Yudaa 1:12 - NQAARIIT NE ROOG

¹² A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

Yudaa 1:12 Referans Kwoze

Mace 15:13

A doona a den ee: «Ndaxar nuu Faap es fee na asamaan a jimbeerna, xan a fuurel.

Heseki’el 34:8

Ne ta wooritna yee mexe ñoowaa, mi o Yaal oxe na refkaa boo faw layun, feek paal ke mi kaa saanqooxaa, a ndefat muud no ƥaaɓaan ke na koƥ ale took o ñak o kaynaak, feek gaynaak we mi topatooxoogee dara paal ke mi, feek gaynaak we a qoox den soom a ngayoogu, too ngayoogee paal ke mi,

Filip 3:19

A saŋkax na cungaa a den. O fud refu Roog den, o ndam den da ƥekin no ke na gaci’nooraa a den. Tig adna soom a nqalaataa.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Xa peƭit axe 25:14

Oxe na ga’atinooraa ci’it too cooxitkee a den, kaa nand nen o ufang.

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

YEGIL MBAAX NE YEESU ne Lik a bindtuuna 8:6

A seek a lakas a yena maa fi’na ƭeŋkeleer. A looƴ’a no ñofu, ndaa a weera, yaam lanq ke nquƥ’ee.

Heseki’el 34:10

Keeke layum, mi o Yaal oxe na refkaa boo faw: Xam ɓek gaynaak weene o ɓay. Xam suud paal ke mi na xa ƥay den, xaƴkatiim a den da ndef ɗooɗox, a ƭoxaa a qoox den. Xam suqit paal ke mi no don den, too ndefkatee ñaamel den.

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

Saak 5:5

Nu ñaama o ñoow ole na adna fee kam o neq fo no kuu felna a nuun. Nu yablooxa boo naang neeke naluƈ nen ƥuj kude.

1 Timote 5:6

O ñaaw oxe andoona koy ee kaa ñoowaa na baneex, kaa xon ɗoŋ, ke ta xuƥaa fop oo.

YEGIL MBAAX NE YEESU ne Lik a bindtuuna 16:19

«A jeg’a o yaal halal oxaa rokooxoogna ndoki daalde fo sooy, too bes fuu refna kaa bumbaayoogu, a ñoowaa o ñoow o felu.

YEGIL MBAAX NE YEESU ne Lik a bindtuuna 12:45

Kaa koy, boo ta refna o paɗ oxaa na layaa taa no yiif um ee: ‹O yaal mbind es oxe miñaa a koƥ›, soo a refat no xawaa faɗ we ta doxneena, goor fo rew, a ñaamaa, a yeraa wayaa,

Mark 4:6

Yaa njeeƈ naa a sumna, a leeƥa, too a weera, yaam jegee a paƴ.

Mace 13:6

Yaa njeeƈ naa a sumna, a leeƥa too a weera, yaam jeg’ee a paƴ.

Hoose 6:4

Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

Heseki’el 34:18

Ndax kaa nu nqeef o suuf no gayand o faax ole boo a tax nu nduutaa ke yoqna na xa suufand nuun? Ndax kaa nu nqeef o yer foofi fo wendu le boo a tax nu nootaa ke yoqna fo a caf nuun?

Heseki’el 17:9

Layi yee: Keeke o Yaal oxe na refkaa boo faw a layu: Ndax xan a neq? Ndax a canjiik a eetaand ale ɗiqitkee a paƴ um, a ɓoor xa tim um, ndax ta weer ŋayam, a naf ake ta saqitna a mbeer korong? Soxla’kee doole fa mayu mbaat a yaj no wiin ndax ta fuurel.

A kim a tedu ke 1:3

Oxeene kiin kaa ref nen ndaxar njimbe paam o ƈufnand foofi, a rimaa na waxtu um, a gen no neepaa kili. No kuu ta rokna rek, xan a ñaaƴ.

2 Caloori ke 7:20

yaaga, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc, fi’in naxoor fo calat a ndeer qeet ke fop.

A kim a tedu ke 37:2

yaam xan a ñof o mbeer koroŋ nen boob, a leeƥ nen daaƭ xuƥu.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

A paɗax ale 14:43

Boo andoona yee naawoos le a dakooxa o feeñ na ndok ale a cinj yaa a kac ake a mbatneena, a ndok ale a xoosel soo a laaratinel,

Ke bindeena no xe ne’eena YOB 8:17

Kaa mudnaa a paƴ ake ten ndeer a kac ake, da laxasoox no ɓil luu refna.