Yudaa 1:3 - NQAARIIT NE ROOG

³ Nuun we fexuuma! Kaam jeemoogu o bind a nuun no kaa farna na muc ale i njegna, ye ga’uuma yee wareef es oo. Ten taxu, mexe bindaa a nuun o leetar olene, ndax um saƭakin a nuun, nu maafrel yaam o ngim onqe Roog a ci’na jaf leng kut tedu we ndefna wiin um.

Yudaa 1:3 Referans Kwoze

1 Timote 6:12

Fat o gomrel ngomir mbaax ne o ngim a laamitna. Dami no ñoow o fagkeer ole taxna o xoyel, too o weejlitin o ngim of, wiin mayu a seede’in.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

Yudaa 1:20

Kaa koy, nuun we fexuuma, moƴyo o njokraa kam o ngim o tedu nqe nuun, nqeɗtaa Yiif Tedu le.

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

2 Timote 1:13

Gingli no yiif of a ƭelem a ñoow ake daawtoona na mi, geekit a den fo o ngim fo o mbeq onqe refna na Kiristaa Yeesu.

1 Timote 1:18

Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

Galati 2:5

ndaa i ci’ee a den ñootand leng, too i nqoxa ke da ngebloogna, ndax nu mbaag o ndam Yegil mbaax ndigil ne.

Hebre 13:22

Fog we, kaam xeɗaa a nuun keeke: Nan-gilooxyo fo o muñ a ƭelem akeeke na saƭkinaa, yaam ke binduuma a nuun no leetar oleeke jaakee.

A pi ake 9:22

Sool koy, a moƴ’a o saƭkaa, too a jaaxɗand’a Yaawuur we ngenna Damaas, yaa ta lalaa a den ee Yeesu refu Kiristaa fee, o Muumucil oxe regteena.

Esayi 45:22

Nuun we ngenna no cat adna, ngeleerooxyo me mi too njaɓ o muclel, yaam mi refu Roog, too jegee fa lakas.

A cangatin ale 9:10

O Yaal oxe Roog a cooxaxam a alfa ƥil a ƭak ake ta bindood’ina kebil ke fop ta daawinna a nuun took o joong olaa, ye ta fodna a ndeer fiɗel laa a koom alaa fo mbokatax naa.

1 Tesalonik 2:2

Nu anda itam ee ye i ngelkaa fo ngar me nuun, i ñagadil’e, mbenel kam teeru fee Filip. Kaa koy, Roog a ci’’a a in njambaar, ndax i yegniid a nuun Yegil mbaax ne ten, ke i mbañ’eena fop oo.

1 Korint 15:3

Pitik, kaam jangin a nuun ke daawuuma, ta ref ke moƴna o jeg o njiriiñ. Ten refu yee: Kaa Kiristaa a xon yaam pakaad in, ne a Pind a Tedu ke laytuuna,

A pi ake 4:12

Yaaga boog, no ten soom a muc a waage o jegit, yaam jegee ɗuga asamaan gon lakas laa Roog a ci’itna ndeer no wiin we, ndax i muc.»

A pi ake 18:28

Kaa maafoogu Yaawuur we mbaambir no fop, yaam kaa laloogu a den na pexey a Pind a Tedu ke yee Yeesu refu o Muumucil oxe regteena.

A pi ake 17:3

Kaa tektoogu a den a Pind a Tedu ke, too a lalaa a den teen ee Kiristaa fee, o Muumucil oxe regteena a war’a o coono, soo a xontoox a ndeer no xon we. Kaa layoogu a den ee: «Yeesu fee um yegnaa a nuun, refu Kiristaa fee, o Muumucil oxeene.»

Yudaa 1:17

Nuun we fexuuma koy, mbetandooxyo padafuleer ke apootar we no Yaal in Yeesu Kiristaa a yegnit’ina yaaga.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

1 Piyeer 5:12

Mexe bindaa a nuun a ƭelem a leng-leng akeene no ndimle Silwe fee fi’uuma nen o pog o kore’u, ndax um saƭakin a nuun, soo seede yee keene refu yirmande fa ndigil fee Roog. Saƭikyo a paax no ten!

Kolos 1:2

In we simnaa a nuun, nuun tedu we ngimna, ndef fog in na Kiristaa, too ngen na teeru fee Kolos. Yaasam Roog Faap in a ci a nuun yirmande fa jam!

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.

Efees 1:1

Mi Pool fee refna apootar Kiristaa Yeesu ne Roog a bugtuuna, na bindaa a nuun o leetar oleeke, nuun gimu tedu we na Kiristaa Yeesu ngenna Efees.

Galati 6:11

Nu nga’a ne a pind ake no leetar ole bindtuuma a nuun o ɓay es a magnitna.

A pi ake 28:28

Pool a ɓaata teen ee: «Andyo boog ee we ndefeerna Yaawuur a mboga no we taxna waare feeke na muc ale Roog a lultel. Xan da nan-gilooxin!» [

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

Yeremi 9:3

Fat oxuu refna na nuun a wootoox a xaariit um, too ba nu ngooloox o pog nuun o leng, yaam o pog oxuu refna kaa ƴiƴtaa, soo xaariit fuu refna a yaqaa ƭool.

Esayi 45:17

Kaa koy, o Yaal oxe xan a mucil xeet fee Isra’el. Xan a muclel boo faw. Nu sedkee muk mbaat nu niwaƭarel.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

Nehemi 13:25

Xasanaam a den soo saloox a den. Xawaam leng-leng na den soo ɓuut wiil den. Cinj kaaga, daaɓooxnooraam a den no gon Roog da mbañ o ci’tat xa ƥiy den a tolax me no goor jan we mbaat da ngilgan xa ƥiy xa koor axe den mbaat a qoox den rew jan.

A cangatin ale 21:9

Neene, xan nu mbi kaa faaxna na kid no Yaal oxe, too nu ngadooxkatee fo’oy le na jaambuur feene.»

A pi ake 6:7

Fa lay fee Roog a moƴ’a joot, daalbe we a moƴ o may kam Yeerusaleem, too mayu no saasadax we a ngima na Yeesu.

A pi ake 9:13

Anañaas a doona yee: «O Yaal oxe, nantaam no wiin mayu, da layaa paaxeer ke o koor oxeene a fi’na we mbogna na wo Yeerusaleem.

Hebre 6:9

Kaa koy, nuun we fexuuma, kuu i laytaa layit neene fop oo, i njega a koolax tigi na nuun. I anda yee nuun we ndeefaa a ƭat a cofu le, refna ale na ɓisaa na muc ale.

2 Piyeer 2:21

Yaam ke moƴ’ina na den, da ñak-o-and a ƭat ale no cofel ole, ee da andin, soo a mbes a cinj kebil tedu ne Roog a coox’ina a den.

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.