Yudaa 1:11 - NQAARIIT NE ROOG

¹¹ Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

Yudaa 1:11 Referans Kwoze

2 Piyeer 2:15

Cinj ye da nqaƴna a ƭat a cofu le a mo’a, soo a ndeef a ƭat ale Balam fee o ƥiy Bewoor, fex’ina o fi paaxeer, ndax ta cooxel xaaliis.

1Saŋ 3:12

Ba i nand fa Kayin fee fog’ina no paaxeer oxe, boo a xiris o ndeɓ um. Xar tax’u ta warin? Yaam a pi um kaa mbaax’ee, too a pi no ndeɓ um a njof.

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

Hebre 11:4

O ngim o mat tax’u Abel a ɓoxot a Roog sadax faa moƴna fee Kayin. Roog a ɗeetaan nen o cofu yaam o ngim um, too Roog fa xoox um a jaɓa ci’it um. Abel a xona, ndaa o ngim um a taxa ta maad o layaa.

Mace 11:21

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, too a nderoox xa saaku, a moof no ndaw, ndax da lalit ee a ndicooxa.

Mise 6:5

Nuun xeet es, mbetandooxyo ke Balak fee o maad Mowaab a yuuɓan’ina a nuun fo ke Balam fee o ƥiy Bewoor a doon’uuna. Mbetandooxyo ke fi’anuuma a nuun xotitna Sitiim boo Gilgal, ndax nu andid a pi ake muclituuma a nuun, mi o Yaal oxe.»

Esayi 3:11

Kaa koy, ndaw naqad took no soxodu xe, yaam xan a rabdel a pi um.

Esayi 3:9

A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.

A cangatin ale 23:4

Aa-amon we fo Moomowaab we njaɓkaand kam mbokatax ne no Yaal oxe. Xa taan axe den sax boo no suk xarɓaxayandeer naa njaɓkaand teen.

A lim ale 31:16

A woora a nuun toox de yee den o mat ndeef’u xa as axe Balam, a soob Ii-isra’el we bo da ngore’aƭar no Yaal oxe, a mbaɗooxataa a Baal-Pe’oor, boo a tax taamaala a dal xeet fee no Yaal oxe.

Sakari 11:17

Sabab took no kaynaak o caree tus oxe na fesaa paal um a cinj! Yaasam laƥ a god a naax um soo a yul a ngid um a ñamaak! Kaam ee yaasam a naax um a yeroox, a ngid um a ñamaak a cus!

Heseki’el 13:3

Keeke o Yaal oxe na refkaa boo faw a layu: Sabab took no duleer fanxoyu we na ndeefaa yiif den too njegee mbeeñil leng!

Yeremi 13:27

Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

2 Maad we 16:16

Uriya fee o saasadax oxe a reefa fop ke o maad Ahas a hebil’uuna.