Yudaa 1:4 - NQAARIIT NE ROOG

⁴ Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

Yudaa 1:4 Referans Kwoze

Galati 2:4

A jeg’a koy waa ƥerexoogna a ndeer in, too ndeeƭee gimu. Weene o mat mbug’u o nqucnoor a Tiit. Kaa ƥerex a ndeer in ndax da ngoroox o daaw ole i njeg’ina na Kiristaa Yeesu. Kaa mbug’u o ƥakand a in no mbaƭ ne kebil ke a ndalinna,

2 Piyeer 2:10

We na ndeefaa paaxeer ke cer den a yaawaa, Roog a moƴkaa o xaw, den we saɗareerna katil um. Jaajangin maamaaɓ weene mbitee dara. Kaa nduqwaƭar, too saɗaree o mben we njegna o ndam na asamaan sax.

1Saŋ 2:22

An refu o maamaaɓ koy? Ten refu o podandoor oxe na xañaa yee Yeesu refu Kiristaa fee, o Muumucil oxe regteena. O maamaaɓ oxeene refu o podandoor oxe Kiristaa na xañaa a Faap fee fo o Ƥeenqe.

1 Piyeer 2:16

Mbesooryo boog nen wiin jegu a qoox den, ndaa o jeg xoox nuun oleene koy, ba nu mbi’in muurax naa na singaa paaxeer, yaam faɗ Roog nu ndefu.

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

2 Timote 3:6

A jega na den waa na ndokaa kam pind ke, a ƭooqlooxaa rew we yooɓna naxel, pakaad den a mbiiqilna, a yuxum a pagkatar a maƥ a den.

Galati 5:13

Fog we, nu sute no mbaƭ ne nu ndeeƭna, ndaa baa a sutax aleene a tax nu ñoowaa no ke cer ke nuun a yaawaa. Yaaga boog, fat o mbeq onqe a tax nu ndagooraa.

2 Piyeer 3:7

Neene itam, fa lay fa leng kut fee a geektaa asamaan fee fo lanq ke ndiiki, boo na bes faa na hate faa. Maaga, a saŋkitkeel kam fiɗel le, den fo we mbañna a Roog fop.

A kim a tedu ke 62:2

Na Roog soom o laaw es a yaadoortaa, no ten a muc es a inooraa.

A kim a tedu ke 1:1

Ndaw o ɗaay no xe reefkeerna xa as no soxodu we too laalkee baabakaad we, nqel um ta riƈatin xaaxaadnax we,

Yudaa 1:15

Xan a dalin hate took wiin we fop, a xaw jofaƭaru we yaam njofaƭar ne da mbi’na fop, ye da mbañna a Roog fo a ƭelem a ñexetu ke baabakaad jofaƭaru we a layna no ten fop.»

1 Piyeer 4:18

Kene refu ke a Pind a Tedu ke a layna: «A soƥangaa yee o cofu xe kaa ɗom o muclel, xar na dalkaa soxodu we fo baabakaad we?»

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

A pi ake 15:24

I nana yee leng-leng no we inoorna na in, i ngebleerna tus no kaa farna no keene, owe njom’andaa a nuun, too a ngal’andaa a nuun fo fa lay.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

Mace 13:25

soo ye wiin we a mbondooxna, o pañ um a gar, a duuf puulaand kam a yang alaa soo a ret.

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

2 Sami’el 22:5

A yag-ee-yag ake na fa nqon fee kaa ndeer’aam, soo a qayaandiin a yaayaq ake a ndiidlandaxam.

1 Timote 5:8

A soƥangaa yee o kiin topatooxee wiin um, a eetit no ƥasil um, oxeene a goƭatira fo o kimu, too ten moƴu faaxaƭar o kimeer.

2 Timote 2:12

i nqijangaa fo ten, xan i maadook fo ten. I layangaa yee i mosiran o and, too andin, xan a xañ ee andee a in itam.

2 Piyeer 2:7

Na jamaane faaga, a mucla a Lot fee reeƭna o koor o cofu, naqadiloox’ina no xeeñ um yaam caasaay ne wiin weene a saq’ina na pesoorooƭ a paaxeer ale den.

Yudaa 1:18

A layooga a nuun ee: «Na jamaane fa mbalakaand fee, xan a jeg xaaxaadnax waa na mbugko ñaaƴaa kam a yaaw a cofaƭaru den.»