Yëësu Kiristo Omonene uwëëtö.

1 Abhakörintö 1:9 Referans Kwoze

2 Abhatësarönikë 3:3

Kasi Omonene Yëësu uwa heene, naraabhatogheke na abharende motakaanyoorwa na mangʼana agha Omoghogho oora.

Abhaëbhuraania 10:23

Tonaghi ubhweseghe ubhwëtö bhono twaaikërëëyi, ko bhoora Waryobha ono yaaraghania, n-wa heene.

1 Yohana 1:3

Uyö twaamaaha na ukumwighwa, we tokobharaarekera amangʼana aghaaye. Torabharaarekera, okore mobhe na öbhömwë na bhëëtö ubhwa ukumukumya. Bhëëtö ntoona öbhömwë na Taata Waryobha, bhaana Omoona uwaaye Yëësu Kiristo.

1 Abhakörintö 10:13

Amashaasho ghano mwaanyoora, n-kya ghano abhantö abhandë bhakunyooranga. Kasi momanye igha, Waryobha uwa heene, taatighe mushaashwe okokera obhotoro ubhwënyu. Hano mwashaashwa, Waryobha nkobhahaana arë obhotoro ubhwa ököghömërrya na enshera iya ukurwa-mo.

Abharuumi 8:28

Ntomanyirë bhuuya igha, Waryobha nkokora arë amangʼana amaiya hamwë na abhantö bhano bhamohanshirë, bhano yaabherekera ko okohansha ukwaye umwene.

Okohonyora 19:11

Hano ghayö ghaahööyë, nkamaaha mu-ryobha haighökirë. Nkamaaha efaraasi endabhu. Ono yaaikaayë-ko, yaabherekerwanga igha, “Uwa heene” na “Uwa Obhoheene.” Nkobhotora arë ibhiina na ukwitana riihë ubhwa heene.

1 Yohana 1:7

Kasi hano oraanyoore mo-bhorabhu tömënyirë, kya bhono Waryobha amënyirë-mo, hayö ntoraabhe na öbhömwë bhëëtö abheene ko bheene. Kora hayö ho ukunyoora amaanyinga agha Omoona uwaaye Yëësu Kiristo gharatosaabhuura ëbhëbhë ibhyëtö bhyonswe igho.

2 Abhakörintö 1:18

Kasi ko bhono Waryobha arëngë uwa obhoheene, amangʼana ghano twaabhatëëbhëri, teghaarenga agha ömöntö ukwikërrya igha “Yëë,” ghwiki atema hayö aanga igha “A a.”

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.

1 Yohana 4:13

Bhëëtö ntoona öbhömwë na Waryobha, umwene wonswe naana öbhömwë na bhëëtö. Ntomanyirë igho, ko bhoora yatohaana Umwika uwaaye.

Abhaëbhuraania 11:11

Umukumo, ghwaaghërrë Saara akanyoora obhotoro ubhwa ukwimokya enda, nokaanyoora yaarenga aghötirë. Iyö, m-boora yaamanyirë igha, Waryobha ono yaamoraghaini, n-wa heene.

Abharuumi 9:24

Mo-bhantö bhano Waryobha yaabhërëkëëyë, kora na bhëëtö bhonswe mmötörë. Te-Bhayahudi abheene igho igha mbo yaabhërëkëëyë hë, kasi kora Abhakyaro bhonswe.

Abharuumi 8:30

Ku bhuyö abhantö bhano yaashaaghööyë, mbo yaabhërëkëëyë, akabhabhara igha m-ba heene, kora akabharaghania igha, narebhahaana ubhuhika.

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Abhaëbhuraania 3:14

Ku bhuyö nkoghootana törë hamwë na Yëësu Kiristo, hano twesegha Waryobha kya bhono twaamukumiri, tokamwesegha, töghëndërri ighoigho na okohekera ku-muhiko.

2 Abhatësarönikë 2:14

Waryobha yaabhabhërëkëëyë, okore munyoore öbhötöörya bhuyö okohetera ko Amangʼana Amaiya ghano twaabharaarëkëëyë. Abhabhërëkëëyë okore munyoore ubhuhika ubhwa Omonene uwëëtö Yëësu Kiristo.

