Yudaa 1:8 - NQAARIIT NE ROOG

⁸ Neene boog, wiin weene itam kaa ndeefaa xa koɓong den, a yaqaa ƭool den, a sibaa sañ-sañ fee Roog, soo a mbenaa we njegna o ndam na asamaan.

Yudaa 1:8 Referans Kwoze

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

1 Piyeer 2:17

Niwyo wiin we fop, mbex o fog ole no gimu we, saɗar a Roog, too niw o maad oxe.

1 Timote 1:10

Weeke itam a mboga teen: We na seeqaa, goor we na mbesanraa a ndeer den, we na ngignaa xa teɓandoong, maamaaɓ we fo we na seede’aa na xa maaƥ. Fop ke guutatirna fo a cangin a ñoow ale a foga teen.

A pi ake 23:5

Maaga, Pool a doona a den ee: «Fog we, mi kat and’iim ee o saasadax o maak oxe yoo. Mee ndax a Pind a Tedu ke sax a laya yee: Laykiro a kelfa fee na xeet of kaa faaxeerna.»

O baawaare xe 10:20

Ba o saloox o maad, baa ref no yiif of sax, too kam a ndok a pe’el of sax, ba o saloox o kiin o maak, yaam ndiiƭ ne na yetaa a waaga ɓis fangax le, ke jegna a nafir a jeepeet fa lay of.

A sutax ale 22:28

Ñofaamoo o ƥoxot ke refna a las es no saxade le nuun fo no ke nu niritna no taxar biiñ ke nuun. Kesanaamoo taaw ke na xa ƥiy axe nuun.

1 Korint 3:17

Oxuu gefna Mbind Roog ne, xan Roog a gefin, yaam Mbind um tedu yoo. Kaam ee nuun ndefu Mbind Roog ne.

1 Tesalonik 4:8

Yaaga boog, oxuu andoona koy ee kaa fañ bargal keene, refee yee o kiin a deɓu, ndaa Roog fee ci’na a nuun Yiif Tedu le ten.

A pi ake 7:39

Kaa koy, daan we in a mbaña o nanan a Moyiis, a ngodin, too a mbug’a o nomtoox Misira.

A pi ake 7:27

Kaa koy, oxe hup’ina o kend um doole a riña a Moyiis, too a layin ee: ‹An dodong kelfa fo o kaahate took in?

YEGIL MBAAX NE YEESU ne Lik a bindtuuna 19:14

Kaa koy, we ngen’ina fo ten kaa sib’un, too a lula wiin a cinj um, ndax da lay ee: ‹I mbugee oxene a dodel o maad in.›

Xa peƭit axe 30:17

Oxe na xaadnooxaa a faap um, a saganit o nanan ole helna a ya um, a tooq ake na ƈufnand ake xan a yul a kid um, soo xa ñeek axe na canjiik ale a listir a den.

Xa peƭit axe 30:11

Sabab took no we na salooxaa paap den, too ngidimkee ya ke den.

A lim ale 16:3

A mbokatoorana a Moyiis fa Aaroon, a lay a den ee: «A ŋaay ale nuun oxe jolaa a naaq! Mbokatax ne Isra’el fop kaa ted, too o Yaal oxe xey a ndeer in. Xar taxu boog nu nqalaataa yee nuun ngupu na xeet fee no Yaal oxe?»

Mberaand 3:5

Roog kaa and ee mbanuu nu moɗuuna, xan a kid nuun a mbetoox, nu mbod fa Roog, and paax fo paaxeer!»

YEGIL MBAAX NE YEESU ne Lik a bindtuuna 12:11

Boo nu ƥiseena na hate no pind a qeƭ ke mbaat mbaambir no haahate we mbaat mbaambir no wiin maak we, ba nu nqalam ke nu ndoonkaa mbaat ne nu layitkaa,

YEGIL MBAAX NE YEESU ne Lik a bindtuuna 11:25

A fadiidangaa koy, a soƥ ta leelel boo a xool, a mosandel,