Yudaa 1:21 - NQAARIIT NE ROOG

²¹ Ndamooxyo kam o mbeq onqe Roog, ngen no cungaa yaa o Yaal in Yeesu Kiristaa kam o paaxel um a cooxkaa a nuun o ñoow o fagkeer ole.

Yudaa 1:21 Referans Kwoze

1Saŋ 4:16

In o mat, i anda ne Roog a fexitna a in, too i ngimaan. Roog o mbeq oo. Oxe genna no mbeq, na Roog a genu, too Roog itam, no ten a genu.

2 Piyeer 3:12

Cungyo, too mbi ke nu mbaagna, ndax bes fee Roog a ñof o gar. Bes feene xan a tax asamaan fee a ñuf, soo ke fokateena a naay na fiɗel fa saasu.

Hebre 9:28

Neene itam, Kiristaa a ɓoxote nen sadax jaf leng kut, ndax ta forit pakaad no wiin mayu. Xan a feeñ jaf ɗikandeer, refee koy ee ndax ta forit pakaad, ndaa ndax ta mucil we ndefna no cungan.

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

2 Tesalonik 3:5

Yaasam o Yaal oxe a ɗox a qeeñ nuun, nu mbex a Roog, too njeg o muñ ole na inooraa na Kiristaa.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

YEGIL MBAAX NE YEESU ne Saŋ a bindtuuna 14:21

Oxe na gayaa ke hebluuma, ten fexaxam, too fexaxama, xan Faap fee a fexin. Mi itam, xam fexin, too xam feeñlin oxe refuuma.»

2 Timote 4:8

Andaam ee o ndip onqe jofu we a cooxeel, oxe cungaxam. O Yaal oxe refna o Kaahate cofu xe xan a cooxaam o ten na bes faa ta nomtooxiidkaa. Refee koy ee mi soom a cooxkan, ndaa fop we na tayaa a nomtooxiid ale ten.

2 Timote 1:2

Mi na bindang, wo Timote fee o ƥees onqe fexuuma bo: Yaasam Roog Faap fee fo o Yaal in Kiristaa Yeesu a ci’ong yirmande fa jam, a njeg o liir na wo!

O leetar ole Pool a bindna GIMU WE NGENNA ROM 8:39

katil ke took mbaat ke ɗuga lanq mbaat mbindel nuu ta waagna waag o ref, dara teen waagkee o saƭtirand a in fo o mbeq onqe Roog i ndaawitna na Kiristaa Yeesu o Yaal in.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

1Saŋ 5:18

I anda yee oxuu Roog a rimna genkee na bakaad. Oxe Roog a rimna kaa damooxaa, too o paaxeer oxe duqkiran.

O leetar ole Pool a bindna GIMU WE NGENNA ROM 5:5

Yaakaar ne o mat saalkee na in muk, yaam Roog kaa yip o mbeq um kam a qeeñ in na pexey Yiif Tedu le ta ci’na a in.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

1Saŋ 5:21

Xa teɓandoong es, mbootooxyo o mbaɗoox ke refeerna Roog.

2 Timote 1:18

Koo yaasam o Yaal oxe a fi ta daaw yirmande Roog na bes fa mbalakaand faa. O leng moƴirang o and ne ta dimle’taxama ye um refaa Efees.

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

Ke bindeena no xe ne’eena YOB 14:14

Kaa koy, ndax o kiin a waaga xon soo a ñoowatin? Yaaga muñkoogaam boo yaa ñaal ke yoqteema a mbaafna, boo yaa oxe na jaɓankaxam a garna.

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

2 Timote 1:16

Yaasam o Yaal oxe a xayand yirmande um kam mbind Onesifoor. Yaaloortaam no ten a caf a mayu, too kaso fee refuuma fi’iran gaci.

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.

Yudaa 1:22

Yirimyo we na njaageejaa.