Yohana 17:21

Ndasabha igha, abhantö bhayö bhonswe igho, bhabhe ëkëntö ëkëmwë, kya bhono uwe Taata örëngë ëkëntö ëkëmwë na öni, na kya igho öni wonswe ndëngë ëkëntö ëkëmwë na uwe. Ghwiki ndasabha igha, abheene bhonswe bhabhe ëkëntö ëkëmwë na bhëëtö, okore abhantö abha ko-kebhara kono bhakumi igha, nu-uwe waantoma Taata.

Tiito 1:2

na mboraabhahaane ubhweseghe ubhwa öbhöhöru ubhwa amakora ghonswe igho. Waryobha ono atakorongoha, we yaaraghaini öbhöhöru bhuyö, kora ekebhara ketaraabhombwa.

Abhaëfësö 3:6

Ësëëmyö iya Waryobha ni-igha, umwandö n-gömwë Abhakyaro bhakosanga na Abhayahudi. Abhantö bhonswe igho bhano bhakukumya Amangʼana Amaiya, bhabhaayë kya ömöbhërë öghömwë, kora nkosanga bharë riraghano reerareera, reno Waryobha yaakörrë okohetera ku-Kiristo Yëësu.

Abhaëbhuraania 6:18

Mbe, maaha igha, bheeho ëbhëntö bhibhërë bheno Waryobha yaakora, okoraghania na ukutyana, ku bhuyö tariisyörya ghwiki hë, ko bhoora we te-morongo hë. Bhoono bhëëtö bhano twamongʼosera-ko, tobhe na obhokarë ubhwa ukwesegha amangʼana ghano ghakuusha.

Abhaëbhuraania 3:1

Mbe, bhëënyu abhakumya abhahörëëru bharikyane, bhano Waryobha yaashaaghora igha mobhe abhantö abhaaye, mwitegherre bhuuya amangʼana agha Omotomwa Yëësu Kiristo, ono arëngë Omonene uwa abhasëngëri uwa umukumo ghono tukwikërrya.

Abhaëbhuraania 2:17

Ku bhuyö kiyö nkyo kyaaghërrë akabha kya abhahiiri abhaaye, ko amangʼana ghonswe igho, okore abhe Omonene uwa abhasëngëri uwa ikyabhera ono arëngë uwa heene ko okokora emeremo ighya Waryobha. Ömösëngëri uyö, we yaakörrë ikimwenso, okore abhantö bhaabherwe ëbhëbhë ibhyabho.

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.

Mataayo 24:35

Ekebhara na ighörö iyö, mbereheta, kasi amangʼana aghaane, ngarëghëndërrya okobha-ho igho kughya iyö.”

Abhagharatia 1:15

Kasi Waryobha yaanshaaghööyë kora ntareebhorwa, kö örööbhö urwaye, akamberekera, akamaaha igha,

1 Abhakörintö 10:16

Hano twakumya Waryobha ko okoghera iya ekekombe ikya obhongʼoore keera, hayö ta-maanyinga agha Yëësu Kiristo ukunyoora torasanga? Omokaate ghono tokobhotora, hayö tö-möbhërë ughwa Yëësu Kiristo ukunyoora torasanga?

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

Abharuumi 11:17

Amasagharya aghandë ghaagheeshwa, na bhëënyu bhano monga kya Ëmëzëituuni ighya mwi-sisi mokaroobhwa-ko, okore mosange hamwë na amasagharya agha ömözëituuni ghono ghotarë ughwa mwi-sisi.

1 Abhatësarönikë 2:12

Ntwaabhatoghekanga mo-senkoro, torabhatërëmya na okobhakangʼasërrya, okore igha, mokore ghano Waryobha ahanshirë. Waryobha uyö, we akobhabherekera okore mosohe mo-Bhokama na mu-bhuhika ubhwaye.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

2 Timoteo 2:13

Hano toraange okobha abhantö abha heene ku-Yëësu, umwene nköghëndërrya arë okobha ömöntö uwa heene, ko bhoora igha, umwene taatore ukwikaana hë.”