15 Xan a dalin hate took wiin we fop, a xaw jofaƭaru we yaam njofaƭar ne da mbi’na fop, ye da mbañna a Roog fo a ƭelem a ñexetu ke baabakaad jofaƭaru we a layna no ten fop.»
Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.
Wo o ndeɓandoong onqe, felakinooxi no ndeƥandoong of. Fat xeeñ of a ɗaay no njaaƈ of. Reefi ke xeeñ of a bugna fo ke a kid of a yuxmaa, ndaa fat o yeg fo and ee no keene fop xan Roog a hate’ong.
I anda a paax ee o nanangaa kebil a dalnel, refee yee jofu we taxu, ndaa jofaƭaru we fo luubooxu we fo soxodu we fo baabakaad we. We ngartuuna ndefu itam we niweerna a Roog, we naangeerna o ndeefaa a ƭat Roog fo we na mbaraa we ndimna a den fo waawar lakas we.
Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.
yaam a dama bes fee ta hate’kaa adna fee fo o cofel, na pexey o kiin oxe ta jooxna. A lala wiin we yee keene booru yoo, ye ta xontooxnoorna o kiin oxeene a ndeer no xon we.»
Ba nu ndupataa fa lay fa njegee xoox, magnandooxaa na fa lay nuun, yaam o Yaal oxe kaa ref Roog faa dara kunpa’eerna too ten na hate’aa a pi no kiin oxuu refna.
Moyiis a dakooxahina o lay ee: «O yaar o Yaal oxe a ci a nuun a tegeƴ akaa nu ñaamna soo o feet nqes ta ci a nuun puuru kaa nu ñaamna boo ngiñ, yaam o Yaal oxe a nana o nqasan onqe nu nqasanuuna, too sax, kaa andiim ke i ndefna. Refee yee in nu nqasu, ndaa o Yaal oxe.»
Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.
O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.
Laamtoogaam itam no kaa farna na xa can xarɓaxay axe ɓaanoor fee a jeg’ina no xoox um fo no njan onqe sax’ina, soo xa can xa tadaq a mbuuroorit mbaambir um, o njan onqeene saq’ina a kid no kiin fo o don olaa laytoogna a magnandax soo a nandtaa olaa moƴna o magin xa lakas axe.