Yudaa 1:16 - NQAARIIT NE ROOG

¹⁶ Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.

Yudaa 1:16 Referans Kwoze

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

2 Piyeer 2:10

We na ndeefaa paaxeer ke cer den a yaawaa, Roog a moƴkaa o xaw, den we saɗareerna katil um. Jaajangin maamaaɓ weene mbitee dara. Kaa nduqwaƭar, too saɗaree o mben we njegna o ndam na asamaan sax.

Filip 2:14

Kuu nu mbi’aa, baa jeg a ƭomatax mbaat a caageej,

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.

1 Timote 6:5

Meene ñimatir ke no wiin we ñakatna a yiif a ndefu, ndigil a daɗ a den, da mboog ee o reef a Roog baaƭir xaaliis oo.

1 Korint 10:10

Ba nu nqaadoox, ciiƥnoox kaa farna no Yaal oxe, ne da mbi’it’uuna boo malaaka fee na saŋkaa a fudooxan a den.

Yudaa 1:18

A layooga a nuun ee: «Na jamaane fa mbalakaand fee, xan a jeg xaaxaadnax waa na mbugko ñaaƴaa kam a yaaw a cofaƭaru den.»

2 Piyeer 3:3

Fat nu eet o and ee no ñaal palakaand ke, xan a jeg xaaxaadnax waa na mbugko ñaaƴaa na yaaw a paaxeer ake den. Xan a njeeraa a nuun,

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

A kim a tedu ke 15:4

Kaa sibaa oxe deyeena o sib, a niw oxe saɗarna o Yaal oxe, too a daaɓooxangaa tig, a bug oo maƭarkan, ndaa dakooxkee teen a cinj.

A paɗax ale 19:15

Ba nu ngate’it njofaƭar, mbarit o neewu doole xe mbaat o yaal doole xe, ndaa ngate’ityo o cofel.

Yudaa 1:15

Xan a dalin hate took wiin we fop, a xaw jofaƭaru we yaam njofaƭar ne da mbi’na fop, ye da mbañna a Roog fo a ƭelem a ñexetu ke baabakaad jofaƭaru we a layna no ten fop.»

1 Piyeer 1:14

Nen xa teɓandoong Roog axaa nananuuna, ba nu ndeefan a yaaw ake nu njeg’ina yaaga, ye nu njeg’afuleerna o and.

Galati 5:16

Mexe layaa boog ee nqaƴyo Yiif le Roog a ɗox o ñoow nuun, too yaaga nu mbi’kee ke cer ke nuun a yaawaa.

YEGIL MBAAX NE YEESU ne Saŋ a bindtuuna 6:61

Yaa Yeesu a andanna a xoox um ee daalbe we sax me da ndefna kaa nqaadoox yaam keene, a laya a den ee: «Ca! Tiye kaa bug o ref na nuun a panq?

Esayi 29:24

We a yiif den a ngulmoogna xan a ndaaw o jeg-yiif, soo we ñunqumtilooxoogna a njaɓat o njangnel.»

A kim a tedu ke 17:10

Dara yuɗee a den, da laytaa o nga’atinax.

A lim ale 16:11

Neene, wo fo a yaj of, refee yee Aaroon nu ñuxmatilooxanaa, ndaa o Yaal oxe sax sax nu mbokatooranu!»

2 Timote 4:3

Xan a jeg jamaane faa a ƭat no wiin we a yongkateerna na cangin a ñoow ale. Yaam ne a yuxum den a adinkaa a den, da saakaa pel, a mbaaƭaa jaajangin fagkatar waa na mbugko layanaa a den ke nof den a ndiiraa.

1 Tesalonik 4:5

a fañ a yaaw a pagkatar a sufoox took um, ne da ndalitna took gimaƭaru we andeerna a Roog.

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

YEGIL MBAAX NE YEESU ne Saŋ a bindtuuna 6:41

Yaawuur waa koy, a nqaada a Yeesu, yaam ne ta lay’ina yee: «Mi refu mbuuru ne fudoorna na asamaan.»

YEGIL MBAAX NE YEESU ne Lik a bindtuuna 19:7

ndaa waa nga’na kaaga fop a ñunqumtilooxooga yee: «Ɗeeti Yeesu a dalik no mbind no koor o paabakaad!»

YEGIL MBAAX NE YEESU ne Lik a bindtuuna 15:2

Farisiya we fo saasadax maak we kaa ñuxmatilooxoogu, a layaa yee: «O koor oxeeke kaa dalnaa baabakaad we, soo a ñaamaa fa den.»

YEGIL MBAAX NE YEESU ne Lik a bindtuuna 5:30

Farisiya we fo jaajangin we no kebil ke Moyiis mbog’ina na den a nqaadoox’a, too a layaa daalbe we Yeesu yee: «Xar taxu nu ñaamaa yeraa fo we na ndabdinooxaa juuti fo baabakaad we?»

Xa peƭit axe 28:21

Fare-fare faaxee tus. Yaag oo toox de, a jega waa na mbi’an yaam tig pooreer doŋ.

A kim a tedu ke 106:25

A ñuxmatilooxa kam ƭiif ke den, a mbañat o nan-giloox o ñuxur no Yaal oxe.

Ke bindeena no xe ne’eena YOB 34:19

Naagee o fartaa wiin maak we, jegee njektirand ndeer o yaal halal oxe fo o ndool onqe, yaam den fop kaa ndef jale na xa ƥay um.

Ke bindeena no xe ne’eena YOB 32:21

Faritkiim o leng too jeykiim o kiin itam.

A cangatin ale 1:27

Nu ñuxmatilooxa kam ƭiif ke nuun, lay ee: ‹O Yaal oxe Roog in kaa bugee bug a in, ten taxu ta sut a in no saax laa Misira, ndax ta ɓoxot a in na xa ƥay no Aa-amori we soo a moocand a in.

A lim ale 14:36

Goor we Moyiis a lul’ina da ngorook saax laa, too a layan’u saax leene paaxeer, ye da ngatna boo a tax xeet fee fop a ñuxmatilooxanaa a Moyiis,

A kim a tedu ke 73:8

Kaa nqaadnooxaa, a ñexet fa lay, a laytaa a magnandax kam kañaan den.