1 Abhakörintö 1:5 - Imuuma Eehya

⁵ Ko okobha na öbhömwë na Yëësu Kiristo, mwamëhirë ko obhoghambi bhwonswe igho, na ko obhongʼaini bhwonswe igho.

1 Abhakörintö 1:5 Referans Kwoze

2 Abhakörintö 9:11

Moraamëhibhwi kö-bhëntö ibhyaru, okore möghëndërri okobha abhantö abha ökösërëënia abhantö abhandë nkaagha syonswe igho. Hayö ho abhantö bharaakumi Waryobha ko okoghera iya ëbhëntö bheno tokobhaherra.

2 Abhakörintö 8:7

Bhëënyu m-baamë mörë abha bhyonswe igho, m-baamë mörë abha umukumo, obhoraarëki ubhwa engʼana, obhomanyi, omotono na righonshe iryënyu kö-bhëëtö, ni-ighoigho tukutuna kora igha mobhe abhaamë abha enkoro iya okokora igho.

Abhakorosaai 2:3

Ku-Yëësu nko emongo iya imbumbure yonswe igho iya obhongʼaini na obhomanyi ërëngë.

Abhafiripi 1:9

Nkobhasabhera ndë ku-Waryobha igha, righonshe iryënyu rëghëndërri ukwaruha bhököngʼu, kora mobhe na obhongʼaini na okomanya amangʼana,

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

Yaakobho 3:13

Mbe, nyoore aaho ömöntö mö-bhëënyu ono aana obhongʼaini, ono amanyirë amangʼana, ömöntö uyö ööröki abhantö okomanya ukwaye na obhongʼaini ubhwaye ko okokora amangʼana amaiya. Aihoote ubhwihöötu bhono bhukwörökya abhantö obhongʼaini bhono aanabho.

Abhakorosaai 3:10

bhoono mwaghöötirë-ko eteemo eehya. Waryobha umwene yaabhömbirë eteemo eehya iyö, kora nköghëndërrya arë kobhakora mutuubhane nawe bhököngʼu, okore momomanye bhuuya.

Abhaëfësö 6:19

Monsaasaamere na öni wonswe, okore Waryobha angʼaane amangʼana amaiya agha okoghamba enkaagha yoyonswe igho, eno ukunyoora ndashumaashera amangʼana agha Yëësu Kiristo, ndaghërri abhantö kö obhokarë, obhoheene bhono bhörëngë mo-Mangʼana Amaiya, bhaghamanye.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

1 Abhakörintö 12:8

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Abhaëfësö 2:7

Waryobha yaakörrë ghayö, okore aashe ukwörökya ekebhara ubhwamë ubhwa örööbhö urwaye, rono rotakorengʼaanibhwa na kyokyonswe keera ko amaabhë aghaaye, kö-bhëëtö bhano toona öbhömwë na Kiristo Yëësu.

1 Abhakörintö 13:2

Ghwiki nekaabha na obhotoro ubhwa ukuruusya öbhörööti, kora mmanye imbumbure na amangʼana ghonswe igho, nenkaabha na umukumo omonene, ughwa okotora okongʼaanya singuku, kasi nyoore ntaana righonshe, m-bosa.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

1 Abhakörintö 14:26

Mbe, bhoono abhakumya bharikyane, iyakë nkaghamba? Hano mwasikana hamwë, igha kera ömöntö aana rirëëtyö, aana amëëghyö, aana obhohonyoro, aana ekeghambo ekehya, aana esesoro. Amangʼana ghayö ghonswe igho, ni-igha ghakorwe ko okoghera iya okohaghaashana.

1 Abhakörintö 13:8

Righonshe terekotemboka hë. Kasi hano oraanyoore öbhörööti bhooho, nkusika bhörë, hano oraanyoore ebheghambo ebhehya bheeho, nkusika bhërë, hano oraanyoore obhomanyi ubhwa amangʼana bhooho, nkusika bhörë.

1 Abhakörintö 12:10

Nkohaana arë uwöndë obhotoro ubhwa okokora amakono, na uwöndë öbhörööti ubhwa amangʼana ghano ghakurwa ku-Waryobha. Uwöndë obhomanyi ubhwa amangʼana igha, ghano nku-Mwika Ömöhörëëru gharuurë, handë igha nku-risambwa gharuurë. Uwöndë amohaana ituho iya okoghamba ebheghambo ebhehya. Uwöndë amohaana ituho iya okosesora ebheghambo bhiyö.

1 Abhakörintö 8:11

Maaha mbe, umukumya murikyaho uyö, nyamukumo mötëntëëru ono Yëësu Kiristo yaakwërëëyë, nasira ko okoghera iya obhomanyi ubhwaho bhuyö.

Abharuumi 15:4

Amangʼana ghonswe igho ghano ghaandëkirwë kare, ngaandëkirwë, okore ghatwëghi ököghömërrya inyanko. Amaandeko ghayö nkotohaana gharë ubhweseghe.

Abharuumi 11:12

Bhoono hano okomaaha igha, Abhakyaro bhaamëhirë bhököngʼu ko bhoora Abhaisiraëri bhaangirë Ömötöörya, mbe, nerebha-ho ehoorohooro enene, hano Abhaisiraëri bhonswe, bharikërrya Ömötöörya.

Amangʼana agha Abhatomwa 2:4

Abhantö bhayö bhonswe igho, bhakaishöribhwa Umwika Ömöhörëëru, bhakasimya okoghamba ebheghambo ebhehya, kya bhono Umwika Ömöhörëëru yaabhahaayë obhotoro bhuyö.

2 Abhakörintö 6:10

Ntörëngë kya abhantö bhano bhabhaabhayëëyë, kasi nkushomerwa törë sinsikö syonswe igho. Ntonga kya abhatöbhu, kasi m-baaru tukwamëhya. Ntörëngë kya bhano totaana ëkëntö, kasi ëbhëntö bhyonswe igho, ntoonabhyo.