Yudaa 1:13 - NQAARIIT NE ROOG

¹³ Kaa nand fo a yag-ee-yag ake no maag ole na ndiñaa a puur. Neene wiin weene a suttaa a pi a cednooxu ke den itam. Kaa nand nen xa qoor xa mo’u. Roog a geekana a den ɓaal-ee-ɓaal le no niɓaan ole boo faw.

Yudaa 1:13 Referans Kwoze

2 Piyeer 2:17

Wiin weene kaa ndef nen xa quluɓ axaa njegeerna foofi. Kaa ndef itam nen a eel akaa nqeñ ne yetnaa. Roog koy, kaa geekan a den ɓaal-ee-ɓaal le no niɓaan ole.

Filip 3:19

A saŋkax na cungaa a den. O fud refu Roog den, o ndam den da ƥekin no ke na gaci’nooraa a den. Tig adna soom a nqalaataa.

Esayi 57:20

Kaa koy, soxodu we kaa nand nen o maag o jumbu laa waageerna o riim, too poofi ke ten a njooriidaa tafil ndoƭ kuu ndefna.

A kim a tedu ke 65:7

Wo na saƭkandaa xa coong axe fa doole of soo fapoor katil.

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Yudaa 1:6

Mbetandooxyo malaaka ke ngeek’eerna sañ-sañ fee da cooxeena, soo a nqaƴ kenand ke da njegoodna. Roog a dura a den kam o niɓaan ole na refkaa bo na moos boo moos. Xan a ndef maaga boo na hate fee na bes fa maak faa.