Yudaa 1:7 - NQAARIIT NE ROOG

⁷ Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

Yudaa 1:7 Referans Kwoze

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

2 Piyeer 2:6

Roog a hate’a teeru ke Sodoom fa Gomoor, soo a tasit a den fiɗel. Neene, a cooxa we ndeefeeruuna a lalgand ee neene a refitkaa na den itam.

Mberaand 18:20

O Yaal oxe a laya a Abraham ee: «Ƭomatax ne took Sodoom fa Gomoor a ɗoma tigi, too bakaad den a magna lool!

YEGIL MBAAX NE YEESU ne Lik a bindtuuna 17:29

Kaa koy, na bes faa Lot a sutooxna Sodoom, a teƥ fiɗel fo kaa saxitna nen nqeen a yentiida na asamaan, a saŋik a den, den fop.

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

Yeremi 50:40

Ne ta refit’ina na Sodoom fa Gomoor fo teeru ke mbid’ina a den, Roog a gef’ina tuƈ, o leng genkatee kam Babilon. O mbindeef o leng dalkatee teen. O Yaal oxe layun.

Mberaand 13:13

Wiin we ngen’ina Sodoom koy wiin faaxeer a ndeeƭu, soo a tooñaa o Yaal oxe.

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Mberaand 19:5

A nqoya a Lot, a layin ee: «Taa goor we mbe’iidna no mbind of? Sutiidi a den, boo i mbi a den nen rew.»

2 Piyeer 3:7

Neene itam, fa lay fa leng kut fee a geektaa asamaan fee fo lanq ke ndiiki, boo na bes faa na hate faa. Maaga, a saŋkitkeel kam fiɗel le, den fo we mbañna a Roog fop.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Esayi 13:19

Babilon, mosandoor ke no maat ke, kumooxel qaaƴoor ke no Kaakalde we xan a nand nen a Sodoom fa Gomoor Roog a gef’ina tuƈ.

Mace 11:24

Ten taxu mexe layaa a nuun ee na bes faa no nqel naa Roog, Sodoom na moƴkang o yooɓiɗ hate, wo Kapernawum.»

Yeremi 20:16

Yaasam o koor oxeene a nand fo teeru ke o Yaal oxe a jaxasna too jegee teen o ndicax. Yaasam ta nan xa poygax no nqes ne fo xa buuq xire njoloor o mbuc.

A ƭomatax ake 4:6

Tooñ ne na xeet es moƴu magin ne Sodoom, gef’eena ndeer ñaf fo ƭeet, too o ɓay no leng niinee teen.

Esayi 33:14

Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›

1 Maad we 22:46

Ke yoqna na pi ake Yosafat fop fo njambaar ne ta lalitna fo a ñoq ake ten kaa mbindel no «Safe le no caloori ke no maad we Yudaa».

Mace 10:15

No ndigil, mexe layaa a nuun ee: Na bes faa no nqel naa Roog, saax laa Sodoom fa Gomoor na moƴkaa o yooɓiɗ hate saax laaga.»

2 Tesalonik 1:7

soo nuun we toroxandeena, ta ci a nuun a ñootnax, a ci’in a in itam. Xan Roog a fadin keene fop, yaa o Yaal oxe Yeesu a inooritkaa na asamaan, a yoon fo malaaka cegu katil ke ten,

2 Tesalonik 1:8

kam fiɗel laa na miric-miricnaa. A koom kañ, ta xaw wiin we andeerna a Roog too a mbañ o nanan Yegil mbaax ne no Yaal in Yeesu.

2 Piyeer 2:2

Mayu no wiin we xan a ndeef a pesoorooƭ a paaxeer ake den, soo wiin we a layaa paaxeer na ƭat ale no ndigil ne yaam den.